كَول الصعبه خلصت لو شرب جايه
علي الخامنأئي الكد الحجيايه
عده ازلام وكت الشده وفايه
حلفو ما تطيح وتنزل الرايه

يعلوها فوكَ امن الغيم
...
حسين المحامي

فكَره العال بيك وشاف يوم اسود
واضن شويه شافو زعلتك بالرد
سيد وانته ثارك نار ما تبرد
موت احمر ياثار السادة
...
حسين المحامي

لبسنه اسود عليك وبالمدامع دم
يمن جرحك غميج ومانضن يلتم
يومك جنه كسرة عاشر محرم
وحسين الثاني مضيعينه

حسين المحامي

اليوم اينوح الحسين ..ودموعه اعله خده
يبجي وكلبه مكسور ... مات وعافه جده
===================
زَغيِر وحاني ظهره وكلبه مجروح
ساعة لعلي ساعة لفاطمه يروح
دم يبجي الحجر من يسمعه ينوح
يصيح الروح جدي وراحت الروح
العزيز يريد لو راح ...دمعات اعله كده
يبجي وكلبه مكسور.. مات وعافه جده
=================
رايح منه جان امدلله هواي
يغفه بجفه بيده يشربه الماي
يكله حسين لمن تحجي وياي
جدي يطيب جرحي بشوفك ادواي
لمن غمض العين . ... جن ماي وتبده
يبجي وكلبه مكسور.. مات وعافه جده
=================
محنتهم محنه اتحير الاوصاف
سمه جان الرسول ويمطر الطاف
انطبع وجه الحسين بذيج الاجتاف
واحد ضل بالاخر وجهه ينشاف
بشر منه الضوه يروح..شنهو اليبقه عنده
يبجي وكلبه مكسور.. مات وعافه جده
=================
واكف عالجنازه وحاله محتار
شيبرد كلبه جان اموجر ابنار
اخذ ياجدي روحي يكله واختار
اموت وياك لو ترجعلي للدار
لاجن هوه اليموت . .لدار اهله شيرده
يبجي وكلبه مكسور.. مات وعافه جده
==================
يكله شلون بيه لو يجي الليل
وانه لفركتك ما بيه كل حيل
كسرت كلبي تشبه سحكة الخيل
صفت دمعات عيني تشابه السيل
مكانك خالي بالروح..ياجدي شيسده
يبجي وكلبه مكسور.. مات وعافه جده
===================
عيني الما تشوفك المن تشوف
امان الدنيه بعدك يشعر بخوف
عله جنازةحبيبه يصلي ويطوف
اول مره هيج حسين ملهوف
متغرب يحس صار..ضل بالدنيه وحده
يبجي وكلبه مكسور.. مات وعافه جده

===============حسين المحامي

قصيدة لاستشهاد الامام الرضا ع

اليوم شيعة حيده محزونه
بأه وبدمعه الرضا يذكرونه
===============
اليوم صارت فاجعه وعم الحزن
كَلوب كل احبابه مكسوره وتون
ضل دمعنه ايفور ويجوي الجفن
حزن ذبلت كل موالي عيونه
===============
حكَها تبجي اليوم شيعة حيدره
مايهون اعليها كل هذا الجره
حيل مأذي اكلوبنه السم السره
بكَلب ابو محمد وغير لونه
================
حيل ماذيها الجره وهذا المصاب
والحزن ساد اليحبه وكلبه شاب
شلون نور الله يغطونه بتراب
وسَمَته ذيج الفئة الملعونه
=================
يا مصيبة الخلت اليرضع يشيب
للرضا المسموم ماصح الطبيب
هذا ابن الهادي مظلوم و غريب
وين عنه انصاره ويشيعونه
=================
بالمصيبه اعيونه بمدمع جرت
الخدم كَبل المصاب اتحضرت
هذا ناتج للكلوب الوجرت
وابو صالح شيعته ايواسونه
=================
شما جزعنه بالجزع نشعر قصور
ماتهيد اجروحنه الضلت تفور
بالالم محتزمه زهرتنه وتدور
واليواسيها بعلي خيعونه
=================
عله الضامن كلنه نشعر بالاسه
جدته الزهراء تحضر مجلسه
عيونها اعله الخدم ضلت حارسه
والجنان ابفاطمه مضمونه
==================حسين المحامي

اعلنوا يوم الحداد
انشروا لون السواد
وافيضوا الدمعَ قد غاب الحبيب
وافيضوا الدمعَ قد غاب الحبيب
==================
بالمجالس هلو دمعه بهل المسيه
واسو حيدر واسو فاطمة الزجيه
راح ابونه اليوم خطاره المنيه
والدمع خلوه يفيض بهل العزيه
انه رزٌ عظيم
انه جرحَُ اليم
معكم تحضر فاطم بالنحيب
وافيضوا الدمعَ قد غاب الحبيب
==================
الزهره تفرح لمن تحضر هالمجالس
تبقه يمنه وبالبواجي عدها واهس
الخادم اليبجي لبوها تسجله عابس
وبالقيامه تحضرلنه وتبقه حارس
من يواسيها يفوز
والى الخُلدِ يجوز
سعيه في الحشرِ خيرُ لا يخيب
وافيضوا الدمعَ قد غاب الحبيب
==================
هواي فضله وهوه احياها الضماير
واجب انذكره وعليه تبجي المحاجر
والله هنياله الحيه باسمه الشعائر
ما يضل محتار يم الحوض باجر
فقده خطب كبير
صار ينعاهُ الامير
وبكاه السبطُ ضمأناً تريب
وافيضوا الدمع قد غاب الحبيب
==================
فكده يا والدم مصيبه ويا مصيبه
ضاعت الامه وصفت حاله عجيبه
بعده ما مدفون من نكرو حبيبه
والغريبه الزهره من صارت غريبه
نزغهم فيهم يميل
نكروا ذاك الجميل
تركوا جرحا عظيماً لا يطيب
وافيضوا الدمعَ قد غاب الحبيب
==================
ادعو من الباري نمشيله ونزوره
والكلب يم بحضرته يسجل حضوره
شوك بينه لكبته ونار وحروره
عيونه انكحلها يمته تشوف نوره
حلمنا شوقاً نزور
جنةَُ فيها الحبور
ان يطول البعدُ كم قلب يشيب
وافيضوا الدمعَ قد غاب الحبيب
=================حسين المحامي

قصيدة لرسول الله ص واله

اني يا والدي اصبحت ضايعه
روحي متغربه وبعدك املوعه
=====================
بويه بويه الناس بعدك ما رعوني
كسرو اضلوعي تره وسطرو عيوني
بليل مظلم وبحقدهم من اجوني
شبو النار او وره الباب اعصروني
لمه محسن وكع هم عليهم دعه
روحي متغربه وبعدك املوعه
=====================
كلبي مايبرد ولا يخلص عذابه
وشيصبره الفاكد العايش مصابه
البنت لو غاب الابو تموت بغايبه
والله مشتاكَه تكلك روحي يابه
ابجي ولدمعتي ناحت السابعه
روحي متغربه وبعدك املوعه
======================
زهرتك اني يمن وصيت بيه
ذوله اصحابك تره الهجمو عليه
من حقدهم حته بسمار المنيه
ضل ينوح لحالتي بكل مغربيه
الدمه عالارض صارت اموزعه
روحي متغربه وبعدك املوعه
======================
ليلة الهجمو عليه اهوايه كلفه
واجهوني بلايه رحمه وروح صلفه
اني فاطم كلت الهم لجن وسفه
خلو ابروحي جرح ما اضنه يشفه
السمه والارض تبجي للفاجعه
روحي متغربه وبعدك املوعه
======================
علي مجتف بالوصيه وناره تسعر
ضل يون لمن اصيح الحكني حيدر
راد يفنيهم علي وبجفوفه يكدر
صبر لكن حته تبقه اللهُ اكبر
ينعه ضل والحجر انفطر من نعه
روحي متغربه وبعدك املوعه
======================
انته فعلن جنت الي الاب المثالي
يلحنين انطر تجي وتشوف حالي
صرت محنيت ظهر من الجرالي
وانطر اجفوفك تدك بابي يغالي
والفكَد من يشم الهوه يوجعه
روحي متغربه وبعدك املوعه
======================
ابيت الاحزان اكعد ومرات اجيلك
من ظلم اهل الخلافه واشتكيلك
مثل ما اذوك اذوني برحيلك
مثل كلبي النار خلوها بدليلك
اليضمه الترب بويه شيرجعه
روحي متغربه وبعدك املوعه
===================
حكَي لو ابجيلك بليلي ونهاري
ابد ماتطفه ولا اضن تهده ناري
وعد حد الموت دمعي اعليك جاري
بيت الاحزان اصبحت يابويه داري
ربي ينظر الي برحمته الواسعه
روحي متغربه وبعدك املوعه
==================حسين المحامي

يابو الزهره يابو الزهره
ما ناسينك يابو الزهره
================
ماننساك وعايش بينه
ومصابك حيل امأذينه
يا زمزم بيك اتوضينه
ننعاك ابكل نوح وعبره
================
مجلس ننصبلك وقرايه
ونسير باسمك مشايه
خطينه اسمك فوك الرايه
نبجي ويم حيدر بالحضره
================
ماتشفه وبالروح اجروحك
يمضحي لخاطرنه بروحك
واجب مثل حسين انوحك
والي يخدمك يكبر اجره
================
نار امصابك ضلت تسعر
جرحك كل ما نكبر يكبر
يبجي لفكدك حته المنبر
تحضر فاطم تبجي بحسره
================
وي الهاب اسمك ضل ينشم
لجروح البينه انته البلسم
حزن افراكك بان وخيم
ضل ينعاك الكون باسره
================
ذكرك باقي وما يتبدد
واليمشي ابدربك يتخلد
وداعة من عالغبره اتوسد
نتباها بحبك وانته ادره
================
يمته نزورك ونشم عطرك
محرومين انطوف ابكَبرك
نروح لحيدر يمه انذكرك
يتشابه وي عطرك عطره
================
انصبنالك موكب خدمه
ياسيد كل هاي النعمه
العافك يوم المحشر يعمه
حيره هناك ايحير بامره
==========حسين المحامي

قادم محرم بالحزن قادم
هيئله روحك حضرة الخادم
البس سواد وارفع الرايه
حضر دمعتك واحضر اقرايه. قادم محرم
====================
بين محرم يل تتانيه يرد
قل ياحسين الجيته واستعد
مولاي كَله اقبلني عندك عبد
نعمه وعظيمه وتستحق الحمد

لحسين عوف الدنيه والبيها
خاطر تنول الجنه تاليها
خلي الحسين يصيرلك غايه
حظر دموعك واحضر قرايه. قادم محرم
=====================
البس اهدوم السود وارفع علم
عيش المأسي لكربلاء والالم
ابجي اعله غربة سيدك والخيم
لاننسه جف عباس ابد والسهم

من تبجي اذكر دمعة اطفاله
واذكر حسين ميسره اعياله
واعله الهزل مجتوفه جم ايه
حظر دموعك واحظر قرايه قادم محرم
=====================
كله اني خادم ابقه وانته الولي
والجنه حبك والله يا بو علي
فدوة اني اروح واخوتي وكل هلي
مولاي بس اقبلني وانظر الي

كله اني خادم يابعد روحي
من اول دموعي لاخر جروحي
كله اعتذر ومقصر هوايه
حظر دموعك واحظر اقرايه. قادم محرم
====================
كون بعزائه يشاهدك صافي
شيل السواد بكلبك الغافي
خلي الحسين بكلبك و كافي
وانسه الحقد لو رايد توافي

كله اني خادم يا نظر عيني
فدوه لغربتك عمري وسنيني
يا كحل شوفي وراحته ومايه
حظر دموعك واحظر قرايه. قادم محرم
====================
دور على الخدمه وبعد لاتهم
لا تبحث اعله الشهرة لو عالاسم
لو صرت خادم يعني تصبح نجم
بالدنيا هذا اكبر وسام وحلم

زيد التواضع يرتفع شانك
حب الحسين يكون عنوانك
كون الجوارح كلها وفايه
حظر دموعك واحظر قرايه. قادم محرم

===================حسين المحامي