‏لو إني خابر أيام السعد دايم عليه شحاح
‏ما أخبره غاب عن عيني لا ضقت وشانت أخلاقي

‏ما عمره حسّني بالكلمة اللي حدّها جرّاح
‏يعرف إن كل كلمة من لسانه تاصل أعماقي

ياضعيف تهزك ذكريات ؟

جرحك تبيّن على الوجه وعلى النبره
‏الكل شافوه وانت تقول وش يعني !

‏هذا القسى فيك ما اعرفه ولا اخبره
‏بس اعرفك واحدٍ ما كنت توجعني

جاهدني الوقت لين اتعبني جهاده
‏خلاني أقنع — بحاجاتٍ ما تقنعني

مصير الأيام تكشف لك كنين الصدور
‏كانك تشوف الوجيه .. وتجهل قلوبها

‏قلبك دليلك ليا اشتبهت عليك الأمور
‏لا تقرب اللي يجيك الشك من صوبها

تمطر وأشوفك شبيه الغيم قدّامي
‏أصفى من القطرة اللي بين كفّيني

أقترب من خالقك قبل ياتيك الحساب
‏يستجيب لـ دعوة العبد ماهي ربما

‏حاجةٍ لو بينك وبينها سبعين باب
‏تنفتح بـ إجابةٍ جات من سابع سما

وش فيك‏ يا صدر الشمالي تضايقت!
‏و الناس تضرب في سعتك المثايل

‏أفا يا صدري ضقت من جاير الوقت
‏ خابرك يا صدري تشيل الثقايل