لو فاكر إن الشخص الساكت مرتاح تبقى ما تعرفش حاجة؛ أغلب الساكتين فقدو الأمل من الكلام، ولما اتكلمو محدّش فهمهم، ولما سكتو محدّش استغرب سكوتهُم وفكّر يتطمن عليهُم، وف اللحظة الي إنتَ شايفهُم ساكتين وهاديين بتكون في خِناقة كبيرة جوّاهُم، ف لوم وعِتاب وحُزن وزعل وحاجات تانية كتير محدّش فاهمها ولا حاسسها غيرهُم .. فمتحسدش الساكت ع سكوته لإن الهموم الي جوّا القلوب لا يعلمها إلا الله.

قرار التخلّي بعد الإدراك لا رجعة فيه؛ وقتها الشخص بيكون فهم كُل حاجة وشاف الصورة كاملة من كُل الزوايا، بيلاقي نفسه ضحى كتير، إتحمّل كتير، داس ع نفسه وع كرامته كتير، وف المقابل شايف تهميش وقِلة إهتمام وعدم تقدير لكل الي قدمه، وقتها بيفهم إن خلاص كدا.. الكفة م مُتوازنة ولا عُمرها هتتوازن وف اللحظة دي مشاعره بتتغيَّر 180 درجة، والحقيقة إن المشاعر الي بتتغيَّر بسبب الإدراك لا تعود.

‏ قولتلك
انى
خايفه
من
القُرب
طمنتنى فى الأول
بس فى النهاية سبتنى لدماغى ومشيت .

كُل العِلاقات فيها مشاكل؛ والمشاكل هنا معناها إختلاف وجهات النظر، الشد والجذب، القمص والمُراضية، الموافقة والرفض .. كُل دي مشاكل منطقية وعادي جدًا تحصل.
لكن الكلام البايخ، المُعاملة الوحشة، الخذلان، التقصير، سلب الحقوق، الإهمال، الظُلم!
دي حاجات مش من الطبيعي أصلًا إنها تحصل ولو حصلت فلازم تعرف إن في حاجة غلط.

بتصعب عليا جدًا الناس المَرِحة الفرفوشة الي مكانوش بيبطّلو كلام وهزار وفجأة كدا اتحوّلو لنُسخة باهتة مطفية وطول الوقت ساكتين! لا هي دي ملامحهُم ولا هي دي روحهُم الي كانت بتملى المكان بهجة وحيوية، يخربيت الحُزن الي يطفي الواحد ويغيّره بالشكل دا والله!

لو أتعاملت معايا هتعرف ليه كل الناس بتحبني

عوّد نفسك متتعلّقش .. لا بفِكرة ولا بقرار ولا حتى بشخص.
الفِكرة بتتبدّل .. والقرار بيتغيَّر .. والشخص بيفارق.
الدُنيا مفيهاش ضمانات ولا ثوابت فحاول متتعلّقش عشن متعيش طول حياتك بتخسر وبس.