​Agava guli

Xush ko‘rishdik! Nihoyat, keldim
Necha shodlik, necha g‘am osha.
Agavaning guli bu — zavqdir,
Agavaning guli — tomosha.

Achinmayman ketgan fursatga,
Har bir lahza garchi xazina.
Agavaning guli bu — zebdir,
Agavaning guli bu — ziynat.

Kechikmadim, ne baxt, ulgurdim,
Ravo bo‘ldi oliy daqiqa.
Agavaning guli bu — chin so‘z,
Agavaning guli — haqiqat.

Meni zarra qo‘rqitolmadi
Yo‘l azobi solsa ham tahdid.
Agavaning guli bu — orzu,
Agavaning guli bu — umid.

Chaqnang, charaqlanglar, ko‘zlarim,
Qutlug‘ bo‘lsin noyob saltanat.
Agavaning guli bu — to‘ydir,
Agavaning guli — tantana.

Ming dardga ham giriftorligin
Ming ko‘rsang bas, qilib bo‘lmas rad
Agavaning guli bu — qayg‘u,
Agavaning guli bu — hasrat.

Yuzim tushgach bu gulga bo‘ldi
Har tomirim bir olov daryo.
Agavaning guli bu — doddir,
Agavaning guli bu — faryod.

Toqat qildim guldasta tuzmay
Andishadan qo‘yib oldga g‘ov.
Agavaning guli — imtihon.
Agavaning guli bu — sinov.

Iloj qancha qismat hukmini
Qiyg‘os gullar qilmoqda ijro.
Agavaning guli bu — visol,
Agavaning guli bu — hijron.

Kerakmikan dod-faryod, asli, Hayot, o‘lim chambarchas, zotan.
Agavaning guli bu — aza,
Agavaning guli bu — motam.

Bir sevmak va bir o‘lmak baxti
Nasib etmas har bir oshiqqa.
Agavaning yo‘rig‘i — bo‘lak,
Agavaning yo‘rig‘i — boshqa.

Bu — Qays guli, bu — Majnun guli,
Gar uzatsam qovrilgay qo‘lim.
Agavaning guli bu — bir baxt,
Bu — mangu bir hayotbaxsh o‘lim.

• Agava umrida faqat bir marta gullaydi, so‘ngra u qurib qoladi...

© Matnazar ABDULHAKIM

@Iqtisodplus

​Shuni sezyapmanki, bizda ham xususiy sektorlar nom tanlashda biroz ijobiy tarafga siljimoqda va "Eshmat ota" do'koni, "Toshmat amaki restorani" kabi nomlar kamayib bormoqda. Bu rasmda do'konning nomiga qarab, taxlab qo'yilgan suvlarni tekin deb xulosa qilish…

Mana bu maestro Toshkentga kelayotgan ekan. 23-sentyabr kuni! Bo'larkanu nuqul rus estradasini bir tiyinga qimmat qo'shiqchilarini olib kelavermasdan, shunaqa buyuk bastakorlarni ham chaqirishsa!

Endi Hans Zimmerni olib kelish kerak, navbat unga.