لطميه للزهراء عليها السلام

دوم اللطم عالزهره الزجيه
اثنين اضلوعها انكسرن سويه

تون ونه على ونه //ضلعها اتلوج منه
مضلومه وتون ونه خفيه
♾️♾️♾️♾️♾️♾️♾️

تجر ونات مضلومه ام حسن دوم
مكسور الضلع والصدر مهشوم
منهد حيلها وماتگدر ادگوم

ماضل حيل بيها //الألم زايد عليها
تلوج من الألم صبح ومسيه
دوم اللطم عالزهره الزجيه

✍️ام حسين العيساوي
♾️♾️♾️♾️♾️♾️♾️

تلوج من الألم والحيل مهدود
وكلبها من الحزن والضيم ممرود
ذبلت من وكت ياوسفة الورود
عليها زايد الهم //وتصب الدمع دم
رواها الزمان اشجم اذيه
دوم اللطم عالزهرة الزجيه

✍🏻ام زهراء الزيداويه البصراويه
♾️♾️♾️♾️♾️♾️

راوها الزمان اجم مصيبه
كلبهه من الحزن دا وي لهيبه
شالت من وكت وسفه الحبيبه
رفس وكسر الضلوع... كلب ام حسن مفجوع

نار مصابهه ضلت سريه
دوم اللطم على الزهره الزجيه

✍️ ام حسين العامري
♾️♾️♾️♾️♾️♾️

سريه النار تچويها أويلاه
حنان المصطفى مابعد تلكاه
راح وراحت الايام وياها

عدوانه هظنوها .. للزهره ضلموها

غصبو حكها وي حامي الحميه
دوم اللطم على زهره الزجيه

ام ✍️ علي الموسوي
♾️♾️♾️♾️♾️♾️

راحت روحها من راح والدها
خذوها ايامها بصطره البخدها
فكدتها العافيه جابعد شيردها

منهد عصرتها بلباب... يدي الضلع ماطاب

اوضلت تون حد يوم المنيه
دوم الطم على الزهره الزجيه

ام مرتضى الحواسي
♾️♾️♾️♾️♾️♾️

سريه النار بيه الفاطمه الزهره
وحدر الضلع تلهب لم حسن جمره
كسرج يالزچيه ابكلبي شيجبره
يالغطاج التراب.... انكسرت بيج الاحباب
على الشالت بعد انه اشبديه
دوم اللطم عالزهره. الزچيه

خادمة اهل البيت ام ابراهيم الحلفي

تمت بأقلام شاعرات رابطة كفيل الهاشميه
غير مبري الذمه من يحذف اويغير اويتلاعب بالكلمات او يحذف اسماء الشاعرات وينسب الكلام له
https://t.me/om_hussain70

ام حسين العيساوي
لطميه لسيد جاسم رحمة الله على روحه الطيبه

يربات المنابر غربت وين

ضيعناك صارلنه اربع اسنين ~~~~~~~~~~
ضيعناك يالصوتك عجبنه
وشمحلاك لو جريت ونه
الف وسفه يسيد فارگتنه
وفراگ صعب ياناعي حسين
♡♡♡♡♡♡♡♡♡♡♡♡♡
صعب فرگاك ياناعي المذبوح
اليحب الزهره گلبه عليك مجروح
هاي اسنين الك بالحد مطروح
وبذكرى وفاتك تبچي كل عين
♡♡♡♡♡♡♡♡♡♡♡♡♡
عليك اعيونه تبچي يمهيوب
وگبل اعيونه بچيت الگلوب
ياناعي الزچيه ام ضلع مصيوب
ويالتنعه على زينب وعله الحسين
♡♡♡♡♡♡♡♡♡♡♡♡♡
يالتنعه على زينب فاگده اخوان
وتون اعله التنوح ابيت الاحزان
يسيد گلبك عله الزهره حزنان
بچه الناس صوتك بيه محنه
♡♡♡♡♡♡♡♡♡♡♡♡♡
يالصوتك حنين وبچه العيون
صار اسنين حدر الکاع مدفون
اليوم اعليك احبابك يلطمون بعد مابين السيد يگولون
((سيد جاسم ماهو اعليه شلون انصد للمنبر))
تمت بفضل الله وعونه 🖊شاعرة وخادمة اهل البيت المله وجدان ام حسين العيساوي وغير مبري الذمه من يتلاعب بالقصيده وكلماتها
https://t.me/om_hussain70