ЯТТ да ишласам стаж кетмайдими?

САВОЛ:
Мен Якка тартибдаги тадбиркор (ЯТТ) га ёлланма ишчи бўлиб ишга кирдим. Меҳнат шартномаси тузилди, лекин на буйруқ чиқарилди, на меҳнат дафтарчам юритилди. Нима учун? ЯТТ да ишлаган давр меҳнат стажига киритилмайдими?

ЖАВОБ:
Меҳнат кодексининг 507-513-моддаларида бу холат батафсил тушунтирилган. 508-моддага кўра, ходим билан ЯТТ ўртасида меҳнат шартномаси 3 нусхада тузилади, улардан бири ЯТТда қолади, иккинчиси ходимга, учинчиси давлат солиқ хизмати органига тақдим этилади. ЯТТ томонидан ёлланма ходимларни ишга қабул қилиш буйруқ эълон қилмасдан амалга оширилади. ЯТТ да ишловчи ходимларга меҳнат дафтарчалари юритилмайди.

Лекин 512-моддада ЯТТда ёлланиб ишлаш даврлари, ижтимоий солиқ тўланса, ходимнинг меҳнат стажига қўшиб ҳисобланади. Ходимнинг меҳнат стажини ҳисобга олиш ижтимоий солиқ тўлаш тўғрисидаги маълумотлар асосида амалга оширилади- дейилган.

Шу сабабли, хавотирга ўрин йўқ, юқоридагиларга асосан ижтимоий солиқ ўз вақтида тўлаб борилса, ЯТТ да ишлаган барча даврларингиз меҳнат стажингизга қўшилади.

Экспертимиз Эъзозабону Мамаризаева
Telegram?I Instagram ? I Youtube ?

Таркибида тузилмавий ташкилотлари ва алоҳида бўлинмалари бўлган иш берувчилар учун керакли кейс.Янги Меҳнат кодексининг 113 ва 486-моддаси билан уларга берилаётган енгиллик. Бу енгиллик, муддатли меҳнат шартномалари бўйича.

☝️Аудио билан танишиб чиқинг.?@yuristkadr

**Ташқи ўриндошни бир вақтда ҳам асосий, ҳам ўриндош жойидан хизмат сафарига юборилиши мумкинми?

Савол:**Саволим шундан иборат, бир ташкилотда асосий ва бошқа ташкилотда ўриндош бўлиб ишлайман. Мени иккала ташкилотдан бир вақтда хизмат сафарига юборишмоқчи. Шу холатда менга иккала иш жойимдан ҳам иш ҳақим сақланади дейишди, шу тўғрими?

Жавоб:Адлия вазирлиги томонидан 2003 йил 8 сентябрда 1268-сон билан рўйҳатдан ўтказилган “Ўзбекистон Республикаси ичкарисидаги хизмат сафарлари тўғрисида йўриқномани тасдиқлаш ҳақида” ги Йўриқнома 8-бандининг 3-қисмида:

➖“ўриндошлик асосида ишлаётган шахс хизмат сафарига юборилганда унинг ўртача иш ҳақи уни хизмат сафарига юборган ташкилотда сақланади;

➖агар хизмат сафарига бир вақтни ўзида ҳам асосий ҳам ўриндошлик асосидаги иши бўйича хизмат сафарига юборилганда иш ҳақи ҳар иккала лавозим бўйича сақланади, хизмат сафарига ҳақ тўлаш бўйича харажатлар эса хизмат сафарига юборувчи ташкилотларни ўзаро келишувига биноан тақсимланади;

➖ташқи ўриндошлик асосида ишлаётган шахс хизмат сафарига юборилганда унинг ўртача иш ҳақи уни хизмат сафарига юборган ташкилотда сақланади, ички ўриндошлик асосида ишлаётган шахс хизмат сафарига юборилганда эса ўртача иш ҳақи асосий ва ўриндошлик асосидаги лавозим бўйича сақланади” дейилган эди. Бироқ, 2022 йилнинг 16 сентябрь кунидан мазкур Йўриқнома ўз кучини йўқотган ва бекор бўлган.

Маълумки, 2022 йилнинг 2 августида Вазирлар Маҳкамасининг 424-сонли қарори билан “Ўзбекистон Республикаси ҳудудида хизмат сафарлари тўғрисида”ги Низом тасдиқланган. Ушбу Низомнинг 12-банди 2-қисмида эса “хизмат сафарига бир вақтнинг ўзида ҳам асосий, ҳам ўриндошлик асосидаги иши бўйича хизмат сафарига юборилишига йўл қўйилмайди" дейилган. Шунингдек, бу бандда ички ўриндошлик асосида ишлаётган шахс хизмат сафарига юборилганда эса ўртача иш ҳақи асосий ва ўриндошлик асосидаги лавозим бўйича сақланиши кўрсатиб ўтилган.

Юқоридагилардан кўриниб турибдики, сизга маслаҳат беришда эски нормага таяниб қўйишибди, бу ҳолатда сиз ташқи ўриндошсиз ва сизни бир пайтнинг ўзида ҳам асосий, ҳам ўриндошлик иш жойингиздан хизмат сафарига юборилиш мумкин эмас.

Экспертимиз: Эъзозабону Мамаризаева

Telegram I Instagram I Youtube