بنات حسين شالن للمنية
ياخولة ورقية وياصفية

بنات حسين وبدرب السبي راحن
من ضيم الجرة عليهن فلاارتاحن
كلما سمعن صياح العدو صاحن
ولو ناحت الحرة هنة هم ناحن
يهضموهن يسموهة سبية

ياقصتج يخولة تشيب الفواد
بديرة غربة يدفنهة السجاد
لا عمتج يمج ولا اخت عاد
ذكرج والنحب للكلب مراد
تركوهة ومشو وهاي هية

عمت عيني على الماتت بالالام
صفية من الهضم ماتكدر تنام
وبدرب السبي وماوصلت الشام
زينب تذكرهة شما عدت ايتام
زيدتي يعمة المهضمية

يادرب السبي شكد ماخذ اعزاز
تمنيتك يخوية وياي جناز
معتاز لغرب لاوالله معتاز
انة اعتب والعتب لية فلاجاز
شعتب والاخو جثة رمية

والزيدت وني البلخرابة
تنام وتكعد تصييح ييابة
وانة انده يااهلي ياالنجابة
يجاتل مرحب وقالعلة بابة
يبوية عيني بدفنة رقية

الشاعرة اسراء الحسن

https://t.me/gdjxkkebk

قصائد الحسين عليه السلام

٠•••••••••••••••••••••••••••

وصية فاطمة الزهرة تكلي قبلي صدرة
واريدج زينب بنحرة تشميلي ابو العترة
محيرتني وصية امي
تكلي قبلي وشمي
انفذهة وانة الحرة بس بيهة الف حسرة

صعبة من الزجية سمعت هالجلمات
من قبلت صدرة سمعت هالنبضات
نبضة تكول جدي كثرن الحسرات
ونبضة تكول يمة حضري اليتيمات
واسمع علي يابوية
واه المجتبى خوية
يبو محمد ثكل همي

اشم نحرة ييمة والدمع سايل
عطر عباس الحنين اظن شايل
اتخضب بالدماء بحضنة الكافل
وداع ثنين اخوتي والزمن عايل
واشاهد حركة دموعة
واه البيه مسموعة
واحس انا فكدت عزمي

ييمة فراك اخوتي هدلي كل الحيل
خمس اقمار شالو كلفة من الليل
يقراء الكتاب ومدرسة تاويل
ياسرار الزبور وحكم بالانجيل
بلوعة وصحت ياعباس
يابو الغيرة والنوماس
الليلة ظلمت خيمي

يزهرة بيوم عاشر رحت للميدان
شفت جسم الحسين موسد التربان
متيهة يشمة فاطمة العنوان
تشم صارت وريدة وعافت الاوطان
صفت بس ريحة دمومة
اه حسين يايومة
يكلي بالكلب سهمي

حرت ومنين اقبلة الصدر كلة سهام
جاكلي اليتيمة الليلة وين تنام
حقيقة تشوف عيني لو وهم واحلام
يوصيني السبط بالنسوة والايتام
هذا الزيد ونيني
الدمع جمرات من عيني
ويحلالة العدو شتمي

الشاعرة اسراء الحسن

https://t.me/gdjxkkebk

قصائد الاكبر

صاحت ام جسام ياليلة تعالي
غالي منج واني رايح مني غالي
من يمر ذكراهم
صحنة الله وياهم
خل نواسي كلوبنة بون الليالي

كومي عيني حسين هالشد محملة
عيونة تدمع من يشوف مدلله
علي شايل هيبة من خير الملة
همة كوم وكوم هم العائلة
وذر عالتربان عينة تنظرة تالي

تكلهة يم جسام جف كلبي وتفطر
بالمدينة بعدي وعل ابني يتحسر
شلون اعيش بهالزمن من دون الاكبر
ضوة وبلياه خطواتي اتعثر
كون اروح وياه يم ربنة العالي

اخفي ونج يم علي لتسمعة زينب
لايزيد مصابهة والكلب يلهب
هم عكب عباس محملهة يتسلب
بجفهة كيد حبال وعالمتن تضرب
تصيح وينك ياعلي. وينة دلالي

تكلهة يم قاسم تعالي وكابليني
وياج حنة ماخذة شو فهميني
بعد ماضنة الفرح بينج وبيني
تكول سكنة ويالفرح بدل ونيني
شمع ماكو ولاامل. ضل هذا حالي

بالف حسرة ماخذة ثوب الحسن
هناك لابني البسة وجروحي تون
وصية من زندة احلنهة بشجن
تفدي عمك بوية بيوم المحن
رايح العريس. وضل داري خالي

فدوة هالشبان لابنج فاطمة
الناحت لذبحة ملائكة السمة
ذبحة اسماعيل جانت مرحمة
لجن ذبح الرحمة فعلا مؤلمة
ليش اخذتي حسين. يادنية سؤالي

الشاعرة اسراء الحسن

https://t.me/gdjxkkebk

قصائد الحسين عليه السلام
رجع عطشان مايك يافرات بيوم
ظامي ابن الصميدة مغسل من دموم
راد يبرر لامرة رافك خطوة الحرة
يريد يصير كافل صار كلة غيوم

صبح غيمة الفرات من الخيم للشام
ماذبت مطرهة معسرة ذاك العام
عام البي مشت بت حيدر بايتام
لايتام الحسين تصير كون خيام
نفذ حتة الحجر صبرة يبجي لزينب بعبرة

نفذ صبرة الفرات ومطرت الغيمة
من شاف العطش بشفاف اليتيمة
رفع عينة الكفيل وهوة ابو الشيمة
مايك ماتريدة تريد بس خيمة
ترويهة فقط نظرة من حسين ابو العترة

احس ريجي يبس يابت علي ارويني
ماعندج امية صبر تسكيني
تخضر علة جروفي جبال من ارجع تدليني
اردن للحسين بساع مانطرج تعذريني
بية توجرت جمرة وبكلبي الف حسرة

ازرك يافرات وغيمك اسود صار
لبس ثوب الليالي وطفة ضي الاقمار
حلاة الماي صارت عالارض طشار
اسمك مالكيتة بقائمة الانصار
تحس بكطرتك مرة يالمستور كل سرة

عفت انة العقيلة محملتني كتاب
لاخوهة الضال عاري ماعليه ثياب
النهر لو جاك لا اطول عليه العتاب
احنة اهل الكرامة وبذرة الاطياب
اريدك تقبل بعذرة عليك الحسن والزهرة

وصلت ارض الطفوف وراي يدفع راي
اريد اروي الحسين وماكو كطرة ماي
جمعت دمعات عيني من كثر مبجاي
اكلة اشرب يكلي مشككات شفاي
يجويه الرمل حرة يمتة ينحفر كبرة

الشاعرة اسراء الحسن

https://t.me/gdjxkkebk

قصائد العباس
اخذني وياك للحومة يعباس
انة تربات عودك سيد الناس
اخذني وياك للحومة يعباس
لختك الفحول اطخطخ الراس
اخذني وياك للحومة يعباس
يزيد بجلمة مني راسة ينداس
اخذني وياك للحومة يعباس
انة شمرة علي بالقوة والباس
اخذني وياك للحومة يعباس
صرت للخوف مثل الشجرة والفاس
اخذني وياك للحومة يعباس
انطيني الدرع والسيف والطاس
اخذني وياك للحومة يعباس
بنات المرتضة للخيم حراس
اخذني وياك للحومة يعباس
تربة الخطهة جدمي بيوم تنباس
اخذني وياك للحومة يعباس
والجدهة محمد بيش تنقاس
اخذني وياك للحومة يعباس

الشاعرة اسراء الحسن

https://t.me/gdjxkkebk

قصائد العباس
ثلثين الولد معلوم حصة الخال
مختلفة القضية بقصة الكفال
ثلث ثلاثة عالوالد
جنة المرتضة وكاعد
هذا ابن الوفية اصبح درس الاجيال

معروف الامير كصير القامة
لو ماشة الولد مايوصل حزامة
علمهرة الكفيل وخطن اجدامة
ثلث اضعاف ابو من جدمة للهامة
دليل وبيه نتباهة
ضعف غيرة وصي طه
مالله يتنامة موش قيل وقال
هذا ابن الوفية اصبح درس الاجيال

اذا تجمع حسن وحسين وي زينب
يطلعلك بطل ضرغام ومرتب
من ابو القاسم كرم بي حاتم تعجب
تعلمة اختة العقيلة الصبر لو يغضب
من حسين اخذ ايثار
شربة ماي صارت عار
درس بالجامعة الخصوهة للابطال
هذا ابن الوفية اصبح درس الاجيال

شبه فقار حيدر صارن الجفين
خلة جيوس امية مطشرة صوبين
كل ظن العدو من خلصو السبعين
يظل حسين وحدة ومالة كل معين
يعيد النهروان اليوم
لخاطر زينب وجلثوم
ومن راح الغيور اجتفن بحبال
هذا ابن الوفية اصبح درس الاجيال

مثل قيد الوصية الموت للعباس
ماكام لاخيتة راعي النوماس
بعينة سهمة رادة لنة كلة احساس
خاف يشوف زينب تمشي وي ارجاس
يعوف الموت ويردهة
ما يسكت اذا صدهة
نهر غيرة ويحيط بسيدة الجبال
هذا ابن الوفية اصبح درس الاجيال

تعلمهة الاخوة بفعل طيب الذات
من شاهد ابو ابفراش اخوه يبات
من ظهر الولي ويتعلم الخطوات
نام عالشريعة راعي الكلفات
نام وطول النومة
وحدة حسين بالحومة
وتنتظرة رقية وسكنة والاطفال
هذا ابن الوفية اصبح درس الاجيال

الشاعرة اسراء الحسن

https://t.me/gdjxkkebk

قصائد العليلة
ريض يحادي بالضعن
وانضر لحال الي مشن
للغاضرية وية السبية

تمهل يحادي وانتضر
خليني اشوف ام الخدر
واشبع نضر من الكمر
مابية اوصل للنهر
وية الزجية للغاضرية
**•
اوكف يمن يومك صعب
ماخذ خواتي والكلب
باجر بناتك تنسلب
من بعدك ترافك غرب
تشبع اذية. للغاضرية

تريث يسلوة فاطمة
عليك العيون معلمة
من الجفن يكطر دمة
مااضل بعدك سالمة
تلفني المنية. للغاضرية
*٠
راح وتركني بلا اهل
لاعمتي ولا بوالفضل
وحدي اسولف للنزل
الروح ماخذهة ورحل
راحت رقية. للغاضرية
٠**
انة الي عافوني اخوتي
ماانسبي وي عمتي
كل السبب من علتي
عبد الله ياكل سلوتي
يهون علية للغاضرية

الشاعرة اسراء الحسن

https://t.me/gdjxkkebk

عمت عيني عليهم جنهم بدور
على صدر الطهر خيل العدة ادور

عمت عيني على الشبان بالحومة
وحسين الشهيد مسلبة هدومة
شايل الرضيع وتكطر دمومة
ياويلي السهم نابت بزردومة
يشلعة شلون خافن دمه يفور
**٠••
عمت عيني على جسام وشبابة
يضمة وين لو جتة الطلابة
يبو اليمة يحيرة البيك نهابة
نهبت فكرة منة واضحة اسبابة
هذا ابن الحسن والكلب مفطور

عمت عيني على الاكبر ابن ليلة
علة فكدة العفيفة الجدم متشيلة
رفعت ايدهة بالخيمة تدعيلة
يشوفة حسين مجتول وهدم حيلة
مثل جدة محمد وجنتة تنور

عمت عيني على المفطوم بالامة
الرباب عالمدلل طبرت الهامة
يزينب هالزغير خلصن ايامة
مثل عمه المحسن ماله عمامة
زغار ومالهم بالحرب اي دور

عمت عيني على الكافل وخوانة
كمر ساكن شريعة الوفة عنوانة
ماعاف السبية الراس عالزانة
ويم حسين عاف الشهم ذرعانة
خافن ينتخيه بيوم الظهور

الشاعرة اسراء الحسن

https://t.me/gdjxkkebk

قصائد الحسين
حسين باهل باهل بيتة واقتدة فيما مضة
اخذ كل أهلة وبناتة وياه بنت المرتضة
طلع وية العائلة للخصم ويباهلة
والعليلة تصيح بوية قابلة بهذا القضة

بموسم الحج الحسين توجه لبيت الحرام
الحجيج اهل الرسالة ولبة تلبيت السلام
نادة يمة ودعي بنتج يم كبر سيد الانام
تشوف باجر سبي الخدر تنظر لحرك الخيام
اسود احرام الحزن. وكلب زينب ظل يون
والكفلهة تودعة باجر والجسوم مرضرضة
★**★**
عادة اليرجع من الحج لاهلة فرحان وسعيد
بس ابو السجاد رايح معتني الدرب البعيد
ظلمة من بعدة المنازل بعد مايلفيهة عيد
توشحت كلهة بسواد اليوم يادار العميد
راح من عدهة الفرح. للعليلة شكم جرح
فراك عبد الله الرضيع لكلب اختة مرضة
★***
غاية ابن الزهرة جانت يصلح احوال. الملة
وثمن اصلاحة وقضيتة ماحصل في كربلة
نحر للطفل الرضيع يخزي نبلة حرملة
تشوف بت حيدر المصرع بس جميلة المسالة
زينب تعلم الصبر. شلون يجرع هالامر
تنطي لاصحاب العقول بهذا كلة موعظة
**★****
جم رسالة تشيل زينب تمشي لارض الظالمين
خطهة عباس الغيور بدم اخوتة الطاهرين
تضحية وايثار عدهم درس من ام البنين
جن محمد توة نازل جايب كتابة المبين
وحي بالطف هم نزل. علة بت خير العمل
شامكم مابيهة دين واجة دين الرافضة

تضحيات الغاضرية غذت الدين الحنيف
حبل سري للعبادة وصدر ابو الاكبر مضيف
ابربيعة دين طه ابد ميمرة خريف
من ابو صالح المهدي يظهر اوبيمينة سيف
ركابهم تلزم سرة. جنهة ضربة حيدرة
يابقية ال احمد دينة انت التحفظة

الشاعرة اسراء الحسن

https://t.me/gdjxkkebk

طبر وراسك شريف
يكون منهاجك نظيف
خلي ترضة عليك امنة فاطمة
خلي دمك يصعد لاخر سمة

حضر الاعلام دارك صبغة كلة بالسواد
لاتعبرة الي يكلك ليش كل هاذ الحداد
بيتك بلون الليالي والحزن يملي الفؤاد
من بابك البي ياحسين تاخذ الوادم مراد
انسة ساعات السرور
ماكو فرحة ولا حبور
النبضة وي دمعة العين ملازمة
خلي ترضة عليك امنة فاطمة

دكة صدرك بالجفوف ونادي لبيك حسين
صوت يطلع من ضلوعك والصدة من الايدين
تصير اثار اللطم شاهدك عبر السنين
درس تصبح للعوالم حينها او بعد حين
ارفع ايدك للعزاء
قبلتك في كربلاء
نار ربك بس علينة محرمة
خلي ترضة عليك امنة فاطمة
•*****
وجر النيران جدرك خلي بي طعم الوفاء
بالك تصير المرائي الضاع تعبة والعناء
لو فقير الحال انطي مثل معطى الأغنياء
باجر بيوم القيامة تتمنة حالك أنبياء
باجر بيوم الحساب
ماكو نوع من العذاب
حسين يشهد هاذة ظهرة محزمة
خلي ترضة عليك امنة فاطمة

كوم للزنجيل جيبة خلة يلعب عالمتون
واثق الخطوات خلك عوف الاراء والظنون
ضربتة خلهة تعادل كون ساعة المنون
شيب واطفال وشباب لذكر زينب يسجدون
بضربتك العن يزيد
يلين بيدك الحديد
انة جلدي عالحديد معلمة
خلي ترضة عليك امنة فاطمة

اطبر الهامة بحركة ويصيح ياصاحب الثار
لاتجامل عالمبادئ بالغ برفع الشعار
ساوي وجهك والثياب كلهن بلون الحمار
اسمك بجيش الامام جندي خادم بافتخار
باجر بجيش الامام
نفني كل اهل الظلام
يسجل اسمك ابن حماي الحمة
خلي ترضة عليك امنة فاطمة

الشاعرة اسراء الحسن

https://t.me/gdjxkkebk