Бұрын 20 жасымда кім болатынымды жазып қойғаным бар еді.
Ал қазір 27 демін.
Сыртқы көріністің біразы орындалып қалған екен.
Ал ішкісін жазбаппын.
Енді 28 жасымда қандай үйде тұратынымды, неше балам болатынын емес, сол үйде тұрғанда өзімді қалай сезінетінімді, мәселелерге көзқарасымды, бақытты кездерде қалай қуанатынымды, қалай таңдау жасайтынымды
бір сөзбен ішкі әлемімдегі рухани мақсаттарымды жазғым келеді.
Жазғасын назарымды да қойып, сол өмірді сүруге шешім қабылдауым керек болады.

#ойлар

Күнделік

Қыркүйек өзгерістерге толы ай болды. Әсіресе басымдағы.
Кейде өмірдің кейбір кезеңдерін жалғыз өтуің қажет болады. Кейбір мәселелерді тек Раббыңмен араңда қалғанын қалайсың.
Қанша көмекке мұқтажбын деп ойласаң да, Алланың жоспары басқа.
Бәлкім тәжірибе мен сабақ дәл сол кезеңдерде жасырылған шығар, кім біледі…

Кез-келген нәтиженің қызық жері, ол болып жатқан процесс, дайындығың деп айтып еді жолдасым, сол кезде өзімнің өміріме қарап көрдім.
Парыз амалдарым қиындап немесе тіршілігім шаршата бастаса, демек менің ол іске дайындығымда кінәрат бар деп ұқтым.
Күнде саналы болып өмір сүру мүмкін емес екен. Ұғумен ештеңе аяқталып, немесе өмірің күрт өзгере салмайды. Бәрі жалғаса береді, мәңгілікке дейін…

29.09

قَالُوا۟ طَٰٓئِرُكُم مَّعَكُمْ ۚ أَئِن ذُكِّرْتُم ۚ بَلْ أَنتُمْ قَوْمٌ مُّسْرِفُونَ

Пайғамбарлар оларға: «Жаман ырым дегенді сендер өздерің бастап тұрсыңдар! Сонда, насихат арқылы ақиқат естеріңе салынып, ескертілгендеріңді де жамандыққа жорисыңдар ма?! Анығында, сендер (Алланың адам бойына дарытқан көптеген сезімдер мен қабілеттерді орынды пайдаланбай қор қылып жүрген) шектен шыққан қауымсыңдар», – деді.

(«Иәсин» сүресі 36:19)

1. Алладан келгеннің бәрі жақсылық❤️‍🩹
2. Бойымыздағы сезімдер мен қабілеттерді орынды пайдалануымызды нәсіп етсін🤲🏻

◟Омар Ибн әл-Хаттаб (رضي الله عنه) айтты:

«Адамды ашумен сынамайынша, оның мінезіне сенбе».

Абдулла ибн Мәсғуд (радиаллаһу анһу) былай дейді:

«Жүректің кейде шабыты оянатын кезі болады.

Кейде құлазып, шаршайтын да кезі болады.

Сол себепті жүрек шабыттанған кезде көп амал жасап, құлазыған кезде тыныштық беріңдер».

(Идаратул уақт?)

Аль Джалил ?
Зуль Джалали уаль икрам
Аль Азим

Алланың мүмкіндіктері шексіз
Ал мен өзіме мүмкіндік бере аламын ба?