نحن قروب 5 في مقرر البحث من زملاءكم في الدفعة 41 واضطرينا اننا نغير عنوان بحثنا في الزمن الضايع محتاجين مساعدتكم بالمشاركة في ملء استبيان خفيف لقياس خوف طالب الطب من مادة النيورولوجي يخص طلاب الدفعات 41 و 40 و 39 " Neurophobia among medical students and…

تم بي نجاح رفع البوتات في الكلاود. نكرر ونقول كل ما زاد العدد كل خلصنا أسرع فارجو من لديه الاستطاعة ان يشارك.

رابط القناة: https://t.me/uogencylopedia

من هنا تبدأ (المرحلة الأولى) وهي جمع الملفات ورفعها في قناة التليغرام كما ذكرت سابقا لمدة اسبوع.

روابط البوتات Surgery, Internal Medicine, Obs/Gyn, Pediatric كلها متوفرة في القناة.

اي واحد عندو استفسار او سؤال او اقتراح يطرحو في القروب بتاع القناة الفي التليغرام هناك وحيتم الرد عليها ان شاء الله

طيب حاليا بما انو الدفعة تشتت بسبب الحرب (ربنا يصلح الحال ان شاء الله) اوضاع الناس اختلفت في ناس قدرو يهربو من السودان ويستقرو في حتة امنة. وفي ناس اخرى حاليا متواجدين خلال السودان صابرين على المحنة ومتمسكين بالخالق في وقت الشدائد. فأنا كواحد من الدفعة القدر يطلع من البلد قررت اعمل حاجة اخدم بيها الناس في السودان خاصة والدفعة كعامة. جاتني فكرة بما انو لاحظت عدد كبير من الناس بتسأل عن الفيديو الفلاني للسيستم الفلاني أوالشيت للدكتور الفلاني انو اعمل تطبيق. التطبيق فكرتو انو يجمع كل الفيديوهات والملفات المشتتة في حتة واحدة وبي مساحة خفيفة بحيث انو مثلا فيديو مساحتو 200 ميغا يبقى 40 ميقا عشان عارف انو ناس كتيرين في السودان بيواجهو مشكلة في الشبكة فبلقو صعوبة يتحصلو او يحملو الملفات دي بي مساحتها المتواجدة حاليا. التخصاصات حتكون Surgery, Internal Medicine, Obs/Gyn, Pediatric
المهم عشان التطبيق يكتمل بسرعة (قبل عيد الاضحى) محتاج مساعدتكم للناس القادرة تساعد.

مساعدة في شنو؟
طيب عشان تفهمو التطبيق عشان يكتمل حيمر بثلاث مراحل:
المرحلة الأولى: جمع الملفات المشتتة في حتة واحدة على التليغرام
حرسل ليكم بعد شوية قناة تليغرام فيها البوتات المفروض ترسلو عليها الملفات. فمثلا عندك فيديو اكزامنيشن لدكتور محمود حسين لل CNS حتتجه لبوت ال internal medicine ثم تختار من الخيارات CNS حيظهر ليك خيار ترفع Examination Video او Notes&Illustration. فحتختار الخيار الاول وترفع الملف هناك. لو عندك ملفات اخرى حابب تشاركها ممكن ترجع الى القائمة وتختار الملفات هناك

المرحلة الثانية: ترتيب الملفات والتأكد من الجودة او quality check
البوت سوف يتم فتحو لمدة اسبوع عشان الناس العايز ترفع ملفات تقدر ترفع وبعدين حنقفلو. في المرحلة دي حكون عايز متطوعين من الدفعة يقدرو يفلترو الملفات ويختارو الملفات والفيديوهات الجودتها كويسة. حيتم تعيين كل شخص لي حتة معينة مثلا لو محمد و احمد قالو عايزين يتطوعو ممكن محمد يمسك فلترة الفيديوهات التي تخص فقط بي ال CNS وأحمد يفلتر الملفات مثل ال guidelines والنوتات التي تخص بي ال CNS. (فباختصار كل ما زاد العدد في الحتة دي كل ما انتهينا أسرع)

المرحلة الثالثة:ضغط الملفات وانشاء التطبيق
حاليا التطبيق سيدعم اجهزة الاندرويد فقط لانو الاكتر شائعا في السودان. التطبيق حيكون خفيف وساهل بحيث انو يدعم كل الاجهزة بي مختلف المواصفات. المرحلة دي حشتغل عليها براي حاليا بما انو عندي شيء من الخبرة في المجال.

وبس والله ما نكون طولنا عليكم إن أحسنت فمن الله، وإن أسأت فمن نفسي والشيطان وارجو الناس ما تكون شايلة في قلبها حاجة لانو الظروف ما معروفة فأرجو السموحة من الجميع.

اخوكم في الدفعة 40 طب،
أنس