د دوزخ اوسېدونکي (العیاذ بالله) له اوږدې سزا وروسته څلور هیلي کوي، چې له هغه ځایه د خلاصون لپاره یې غوښتنې د قرآنکریم له آیتونو څخه څرګندې دي.

لومړۍ هیله:

دوی له الله تعالی څخه غوښتنه کوي:
(رَبَّنَا أَخْرِجْنَا مِنْهَا فَإِنْ عُدْنَا فَإِنَّا ظَالِمُونَ)
ای زموږ ربه! موږ له دې (دوزخ) څخه وباسه، که بیا ګناه وکړو، نو موږ به ظالمان یو.
الله تعالی ورته ځواب ورکوي:
(قَالَ اخْسَئُوا فِيهَا وَلَا تُكَلِّمُونِ)
(ای ذلیلو!) په دې کې پاتې شئ او نور ما سره خبرې مه کوئ.
په دې ځواب سره دوی د الله تعالی له رحمت نه ناامېده کېږي.

---

دوهمه هیله:

دوی د دوزخ ساتونکي ملايکې (مالک) ته وائي:
(وَنَادَوْا يَا مَالِكُ لِيَقْضِ عَلَيْنَا رَبُّكَ)
ای مالک! خپل رب ته دعا وکړه چې زموږ ژوند ختم کړي.
دوی غواړي چې مرګ ورته راشي ترڅو له عذاب خلاص شي.
مالک ځواب ورکوي:
(قَالَ إِنَّكُم مَّاكِثُونَ)
تاسو به همدلته پاتې شئ.

---

درېیمه هیله:

دوی د دوزخ نورو ساتونکو (ملائکو) ته وایي:
(اُدْعُوَا رَبّكُمْ يُخَفِّفْ عَنَّا يَوْمًا مِنْ الْعَذَابِ)
د خپل رب نه غوښتنه وکړئ چې زموږ لپاره د عذاب لږترلږه یو ورځ کم کړي.
ملائکې ورته ځواب ورکوي:
(أَوَلَمْ تَكُ تَأْتِيكُمْ رُسُلُكُم بِالْبَيِّنَاتِ)
ایا تاسو ته رسولان د ښکاره دلایلو سره نه و راغلي؟
دوی به ووائي: هو.
ملائکې به بیا ورته وایي:
(فَادْعُوا وَمَا دُعَاءُ الْكَافِرِينَ إِلَّا فِي ضَلَالٍ)
تاسو دعا وکړئ، خو د کافرانو دعا بې ځایه ده او نه قبلیږي.

---

څلورمه هیله:

دوی د جنت له اوسېدونکو نه غوښتنه کوي:
(وَنَادَىٰ أَصْحَابُ النَّارِ أَصْحَابَ الْجَنَّةِ أَنْ أَفِيضُوا عَلَيْنَا مِنَ الْمَاءِ)
ای د جنت خلکو! لږ اوبه پر موږ توی کړئ.
یا لږ څه له هغه څه څخه چې الله تاسو ته درکړي دي.
د جنت اوسېدونکي ځواب ورکوي:
(إِنَّ اللَّهَ حَرَّمَهُمَا عَلَى الْكَافِرِينَ)
الله تعالی د دې دواړو (اوبو او رزق) لپاره پر کافرانو بندیز لګولی دی.

---

ولې په عذاب اخته دي؟

ځکه چې دوی:
(الَّذِينَ اتَّخَذُوا دِينَهُمْ لَهْوًا وَلَعِبًا)
خپل دین یې د لوبې او ټوکې په څېر نیولی و.
او دنیاوي ژوند پرې غلبه کړې وه:
(وَغَرَّتْهُمُ الْحَيَاةُ الدُّنْيَا)
د دې سزا په توګه، الله به وایي:
(فَالْيَوْمَ نَنسَاهُم كَمَا نَسُوا لِقَاءَ يَوْمِهِمْ هَذَا)
نن موږ دوی هېر کړو، لکه څنګه چې دوی د خپل دې ورځې ملاقات هېر کړی و.

اللهم اجرنا من النار.

د الله یادول په یو څو ټکو کې واضح کوو: انسان باید تل خپل رب یاد کړي او د هغه مرسته له یاده ونه باسي. الحي: یعنې الله تعالی هغه ذات دی چې تل ژوندی دی. القیوم: یعنې الله تعالی هغه ذات دی چې انتظام یې هم د کمال او لوړې درجې دی. الله تعالی د ځمکې، اسمان او څه چې په دې کې دي، د ټولو مالک دی.
الله تعالی په هر وخت او هر ځای کې هر کار د چا له اجازې، سپارښتنې او سفارش پرته کولی شي.
الله تعالی په هر څه پوه دی او هر څه یې په علم کې دي، که یوه پاڼه له ونې څخه پرېوځي، نو الله تعالی پرې خبر دی او د هغه له اجازې پرته نه شي پرېوتلی او د ذرې برابر شی د هغه له اجازې پرته حرکت هم نه شي کولی.
د زړه په کونجونو کې چې پټې او د راز خبرې دي، هغه خبرې چې ملایکې هم پرې نه پوهېږي، الله تعالی پرې پوه او عالم دی.
له وړوکي څخه د وړوکي مخلوق د وجود له هرې برخې لکه زړه، سترګې، غوږونو، غوښه، وینه، دماغ او هر څه څخه خبر دی.
شپه وي او که ورځ وي، هېڅ شی ورڅخه په هېڅ ځای کې نه شي پټېدای، هر لوړ او ټیټ غږ اوري، هغه غږ هم اوري چې د زړه په تل کې وشي او هغه غږ هم اوري چې له خولې څخه د زړه له اخلاصه وکړی شي.
که انسان هره شېبه د الله تعالی په لويي او نښو نښانو کې فکر وکړي، نو همغومره یې په زړه اثر کېږي، الله تعالی ته نږدې کېږي، له الله سره یې مینه ډېرېږي او له ګناه ساتل کېږي.
کتاب(د شهوت کنټرول)
لیکوال:شمس الرحمن فارح

سوالګر سره د خیر البشر چلند
زما د زړه سر او د الله تعالی محبوب خیرالبشر ته یو صحابي راغی او خیرات یې ترې وغوښت، رسول الله(ص) چې ورته وکتل ځوان و او ښه د کار وړ و.
پوښتنه یې ترې وکړه چې په کور کې څه لرې؟ هغه ویل لمڅی لرم ویل رایې وړه. کله چې یې راوړ رسول الله(ص) ملګرو نه پوښتنه وکړه چې څوک یې اخلي؟ یوه صحابي ویل زه یې په یو درهم اخلم، هغه مبارک ویل څوک یې پرې زیاتوي؟
دویم صحابي ویل زه یې په دوه درهمو اخلم او پر همغه وپلورل شو. رسول الله(ص) هغه ځوان ته وویل چې په یو درهم د لرګیو د غوڅولو وسله او په بله برخه یې پړی واخله لاړ شه غره ته لرګي راټول کړه او خرڅوه یې او دوه اونۍ ورسته زما څنګ ته راشه.
دوه اونۍ وروسته چې کله هغه ځوان راغی، منظم کالي اغوستي وو او له ځان سره یې باحکمته پیغمبر ته ډالۍ راوړې وه. هغه مبارک(ص) ورته وویل، غوره خوراک هغه دی چې انسان یې پخپل لاس وګټي. بیا یې ورته وویل، دالله تعالی نبي داوود علیه السلام پښ یا اهنګر و. په یوه مبارک حدیث کې راځي:( اليدُ العُلْيَا خير من اليدِ السُّفْلَى) پورته لاس تر ټیټ لاس غوره دی.
کتاب(د سکون ښار) 
لیکوال:عبید الله حسام

او ښایسته دُعا چې مې اورېدلې دا ده..
وایې چې:
" یا رَبِّ لا تُعَلِّق قَلبی بِما لَیسَ لی "
لویه ربه:
«هغه څه چې زما نه دي/ده؛ زړه مې پسې ونه تړې»

قَالَ اللهُ تَعَالَی:
¤إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا¤
[اﻷحزاب: ۵۶]

‏حدیث شریف کې، رسول الله ﷺ فرمایلي:
مَنْ صَلّٰى عَلَيَّ وَاحِدَة صَلَى اللهُ عَلَيْهِ عَشْرًا.
(مشكوة: جـ۱ صـ۸۶)
ژباړه:
كه چا پر ما باندې يو ځل دُرود شريف ووايه؛ نو الله ﷻ به پر هغه شخص لس ځلې رحمتونه نازل كړي.

درود پر حضرت םבםב ﷺصَـلَّﷺوَسَـــــلَّـمْﷺ❤️

رښتينې مينه

مينه د بلال حبشي رضي الله عنه ده، چي د خپل محبوب رسول الله ﷺ تر رحلت وروسته يې آذان پرېښود. کله چي عمر رضي الله عنه ور څخه د آذان غوښتنه وکړه، نو له آذان وروسته يې د خپل محبوب ﷺ په فراق کي دومره وژړل چي ټول عمر يې دومره نه وه ژړلي.

❤️❤️❤️❤️

زه: برعکس کار وکړه؛ لس ورځې د کمزورۍ او غمګینۍ احساس پرځای د ځواکمنتیا احساس وکړه او دا ځواک د زړه له تله حس کړه!
هغه: ښااااا یعنې ځان ته دروغ ووایم؟
زه: څه د کمزورۍ احساس او څه د ځواکمتیا؛ دواړو حالتونو کې ځان ته دروغ وایې خو داسې دروغ ووایه چې باارزښته وي!
هغه: نو دا څه ګټه لري؟
زه: په دې سره؛ ته دې خپله نړۍ هغې خواته بیایې، څه ډول چې چلند کوې.

#جویان
#ارواپوهنه
#ارامتیا
#ژوند

#ډیر_مهم_حتمن_ولولی.
ابوذر رضي الله عنه څخه روايت دی، چې زه پړمخې ويده وم، چې په دې وخت کې نبي ﷺ زما له څنګ څخه تېرېده، نو زه یې په خپلې مبارکې پښې سره متوجه کړم او راته یې وویل، چې: ای جندب! داسې څملاستل خو د جهنمیانو طرېقه ده.
ملګرو دثواب په خاطر یی تر نورو خلکو پوری ورسوی.
#حديث

یا اللهﷻزماګناهونه راته معاف کړه آمین
یا اللهﷻ زما ژوندستا ددین خدمت لپاره وګرځوه آمین
یا اللهﷻما ستا عذاب څخه وساته
یا اللهﷻماته دنبیﷺشغاعت نصیب کړه آمین
یا اللهﷻما ته زنکدن سختي اسانه کړه آمین
یا اللهﷻ دقبرعذاب څخه وساته آمین
یا اللهﷻدجهنم داورڅخه مو وساته آمین
یا اللهﷻدنکیراومنکر سوال جواب راته اسان کړه آمین
یا اللهﷻزما اخري خاتمه په ایمان کړه آمین
یا اللهﷻدشرفسادڅخه مو وساته آمین
یا اللهﷻدا دوعا چی چا لیکلی ده ته ورته عفوه وکړی او ستا ددین خادم یی جوړ کړی آمین