‎إنا لله وإنا إليه راجعون

Waxaa halkan ugu tacsiyadeynayaa guud ahaan umadda Soomaaliyeed geeridii ku timid Allaha u naxariisto Ugaas C/llaahi Ugaas Xaashi ( Faracadde ) oo ahaa Ugaaska Beesha Murusade, waxaan si gaar ah tiraanyadda ula qeybsanayaa caruurtisa ,qoyskii iyo Qarabada uu ka baxay.

Allaha u naxariistee Ugaas C/llaahi Faracadde Waxuu si mug leh uga soo qeybqaatay geeddi socodkii dib u heshiisiinta, nabadeynta iyo dib u dhiska Dowladnimada Soomaaliya.

Waxaan Alle uga baryayaa in uu hoygiisa ka yeelo Jannatul Firdowsa, qoyskiisa iyo dhammaan umadda Soomaaliyeed ee uu ka geeriyoodeyna samir iyo iimaan Alle ha naga wada siiyo.

Aamiin Yaa Allah

‌‎ إنا لله وإنا إليه راجعون

Waxaan halkan tacsiyo ugu dirayaa dhamaan qaraabada iyo asxaabta allah u nahariste Abduqadir Sharif Xirow oo caawa Baydhabo ku geeriyooday. Qoyska, qarabada, bahda Ciyaaraha iyo Guud ahaan ummadda Soomaaliyeed Waxaan Allah uga baryeyaa Janatul Fardowsa , eheladii uu ka baxdeyna samir iyo iimaan Allah haka siiyo. Aamiin
‎انالله وانا اليه راجعون اللهم اغفر وارحمه واسكنه فسيح جناتك.

Waxaan Ilaaheey uga baryeeynaa inuu horteena cafiyo kitaab’kiisana gacanta midig kasiiyo, Jannadii fardowsa ka waraabiyo.

Aamiin Yaa Allah

Waxaan ehelada,qaraabada ,guud ahaan Qaranka Soomaaliyeed uga tacsiyadeynayaa geerida ku timid Allaha ha u naxriistee xildhibaankii hore ee golaha Shacabka Siidow Adan Abaadir oo geeriyooday Allah SWT naxriistiisa jano haka waraabiyo dhamaan ehelada Iyo guud ahaan Shacabka Soomaaliyeedna samir Iyo iimaan haka siiyo.

Allaha ha u naxriistee Xildhibaan Siidow Adan Waxaa u ahaa siyaasi Uu Wanagsan Bulshada iyo deeganada Somaliyeed Sida Okale ,waxa uu ummada Somaliyeed dhexdeeyda ku lahaa taariikh mug weyn, Naftiisa iyo waqtigiisa inta ugu badan, waxa uu u huray dib u dhiska dalka,

Waxa aan Alle SWT uga wada baryaynaa in uu jannadii Fardowsa ka waraabiyo.

Guud ahaan shacabka Soomaaliyeed meel walba oo ay joogaan waxaan ugu hambalyeynayaa munaasabadda xuska sanadguurada 64-aad ee kasoo wareegatay xorrnimadii gobolada koonfureed ee dalkeena iyo israacii waqooyi iyo koonfur.

Maadaama maalmahan xorriyadda ay aad inoogu weynyihiin waxaan dadka Soomaaliyeed ugu baaqayaa in ay midnimo iyo wadajir muujiyaan. Xornimada iyo dowladnimada aynu maanta heysano dadaal badan iyo halgan dheer loo soo maray.

Sidoo kale waxaan dadka Soomaaliyeed ugu baaqayaa in ay dowladooda garab istaagaan maadaamaa ay dowladda horumaro badan sameyneyso si dowladnimada Iyo horumaradaas loo sii adkeeyana ay muhiim tahay taageerada iyo garab istaaga Shacabka Soomaaliyeed.

Waxaan ehelada,qaraabada Iyo guud ahaan umada Soomaaliyeed uga tacsiyadeynayaa geerida ku timid Allaha ha u naxriistee guddoomiyihii hore ee golaha Shacabka Prof Maxamed Sheekh Cusmaan Jawaari oo ku geeriyooday Magaaladda Muqdisho,Rabi SWT naxriistiisa jano haka waraabiyo dhamaan ehelada Iyo guud ahaan Shacabka Soomaaliyeedna samir Iyo iimaan haka siiyo. Allaha ha u naxriistee Prof Maxamed Sheekh Cusmaan Jawaari waxaa u ahaa siyaasi odaytinimadiisa Iyo aqoontiisaba inta badan cimrigiisa ugu soo adeegay Qaranka Soomaaliyeed,waxa uu ummada Soomaaliyeed dhexdeeda ku lahaa taariikh mug weyn, Naftiisa iyo waqtigiisa inta ugu badan, waxa uu u huray dib u dhiska dalka, waxa uu gacan weyn ka gaystay dib u qorida dastuurka dalka. Waxa aan Alle SWT uga wada baryaynaa in uu jannadii Fardowsa ka waraabiyo.

‎إنا لله وإنا إليه راجعون

Waxaan halkan tacsiyo ugu dirayaa dhamaan qaraabada iyo asxaabta allah u nahariste malaqa manuur Yuusuf mahamuud 79 jiir ah oo maanta lagu diiley degmada berdaale. Waxaan Allah SWT uga baryeyaa Janatul Fardowsa , eheladii uu ka baxdeyna samir iyo iimaan Allah haka siiyo.

انالله وانا اليه راجعون اللهم اغفر وارحمه واسكنه فسيح جناتك.

Waxaan Allah SWT uga baryeeynaa inuu horteena cafiyo kitaab’kiisana gacanta midig kasiiyo, Jannadii fardowsa ka waraabiyo.

Aamiin yaa Allah

Ciid wanaagsan Shacabka Soomaaliyeed.

Waxaan guud ahaan muslimiinta caalamka gaar ahaan shacabka Soomaaliyeed ugu hambalyeynayaa bilashada Bisha Shawaal iyo munaasabada Ciida.

Rabi SWT ha inaga aqbalo acmaashii wanagsaneyd iyo cibaadadii bisha barakeysan ee Ramadaan.

Guud ahaan shacabka Soomaaliyeed waxaan ka codsanayaa in munaasabada ciida awgeed ay u istaagaan farxad siinta iyo u kaalmeynta dadka danyarta ah,ayna fuliyaan dardaarankii Nabigeena NNKH.

Rabi SWT ciidan ciideeda Caafimaad,farxad,barwaaqo iyo horumar ha inagu gaarsiiyo.

Waxaan ugu baqaynaa walaalaha ku dagaalamaya Degmada Diinsor in ay colaada si shuruud la’aan ah ku joojiyaan,sidoo kalena wixii khilaaf ah ee jira wada hadal lagu xaliyo.
Waxaa muhiim ah oo lagama maarmaan ah in la ilaaliyo lana dhowro xiriirka soo jireenka ah iyo walaaltinimada labada beelood ee Dabare iyo Geeledle,waana dad weligood deegaan wadaag ahaa sidaas daraadeed waxaan mar kale ku baaqayaa in colaada nabad loo bedelo.
Waxaan si gaar ah halkan baaq uga dirayaa Odoyaasha Dhaqanka,wax-garadka,Culmaa’udiinka iyo qeybaha kala duwan ee bulshada in ay kaalin weyn ka qaataan sidii loo joojin lahaa dagaalka si looga baaqasado dhiig dambe oo daata.
Ugu dambeyn dadkeena dagaal iyo fowdo dambe uma noqdaan dagaalna wiil kuma dhasho ee wiilbaa ku dhinta sidaas daraadeed walaalaha Dabare iyo Geelidle waxaan leeyahay Usha dhexda ha laga qabto,colaadana nabad waarta ha lagu bedelo.

Waxaan dhamaan reer Malaaq Ali Abdirahaman Shiine uga tacsiyadeynayaa geerida ku timid Allaha ha u naxriistee Abe Malaaq Ali Abdirahaman Shiine.

Waxaan Abe Ali Abdirahaman Shiine Alle SWT uga baryayaa inuu naxristiisa jano ka
waraabiyo,kitaabkiisana uu gacanta midig, dhamaan ehelka iyo asxaaabtana u Samir yo limaan ka siiyo.

Shirkada Is gaarsiinta Hormuud iyo Bangiga Salam waxa ay mudo badan ka soo shaqeyeen guud ahaan dalka Soomaaliyeed waxana inta badan waqtiga wanagsan geliyeen, ilaalinta ammaanadda Ummadda Soomaaliyeed.

Hormuud waxay dalka ugu soo adeegeen si hufan, iyagoona kaalin muhiim ah ka soo qaateen arrimaha gargaarka, isku xirka bulshada iyo kor u waadida adeegyo dad weyne oo kala duwan. Shirkadda Hormuud iyo Salam Bank amnigooda waxaa ka masul ah, Dowlada Soomaaliya waxana bogaadin mudan in lagu ixtiraamo shaqada ay u haayan bulshada Soomaaliyeed.