د افغانستان د صرافانو ټولنې رییس بهرام خان ځدراڼ: زه خلکو ته ډاډ ورکوم، چې د افغانستان بانک به بېرته ډالر پخواني حالت ته وګرځوي.
#ملي‌تلویزیون

لغمان کې د نیالګیو اېښودلو لړۍ پيل شوه.
مسولین وایي، دغه ولایت کې به څه باندې یو میلیون مېوه لرونکي او بې میوې نیالګي کېښودل شي.
#ملي‌تلویزیون

د افغانستان بانک ویلي، چې سبا چهارشنبه (د سلواغې، ۱۰مه) نېټه د داوطلبۍ له لارې ۲۷ میلیونه ډالر لیلاموي.

یاد بانک په شرایطو برابرو سوداګریزو بانکونو، صرافیو او د پولي خدمتونو له شرکتونو غوښتي چې په دې داوطلبۍ کې ګډون وکړي.
#ملي‌تلویزیون

د چارو ادارې لوی رییس شیخ نورالحق انور د وزارتونو او خپلواکو ادارو وياندويانو او د رسنيو له مسولينو سره د همغږۍ غونډه کې ویلي، چې اسلامي امارت د رسنیو پر وړاندې خپل مسولیت درک کړی او ارزښت ورکوي.
#ملي‌تلویزیون

د کډوالو او بېرته راستنېدونکو چارو وزارت وایي، چې کابل ښار د دې وزارت یوې همکارې ادارې لخوا ۷زره او۵۰۰ اړمنو کورنیو سره نغدي مرسته شوې.

د دغه وزارت په وینا، چې یادې شوې کورنۍ د کابل ښار په بېلابېلو ناحیو کې په نښه شوې وې او هرې کورنۍ ته ۹ زره او ۲۰۰ افغانۍ ورکړل شوي دي.
#ملي‌تلویزیون

د اداري کمېسيون غونډه کې د ماليې او صنعت او سوداګرۍ وزارتونو پر اړوند موضوعاتو بحث شوی

د رياست‌الوزرا اداري مرستيال مولوي عبدالسلام حنفي په مشرۍ د اداري کمېسيون غونډه کې د ماليې، صنعت او سوداګرۍ وزارتونو او د بدني روزنې، ورزش او المپيک ملي کمېټې پر اړوند موضوعاتو بحث شوی او په تړاو يې لازم تصميمونه نيول شوي دي.
#ملي‌تلویزیون

د بهرنیو چارو وزیر مولوي امیرخان متقي په کابل کې د قطر سفارت له شارژدافیر دوکتور مردف القاشوطي سره وکتل.

د بهرنیو چارو وزارت د اطلاعاتو او عامه اړیکو رییس حافظ ضیاء احمد تکل وایي، په دې ناسته کې د افغانستان او قطر د دوو اړخیزو اړیکو په پراختیا، د ډیپلوماتیکو اړیکو د کچې په لوړولو، افغانستان سره د قطر په مرستو او یو لړ سیمه‌ییزو مسایلو خبرې وشوې دي.
#ملي‌تلویزیون

د کورنیو چارو وزیر خلیفه سراج‌الدین حقاني او د استخباراتو لوی رییس ملا عبدالحق وثیق، متحده عربي اماراتو ته سفر وکړ.

د اسلامي امارت ویاند مولوي ذبیح‌الله مجاهد وايي، چې یادو لوړپوړو چارواکو د متحده عربي اماراتو د دولت له رییس محمد بن زاید آل نهیان سره په کتنه کې په سمه‌ییز ثبات، د افغانستان په اقتصادي پیاوړتیا او د دواړو هېوادونو ترمنځ په یو شمېر نورو موضوعاتو خبرې کړې.

له دې وړاندې هم د بهرنیو چارو وزیر مولوي امیرخان متقي په مشرۍ پلاوي یاد هېواد ته سفر کړی و.
#ملي‌تلویزیون

د ټولګټو وزارت د اوسپنیزې کرښې مرستیال مولوي محمد اسحاق صاحبزاده د ایران د اوسپنې پټلۍ ادارې له مرستیال مرتضی جعفري او مل پلاوي سره وکتل.

د ټولګټو وزارت وایي، دې کتنه کې د هرات-خواف اوسپنيزې کرښې له لارې د انتقالاتو پر زياتوالي، سوداګرو ته د صادراتو، وارداتو او ټرانزيټ برخه کې د لازمو اسانتياوو په رامنځته کولو، د سوداګريزو توکو پر لېږد او د دوه اړخيزه ريلي همکاريو په تړاو خبرې شوې.
#ملي‌تلویزیون

د پکتیا ولایت په شواک ولسوالۍ کې د یوه روغتون د بیا رغونې چارې بشپړې او ګتې اخیستنې ته وسپارل شو.
#ملي‌تلویزیون