Сурхондарё вилояти божхона бошқармаси раҳбарияти томонидан тадбиркорларга амалий ёрдам кўрсатиш бўйича жойларда сайёр учрашувлар ташкил этилмоқда.

Навбатдаги учрашув, Термиз шаҳрида жойлашган “Термиз Дарё порти” МЧЖ биносида Афғонистонга экспорт ва импортни амалга оширадиган тадбиркорлар билан бўлиб ўтди.

Учрашувда, вилоят божхона бошқармаси бошлиғининг биринчи ўринбосари Х.Халбаев иштирок этиб, тадбиркорлар билан Афғонистондан импорт тарзида олиб келинаётган картошка ва мандарини маҳсулотларини сув транспорт орқали ташиш жараёнида божхона расмийлаштируви жараёнини соддалаштириш ва тезлаштириш юзасидан суҳбат қурилди.

Тадбир давомида, тадбиркорлар мавзу бўйича ўзларини қизиқтирган саволларга батафсил жавоб олдилар.

Маълумот учун, жорий йилнинг 11 ойи давомида Сурхондарё вилоятининг ҳудудий ва тармоқ корхоналар томонидан 30 турдаги қиймати 34,2 млн. АҚШ долларилик маҳсулотлар Афғонистонга экспорт қилинган.

Янги йилни салютларсиз кутиб олинг!

Республикамиз бўйлаб божхона органлари томонидан пиротехника воситаларини ноқонуний муомаласига қарши ҳам профилактик, ҳам тезкор тадбирлар мунтазам олиб борилмоқда.

Масалан, Сурхондарё вилояти божхона бошқармаси тезкор тузилмалари Ангор ва Қизириқ туманларида ўтказилган тезкор тадбирларда 12 минг донага яқин петардаларнинг яширин савдоси олдини олишди.

Хоразмлик божхоначилар эса Урганч шаҳрида ўтказилган тезкор тадбирларда 6600 дона салют ва петардаларни ноқонуний муомаладан олиб қўйишди.

Наманганда божхона ходимлари айни мавзуда профилактик тадбир ўтказишди. Наманган муҳандислик-қурилиш институти талабалари билан бўлиб ўтган мулоқотда пиротехниканинг инсонлар саломатлигига, атроф-муҳитга ва мол-мулкка етказадиган зарари кўлами ҳаётий мисолларда тушунтириб берилди.