**ماتهــــده روحي
وتضل سالفـــــتي نوحي
وعثر بعيوني چـــــم ليل
من المــــــــدينه
صوايــــــــــح گلبي وينه
عله حسين انتهى الحيل

يمُـــه رد      مــــا اود
اغمض عيني فاگده   وماشوفك احلاي
تدري انه     عالضــنه
اعزّك يبني من گبل   وتعنيلي بهـــواي

انه ام اربعه وحســــين خامسهم
ومن باب المعـــــــــزه انته اولهم
مابيه اعله هجــــــرك حيل مابيه
يحسين اطرش ورجّع هوادجهم

حال الغــــريبه
يجرحــــي الماله طيبه
عشـــت بين الحياطين
وانطـر خبرهم
بطو عــــــني ابسفرهم
وراهم نشـــــفت العين

ارتجـي     هم يجي
وكت يجمعني بالضـعن    يابخت الحسين
انتحب     ماتهب
من كربله نسمت هــوى     من المضعنين

ياضعن المهابه ولمــــــــــة الخوه
تدرون ابهجركم مالي كل تچــوه
بس ردو ابسلامه شلون مارحتو
وخل نار الهجر تحـــرگني واتلوه

تعب اللــيالي
وبزر گلبي وحـــــــلالي
جفوني وطـــال الفراگ
ضليت اعاني
عليه افــــــــــتر زماني
وتركني شجره يم راگ

اتعذبت     ماعشت
من اليمر بيه انســــگي      وماضن يـمرون
ناشدت    عاشرت
شمس الله گدما انتظر      بدروب الضعون

يوميه القوافل ترجــــــع اگبالي
وانتم لاخـــــبر لامن رجع غالي
ملاني الدرب يحــــسين ملاني
لو يحچي گعدلي وگــام ينعالي

انشد عليــمن
وعلى يــــاغالي اهيمن
مشــــو وين اليهظمون
لا بطـل ايحن
ولا مــــــن عايف الون
يگلبي وراحــو اشلون

ما ٱجـــو    لو نـــوو
يضلون اجرع الصــــبر     من هذا الغــياب
ياگلــــب    والدرب
أثر ماخله واتبـــــــــعه     ياضعن الاحباب

ايام الچنت بيهه اگـــــــعد اوياهم
ماترجع يگلبـــــــي ولاضن الگاهم
يحســــــــــــين الولد ماحنو اعليه
مامنطيني گلبي اشــلون وانطاهم

ذكرى ومـــــدامع
بقت منــــــــهم مواجع
عشت ويــــــــاهم ايام
من حگي اذا اهم
ترد روحــــــي اذا اشم
هوى من ذيج الـــخيام

صرت اهم     چم حلم
واگف عله اعتاب الجفن    مافض الفراگ
حايــــــره     امساهره
لعيون ابو فاضل احـــن     ليليه واشتاگ

يانشمي اعله طولك شابحه الوينك
صبرَني اعله فگـدك خاطر حسينك
واليجبر كســــــرتي ياصــبر زينب
يمخلي اعله خـــيتك گلبك وعينك

خادم القصيده
شاكر الصيمري**

**هاشـــمي كلف     علي الاكبر
واحـــــد ابألف     علي الاكبر
بيرغ ويـــــرف     علي الاكبر

اتقدم ويشــــع     علي الاكبر
شتت الجــــمع     علي الاكبر
بـــــارع و ورع     علي الاكبر

يسبحان الخلق هاشم وراثتهم مـــــــــراجل
علي الاكبر مثل جـده علي اليرهب جحافل
خذاها المعركه ابصدره والبظهره ابو فاضل

موعد المـــوت وحسابه
علــــــــــي چفه بالانابه
صاحـو الغـوث ودخيله
علي يالكـــــــلك مهابه

اكبري الصــعب    علي الاكبر
ابني من يـطب    علي الاكبر
يلوي كل حرب    علي الاكبر

وكــت الموزمه     علي الاكبر
يرعد صـــارمه     علي الاكبر
حامي امخيمه     علي الاكبر

علي ذب الفوارس من ظهر خـــــيل الاعادي
شتات اگبالك اتصـــــــــير الزلم بين البوادي
علي طلعو عدد وانته طلــــــعت الهم فرادي

طگتك عســـــــكر تبيده
علي فـوت اعله البعيده
هاشم وسـطرتهه تشهد
كون اگولن عاشت ايده

كشخة الخـــيم      علي الاكبر
معــــدن الشيم     علي الاكبر
باغت وهــــجم     علي الاكبر

بيهم ارتــــــجل    علي الاكبر
ويلي مــن زعل    علي الاكبر
شارب الفـــحل     علي الاكبر

يدواس الشوارب والحــــــــرب بيدك رسنهه
سعف هاي الزلم وانتــــه الذي اترجف بدنهه
يخيال المواقف كــــــــــــــــربله طيّح ركنهه

ياشــــــــراع اهل المخيم
كربله خليــــــــــــهه تندم
من يجي ابالك عطـــشنه
علي غطي الحومه بالدم

وجهك الـــــــهوى    علي الاكبر
خانگ نينــــــــوى    علي الاكبر
رجال اللــــــــــوه     علي الاكبر

سيفك لــــــو لمع     علي الاكبر
گول الطف خضع     علي الاكبر
والجيش انگــطع     علي الاكبر

علي صورة قيامه ونازل ابأمــــــر الجلاله
خريف حسين اجـاهم يبّس الطف ورجاله
الزلم خربط شكلهه وهــــوه يزداد بجماله

ياجميل ابحـــومه غبره
همه ليل وانتــــــه گمره
اتوسط الملعــب يالاكبر
وگفتك للجـــيش كسره

خادم القصيده
شاكر الصيمري**

**ايه امـــن الجمال   جسام الحسن
خيال الـــــــرجال   جسام الحسن
مادار الــــــهه بال   جسام الحسن
نزل جسامهه

شيخ الشباب القاسم ودهـدارها
ومن اجـــاها اتعله فوگ اكبارها
للخيم خله الزلـــــــــم طشارها
كفو والله

كفو امن الجــــابته   هلا بيومه هلا
عدل شسعه ورجع    سحگهه كربله
يشارب خيمـــــتك   يحيد المرجله

محـــراب الغرام    جسام الحسن
مهيــــوب العمام   جسام الحسن
نيــــشان الخيام    جسام الحسن
رگاب الحومه

هيبه الهواشم بالحـرب معروفه
يوم التزامط تعــبر اعله الكوفه
والقاسم ابگــد ماسطر بجفوفه
كفو والله

بزغ نوره وعـــمه   شكو بالطف ضوه
يالمخلي الهــــوى   يدور عــــن هوى
اله ولهله الشــيم    طلع شايــــل لوه

عباس الزغيــــــــر   جسام الحسن
قاسم مــــــن يغير   جسام الحسن
يومه اشكد عسير    جسام الحسن
على الخياله

دورة عيونه وحاجـــــبه والميله
اتشوفه ابو فاضل وفوك اكحيله
خلصو كتل والقاسـم ابكل حيله
كفو والله

بقايا امن الحــــرب    بقت حفـــــــنة زلم
شكثر شبعت ركض    على اطراف الجدم
مثل طك الحـــسن     شهم خــــلف شهم

جسام الغـــــيور   جسام الحسن
حماي الخــــدور   جسام الحسن
ممنوع العـــــبور   جسام الحسن
حدود اخيامه

حط الهه حـــــد ومادنت لخيامه
ماوگفت احيــــــــود الزلم گدامه
والكتائب طگهه هامـــــــه ابهامه
كفو والله

اله ايلوگ الـــــزعل    يغيض الماهده
يچـــــــــــفان الزلم    اذا حل موعده
صعب يتـــلاگه ابد    عســـاكر وحده

بعيونه الثــــبات   جسام الحسن
چنه الشــاهقات   جسام الحسن
سواهم شـــتات    جسام الحسن
كلف من يومه

هاي العساكر مـــن تعد اعدادهه
امنين تطلع القـــــــاسم صادهه
ضيّگ الحومه وكطع مشرادهه
كفو والله

دخيل الكرها كــر    يكـــــــرار الخيم
دخيل المايــــــرد    عليـــهم لو هجم
المراجل بــس اله   وعساكرهم عدم

خادم القصيده
شاكر الصيمري**

**علي ديـــن الله العــــدل و اسبابه
والله لــــوما حيــــدر ايـــسد بابه
بالنفــس هوه الغـنى مو بالحصاد
علـــــــي رد لله بطـــرگ جلبـــابه

وين مثــــله اتشوفه
ماكو مـــــن معروفه
هوه اميــــــر الكوفه
علي ابو اتراب

علـــــى دربه ودينه
وين مــــــــايحدينه
ماد چــــــفه اعلينه
علي ابو اتراب

علي هذا الكـــــــون نضره ابعينه
تغرگ الدنيـــا وعلـــــــي اينجينه
كلهه غربه ومــــاكو بالعالم عرف
وعلي ابـــو الحسـنين منه وبينه

علي چــلمه ومــايهدهه الســاني
علي مــــو خالقنــــي لا ســواني
الناس من تتغـربل ابحـبه تطيح
وانه يــــزداد ابعلـــي ايمــــــاني

آمنــــــت من ذاتي
وسلمـــــــت نياتي
بياعلي شــــهگاتي
علي ابو اتراب

هوه كلشي المالك
والطريـــق السالك
واليبــــغضه هالك
علي ابو اتراب

ياعلي الوالاك واجــــــــــــب دوره
يلعن ام الجــــــــمل واهل الشوره
والعقيده التنــحرف واجب تزول
علي مايرضــــــــــى بعقائد عوره

علي عابد مـــــــو ترا اتعبـــــــدونه
علي المثلــــــي ومثــــلك ايتبعونه
مثل ما تتبــــــره مــن اعدائه كون
اتبره والعـــــــن كلـــــــمن ايلهونه

والغلـــــــــــــو كالعاده
من تحــــــــــبه ازياده
اتوصــــــــفه بالماراده
علي ابو اتراب

حب علي بجــروحك
وكون يمشي بروحك
والشـــــفاعه اتلوحك
علي ابو اتراب

اشـــــهد الاخــــــر نفس لولايته
علي لـــــم الديـــن كله ابصايته
ياعلي بلياك مــــــاتنفع صــــلاه
ولا محمد گــدر يــــــرفع رايته

علي يشـــــــفع مايگلــــب اعمالك
والقبول مــــــن الله انته وحـــالك
من تخليهه اعله حـــيدر ماتخيب
وهوه باچــــر بالحـــــــشر يبرالك

وي علــــــي خليهه
اول وتاليـــــــــــهه
روحـــــك ايزكيـهه
علي ابو اتراب

والولايه اويــــــاها
عادي مـــن عاداها
ووالي مــن والاها
علي ابو اتراب

علي مايخلـــــق يســــــامع وادم
علي من الطـــــين يخلق خـــادم
علي ماعرفـــــوك ناس الربـــبوك
واليعرفك باچـــــــــــر ايرد نادم

خادم القصيده
شاكر الصيمري**

**مولاي علي بـــس هوه صـــدگ گلبي هــــواه
مولاي وبالغديـــر امـــبايعه ومــــالي ســــواه
مولاي اسمه من مهــــدي سمعــــته بـــالاذأن
مولاي وگلبي مــن يومه مـشه امغمـض وراه

حيدر نور شفت حـبه اذا دربــــــي عتم
واليهــواه علي ابگلبه قذف غيره وشيم
والبغضوه على الجنـــه قروه أيـــــة ندم

رحمه ولطف حــــب علي وانكــتب عالناس
واول عشگ من يهب يملي روحي احساس
باب الســـمح والعفــــو مرقــــــدك مــــولاي
واولايتـــــك ياعــــلي تمشـــــي بالانفـــاس

ردناك اسمك اول ثاني أو صرت الاخـير
ردناك ياعلي مـــن الله غيــــرك مايصير
ردناك والعهد لازال من جيــل اعله جيل
ردناك من گلب والسان واحچاية ضمير

يامحلاه وشرف النه اســــمنه الرافضى
حبيــناه وكبر بخته الذي بحـــبه حضى
بايعــناه وانفطمنه على اســـم المرتضى

بيد النـــــبي چف رفـــــع واضــــــــح الاعيان
والمارضــــى مـــــو مــــهم مايقــــــدم چــان
ارض وســــــمه نادتـــــــك حيـــــدرا مبــروك
وكل الخـــــــلق بايعــــت سيـــــــــد الاكــوان**

**يادرب نمشــي ابمســاره وماتغـــير منهجه
وكلمن ايعارض فكــرنه بالدليـل انحاججه
احنه تربات المــجالس والعقـيده الصامده
والغيور الاصــله ترجع تلگه حــيدر خرجه

ياحيدر صحنه اوياك     من البــــــدايه
واحله مـــا بالـــــدنيا     اوياك النــهايه
كونك ياعــــلي الكون    وانته التـديره
ومن يـــــوم البايعناك     شديـــنه رايه

سيف اذا من غمده يطلع مايـــرد ويختلي
هيچ اذا مذهبنه ينمس نطــــلع بقوة علي
كل زمن يحضى برجاله وللجهاد امشرعه
احنه كالبنيان نوگف والشـــــــدايد تنجلي

مرصوصه اگلوب وروح   زلم العقـــــيده
مادامت بيــــــنه انفاس   الطف نعيــــده
تطلع اهــــــــــــل الگبور   وترد تقــــــاتل
لو تنمس گـــــاع حسين   وهاي البعـيده

انخلقنه للـــولايه وانعجــــن طيـــــن الخدم
جمره تلگانه انولـــــدنه من حدر ذيچ الخيم
عالمراقد سور صرنه والمــــــــراجع والنجف
وموشرط اله برصاصه انحارب الدنـيا ابقلم

چـــم طاغي الحاربناه    يشهد علـــــينه
تاريخ الطــــــــــــرزناه    مشهوده ليــنه
شمره ومن العــــباس    واضح طبــعنه
ماعزيناهـــــــــا الروح    اليتنخى بــينه

تجتمع كل المشارق والمغـــــــارب عالارض
ماتشتت كل جمعنه من يحل وقت الفرض
لو طلع مهدي الزمـــــــــان واذنت له كربله
لايهود ابوجهه توگــــــف لا كيان اليعترض

باچـــــــــر يطلع قتال    اهل الضــــلاله
وذو الفقار ابيـــــــمناه   واحنه ابشماله
صبراً للصـيحه اسنين    والمهدي قادم
ويصلب كــل البغضوه   بحســـين واله

خادم القصيده
شاكر الصيمري**

**ولنـــا فــي الشــام زيـــــنب

اصــعب شي مــابعد الملـگه
ماتگــدر تجــرعها الفــــرگه
مـن تتــوادع وي ام عـــون
بالـباب اجروحـك مچـتوفه
تمشـي وگلبك يمهه اتعوفه
هنـــيال اليمــهه ايمــوتون

مو سهله  چلمة وداعــاً صعـبه ساعتهه
مو سهله  ياهو الگدر يحمــلهه فـركتهه
مو سهله  ياروحي شيــبردهه شوغتهه

تطلع روحك مـن اتوادع
مثل الراد ايموت اينازع  شوگ البيك اهواي

ماتدري ابيا يوم اتـمرها
مدري اول جيه واخرها  زيـــــنب يمچ هاي

ولنـــا فــي الشــام زيـــــنب

توصل ليــهه بكـامل حيـلك
لهــفان وياگــــاع اتشـــيلك
وتطلع وانته امــوشل حيل
تلگـه الغــربه التســمع بيهه
هذا الشــام اشجابه اعليهه
ليل الضــيم اهـناك اللــــيل

تلگــاها  مثــل الغــريب ابگــــاع كتــاله
تلگــاها  مدفونه مثــل المحـــــد ابحاله
تلگــاها  مشهد صعب ماضن عقل شاله

بالشام العــــبرات اتحرگك
حته الليل انفاسه اتخنگك  صعبه ابراحه اتنام
ياخذ مـــن روحك راحتهه
ماخذ زينــــب من اخوتهه   اه يصواب الشام

ولنـــا فــي الشــام زيـــــنب

تصفن وي روحــــك تتخيل
اهنا زينب طبــــــت ماتندل
وگاع الشام امخضره عيون
ام الخمســـــــين المــتعوبه
ليش الشــام اتفــــر ادروبه
وين الشام و ويـن ام عون

سد عينك  واتخيل الصـــار وجــــره اعليهه
سد عينك  وعيش ابدمعــتك زينـب اشبيهه
سد عينك  وحط روحك ابهزله وتطب بيهه

اتطب للشـــام امتعــبينك
وتتعب كلما شافت عيـنك  حته النضره اتعيل
تسمع كل احچـايه ابگلبك
ومن الهظمه اتضيع دربـك  وبيك الهزله اتميل

ولنـــا فــي الشــام زيـــــنب

شي اكــــــبر مـــــن ما تتـصور
عيــش الشـــــام ودربه الاكشر
يوم ابــــعام الممــــــشه ابنوگ
من تتــــغرب وانتــــــه امـدلل
أيس مــــــــاتــرجع مــثل اول
كلهه ابصفحه وصفحه السوگ

جابوها  الماطلـــــعت امــــن النوگ للخيمه
جابوها  ورايدله حــــيل السوگ ياضــــيمه
جابوها  وماخـله حيل امـــراكض الهــــيمه

هذا الصـــار بزيـــنب واكثر
من اتطب للشــــــــام اتذكر   دم المهدي اينوح
كلهن شام ادمــــوعه التنزل
الخاطر زينب ادعي ايعجل  شيّب هم وجروح

ولنـــا فــي الشــام زيـــــنب

خادم القصيده
شاكر الصيمري**

**حديث الدمــوع     حنــــين ومشــاعر
عبـرت الخـــيال     وجرحت الخواطر
جـرح گلبي قول    الا مـــن مـــــناصر
حسيناه

يواگف والمشــاعر مــــاي
تشح مثـــل النـــهر مولاي
مشاعر وين تلگه ومــاتو احساس
تدير عيـــونك الصــــوبين
عرف ماكو اليعين حسـين
دنيا وفرغت امــن عيـــون عباس

شكو بالطف جماد
حزن عالشافه بيك
تحـــــن عالغربوك
وبشر ماحـن عليك

عطش كلشي بيك      وبديت احتضارك
تكض بالصـــــفاح      وصف لنكســــارك
وبقيت ابضــــماك      وخيم بأنتـــظارك
حسيناه

غريب وتـــــنذبح عطـــشان
ابـــد ماصـــــارت ابأنســــان
وخيامك تستغيث ومــــــاكو سگاي
على مر الزمـــــان امنــــــين
يصح مثلك عطــش يحسين
وگف گلب الرضـــــيع ومالگه الماي

شهگ بيد الربــــاب
اضن شـــهگة وداع
نزف اخــــــر شهيد
بديك وكلشي ضاع

بواچــــي الخيام      وجوب اعله عيني
اواســـــــيك اريد     البقى من ســنيني
على الخـدره راح      ولا اخـــف ونيني
حسيناه

عليك ادموعي كون اتطيح
مثل جمرة خيـــــام اتصيح
حرامات اعله صدرك تركض الخيل
عليك الطـــم نــــهار ولـــيل
وخلي اجروحي بـــيه اتعيل
شسوي ابحيلي وانته فاگـد الحيل

اعيش ابكــــــربلاء
واموت ابگلبي شام
حرام انه استـــراح
وعقيلة ابـــلا خيام

احب الجـــروح      التجي من مصابك
اذا عالعــــــذاب      حياتي ابعـــــذابك
الك منـــي روح       نذرت بثـــــــوابك
حسيناه

سوادك شفته مو بس لون
حزن ضــاهر جرح مدفون
على الراحت عبايه وهظمت النوگ
مشت مثل الهلال ام عون
حرام ابحـــــــرمه يفترون
تطب ديوان مره ومره بالســـــوگ

يگلبي اشگد تــــريد
بعد تســــــــمع كلام
انسبت زينب شگول
على الدنيا الســـلام

خادم القصيده
شاكر الصيمري**

**مو ليـل اليــمر سـهو    وبعيوني عشگ
لعيونك مــــن يوم الصــرت
جرحي المانزف الك    ماسميه جـــرح
يالماكو امن اجروحك شفت
انه المايحـب هــجر     بس الخاطرك
متهجر وابحـــــــزنك عشت

عشتك غريب
وجفنك يـبات    وامتعـــــبات  عيــــونك
يوميه اگول
يابو الدمــوع   بعدك تلـــــوع   شلونــــك
انته البعـــيد
بس العجــب    الناس السبب   ايبعدونك

من ياهي اسـولف الك واتركهه ياهي
وانته العشت بالغرب ســود الدواهي
ناس احنه ننسه الفضل متفضل انته
والمثلي دوم ابـــذكر لمكبره جــاهي

وينك خلص الحـــچي    ضل يحجي الدمع
وبذكرك بدمـــوعي اختنگ
يمته اتبين الشــــمس      مو هاي الشــمس
نضراتك شمس الله الصدگ
تدري بالـــوكت ركـض     والدنــــيا مثــــل
رمشت عين وماتنلــــــحگ

اكبر حـــــرام
نغفل عليـــــك    واحنه لديـــــك   مرجـعنه
تمشي السنين
مابيهه خــــير   العشنه اويه غير    سيـــدنه
عميه العيــون
الغيرك تسيب   وانته القريــــب    من عدنه

والبيه جمر غربــتك نــــار ابجــروحه
وماعايش ابدنيـــته ومــرتاحه روحه
تلگه ابضحكته جـــــرح رغم الملامح
وبگلبه چادر حــــزن ويبـــــرده نوحه

نسّم ياهــــــــوى العمر    وهب اعله الگلب
ياشوگي المايبــــرد الك
مرات البچـــــي سبب     يامن تبچــي دم
ارحم كلمن يبچي الهلك
چندوب انته تنكــــسر     وحدك سيــــدي
محتار اشلون اتخــيلك

ليلك عـــذاب
وفجرك بكــاء      ياكربــــــلاء    تندبـــهه
كل ذكره شام
درب الشتات        عندك بنـات    عذبـــهه
من البچـــوك
اخذ العيـــون      وعالشام كون  اسچبهه

شنهي اليقدمه العــــبد ويرد جميلك
بيمن يفاگـــــــــد هلك يشفى غليلك
اكبر طموح الخـــــــدم هوه رضاتك
بعيوني مأتم دمــــــع يندب دخيلك

يفراگك وجـــع رمح       ضل مـــــــن كربله
وكلما تبعد تهــــــظم مره
تشبه ياهي غربتـــك     من زيـــــنب شفت
نفس الضيم البيهه جــره
شافت ســـاعة الذبح     وكلشي انته عشت
والخيل اعله اهلك غايره

شفت اليــطيح
اتسحگه خـيل   وزينب تمـيل   بالخـــــيمه
وشـفت الركاض
طفله وتخـاف   ونزفت عفاف  بالهيـــــــمه
وشفت الرضيع
محد ســـــگاه    ومات ابضماه  ومن ضيمه

دم الرضيع ابسهم يشـــــكي المصيبه
للمحني ظهر وگلب وهــــــوه ابمغيبه
اكلف جرح ماهده الســــــاعة ظهوره
كل ديره زينب تطب صــــاحو غريبه

خادم القصيده
شاكر الصيمري**