أَجمَل شعور إنُّ و أنتَ گاعد ع المُصلّايَة تسمَع صوت قُرآن بالبيت "واحد مِن أخوانَك يقرأ"

متتخيلون السعادَة 🥹

الله يديم علينا نعمَة القُرآن و يجعلنا و إيّاكُم مِن الّذين يتلونَه و يحفظونه و يعطونَه حقّه إن شاءَ الله ...

سلامٌ وحبٌ و أَمان و رحمَةٌ و إِطمئنان إن شاءَ الـرّحمـٰن

بَنات المَجلس رَح يكون الليلَة إن شاءَ الله
و لمدّة ٣ لَيالي بعون الله و توفيقَه

ممكن التوقيت بـ ١٠ مساءاً و بعَد التَسهيل و التوفيق مِن الله

و رَح يكون بالقَناة الثانيّة حتّى تتبارَك القَناة وندعوا لبعَض بقضاء الحوائِج إن شاء الله
https://t.me/doaa50a

فـ إلّي عندها حاجَة ونسَت ترسلها ع البُوت خلِّ تتفضّل و آني الممنونَة منكُم ياعيني
@yamahdy50_bot

أَما آنَ للقلب بأن يُجبر ؟

أما آنَ للغيمَة بأن تنجلِّي ؟

أما آن للسنين العجاف بأن تنقضي ؟

- نسألكُم الدّعاء كَثيراً جدّاً

بَنات مُمكِن تدعولي هالفترة كلش بحاجَة لدعواتكُم ...

-
( وَفي ذٰلك فَليتنافَس المُتنافِسون ) ?

-
ثالث إلتفاتَة و الأَخيرَة "خِتامُها مِسك"

ما كملَت هالمُفكّرَة بكُل يُسر لا يشهَد الله بالساعات گعدت يمها لـٰكن إلّي أريد أوصّلَة إلكُم

إنُ دائماً من تردون تسوون فَد أَمُر كونوا مُصرّين و صدّگوني رَح توصلون للي تردون لو شما كان صعُب

وما أقصُد الإستنساخ فقَط !!

وكذٰلِك و الحمدُ لله كانت ساعات مَليئَة بـ ذِكر الله عزّ وجّل و مُحمَّد و آلِ مُحمَّد

يَعني حرفياً گاعدة و مگابلَة الطابعَة و أگولة ياربِّ أَريد أمشي صَح و أعدّل مِن نفسي و هاي المُفكّرَة بدايتي ياربِّ فدوة أريدها تكمَل

و ويّا كُل ورقَة كُنت أردد :

"اللهُمَّ صلِّ عَلىٰ مُحمَّد و آلِ مُحمَّد"
وتعرفون بعَد الصّلاة علىٰ النبّي و آله شُنو بركاتها

و آخُر شي وهوَّ شي لطالما رددتُه في الشدائِد و المُلمّات :
"قراءَة سورَة الزلزلَة"
تعرفون مُفكّرة سنَة و تعبت شويّة الطابعَة فـ رددت سورَة الزلزلَة

حرفياً يَعني تصلَح لكُلشي هالسورَة
سمعتها مِن الشَيخ ياسين الجَمري الله يُذكرَه بالخير و گال هالسورَة مُعجزَة

ومِن ذاك اليوم لهـٰذا اليوم ما قريتها على شي او علىٰ أُمُر مُستعسِر إلّا و تَمَّ بكُل سهولَة ويُسر

و الحمدُ لله ربِّ العالمين ?...

-
ثاني إلتفاتَة إنُ أَگدَر بكُل سهولَة أودّيها للمكتبَة و أسحبها

أو أشتري من البيجات فَد مُفكّرة و هاهيّة لا تعَب ولا هُم يَحزنون

لـٰكن أصّريت وعاندت ? علىٰ إنُ أگعُد عليها و أتعَب بيها و أكمّلها لوحدي

ليش؟

لأنُ اليجي بالساهِل ما ننطيه أهميّة ولا رَح نديرلَة بال مو فقَط بهالموضوع لااا كُلشي بحياتنا لـٰكن كـ مثال هاي المُفكّرَة

فـ يعني من أشوفها گدّامي يومياً رَح أتذكّر تَعبي وياها و رَح غصباً عنّي أنجِز ? و أتحفّز أكمّل كُلشي بيها
ليش؟
لأنُ تعبت بيها
لـٰكن مو معناها إلّا مُفكّرة جاهزَة يلا نكتب وننجز ونخطط لااا
ممكن نتعب بتخطيط دفتر و يكون شاهِد إلنا بيوم القيّامَة لأنُ فعلاً قدّمنا وسعينا

مو كُلشي موجود و إحنا منتحرّك بهالحالَة يكون شاهد علينا ❗️

وكذلك گلتلكُم ضرورة وجود الصَديق حتّى واحد ياخذ بإيد الثاني و واحّد يذكّر الثاني

البعض ممكن ماعدهم صديقات فـ جدّاً عادي ممكن تتنافسون مَع أخواتكُم

( وفي ذٰلك فليتنافِس المُتنافِسون )...

-
خلِّ أَسولفلكُم قصّة هاي الـ ٣ صوَر شُنو؟

طبعاً صارت گدّامي مُفكّرة فـ تكلّمت مَع صديقتي بشأنها لأنُ آني ما أتقيّد و إلّا مفكّرة يلا أنجِر

عادي جداً دفتر بربع أو بألف نكتب بيه كلشي ببالنا
المهم من خلال كلامها وتشجيعها قررنا نسحبها
هيّ گالَت بالمكتبَة رَح تسحبها و آني قررت بالبيت

مَع العِلم طابعتنا يعني على گَد الحال و المُفكّرَة كبيرَة يعني مال سنَة كاملَة

فـ قررت أستنسخها و هوايّة تعبت بيها و علامَة التعجّب صفراء إذا تلاحظون بالصور
يعني أَكو خَلل و ضلّت متستنسخ و جزّئت الأوراق
و هاي الطابعَة ما تنستنخ وجه وگفى بنفس الوقت
لااا
أول شي الوجه كلهن بعدين الگفى و إدا تدخلين هواية تتعب الطابعة وووو

و مِن غير لازم أگعد يمها و أراقب ورقَة ورقَة خاف تسحب ورقتين أو تخربُط و إذا تلاحظون من كملَت وصوّرتها أَكو يمها أوراق مُبعثرَة و خربانَة

يَعني بالمُختصَر التعَب على أصولَة شفتَه اليوم ??

بَنات نظراً بأنُّ أغلبكُم عدكُم إمتحانات
فـ يتأجّل المَجلِس للخَميس أو الجُمعَة

ليش أصرّيت علىٰ إنُ لازم هالمَجلِس يُقام؟
تگدرون تگولون حاجَةً في نَفس يعقوب يعني لِغايةً ما

و الله يوفقكُم إن شاء الله لإداء الإمتحانات على أتَم وجه و ياربِّ تتوفقون للسعي بإخلاص و إن شاء الله يجي من إللي قاريه