Распачынаецца рэгістрацыя на летнік у Нямеччыне для беларускіх падлеткаў!

Спяшаемся вам паведаміць, што Суполка беларусаў Уроцлава пачынае набор групы ў летні лагер для падлеткаў з Беларусі, сем'і якіх вымушаны былі пакінуць краіну з-за рэпрэсій.

⏰️Адпачынак пройдзе з 7 па 14 ліпеня ў маляўнічым мястэчку Neutrebbin. Летнік ладзіцца фондам "MARA" разам з Евангельскай царкоўнай абшчынай Нойтрэбін.

Мэта летніка - даць юнакам магчымасць правесці захапляльны адпачынак з міжкультурным абменам і нефармальнай адукацыяй.

Крытэрыі для ўдзелу і адбору:
• узрост ад 12 да 18 гадоў;
• не былі ў адпачынку цягам году;
• падлеткі з сем'яў, якія маюць патрэбу ў дапамозе (з рэпрэсаваных сем'яў, шматдзетных сем’яў і тых, дзе толькі адзін з бацькоў);
• перавагу будуць мець дзеці з сем'яў з міжнароднай аховай, а таксама з тых, дзе бацькі вымушаныя эмігранты і актыўныя ўдзельнікі беларускіх ініцыятыў ва Уроцлаве.

📄Апошні тэрмін рэгістрацыі 16 чэрвеня, для гэтага патрэбна запоўніць анкету https://forms.gle/p9WE83QxoyKcXLJw9

Вітаю, шаноу́нае спадарства. Запрашаю у́ гэтую нядзелю 2 чэрвеня на бесплатную экскурсію па палацах нашага слау́нага Уроцлава. Мы пазнаёмімся не толькі з архітэктурай, а і з гісторыяй іх уласнікау́. Пачатак а 11:00 ля палаца на вуліцы Касцюшкі 34. Колькасць месцау́ абмежаваная, таму перад прыходам просьба напісаць да @Wital_Wro.

📢 Запрашаем беларускіх бізнесоўцаў на канферэнцыю 6 чэрвеня ва Уроцлаве, Польшча.

Мерапрыемства пройдзе ў 2 этапы. На першую частку запрашаюцца сябры АВВА.

У праграме:

▫️Выступы ваяводы, маршалка і прэзідэнта горада Уроцлаў.
▫️Выступы прадстаўнікоў Нацыянальнай гандлёва-прамысловай палаты (Krajowa Izba Gospodarcza) і Ніжнесілезскай гандлёва-прамысловай палаты (Dolnośląska Izba Gospodarcza).

⏰ 13:30 — пачатак рэгістрацыі.
14:00-18:00 — канферэнцыя.
📍Спасылку на рэгістрацыю і дэталі івэнту вы атрымаеце на электронную скрыню.

На другую частку івэнту запрашаем прадстаўнікоў беларускага бізнесу, патрэбная рэгістрацыя.

У праграме:

▫️Падводзім вынікі сустрэчы з мясцовымі ўладамі Уроцлава.
▫️Адукацыйныя магчымасці з падтрымкай АВВА: як беларусам у ЕЗ удзельнічаць у грантавых праграмах (Most+, INSEAD).
▫️Прэзентацыя дзейнасці і бліжэйшых планаў АВВА.
▫️Афіцыйнае адкрыццё прадстаўніцтва АВВА ва Уроцлаве, знаёмства з амбасадарам Асацыяцыі па Уроцлаву.
▫️Пытанні і адказы.
▫️Нэтворкінг.

⏰ 18:00 — пачатак рэгістрацыі.
18:30-20:00 — бізнес-івэнт.
📍Cпасылку на месца сустрэчы вы атрымаеце пасля рэгістрацыі.

Рэгіструйцеся па спасылцы да 5 чэрвеня.

Рэалізуецца пры фінансаванні Еўрапейскага Саюза #EUforBelarus #ЕСдляБеларусі

У гэтую нядзелю адбудзецца паказ фільму Matczyzna (Радзіма) ад нашых беларускіх рэжысёраў (Alexander Mihalkovich, Hanna Badziaka)
Фільм з'яўляецца удзельнікам кінафестывалю Objazdowy Festiwal Filmowy Watch Docs, галоўная тэма якога правы чалавека.
Адкрываць паказ будуць:
- Anna Kowalczyk-Derlęga (Komitet Obrony Demokracji)
- Аліна Коўшык (прадстаўніца Аб’яднанага Пераходнага Кабінета па нацыянальным адраджэнні)
- Анастасія Сасыкбаева (Fundacja Spadczyna Białorusi (SPADČYNA))
- Вольга Паўлава (Каардынатарка шэлтара "Вроцлаў-сіці")
- Яна Шостак (polsko-białoruska aktywistka)
Па заканчэнню прагляда адбудуцца дэбаты, на якія запрашаюцца ўсе ахвотныя беларусы.
«Радзіма» — гэта аповесьць пра пошукі справядлівасьці для ахвяраў «хвалі» ў войску — і адначасова зборны партрэт пакаленьня, якое ўступіла ў дарослае жыцьцё ў пераломны момант беларускай гісторыі. Што павінна адбыцца, каб догма абсалютнай падпарадкаванасці ўладзе, якая перадавалася з пакалення ў пакаленне, канчаткова страціла сваю сілу?
Беларускія рэжысёры стварылі маштабны фільм, які выходзіць далёка за межы Беларусі і аналізуе постсавецкае грамадства з непапулярнага пункту гледжання - маладзёжнага. У ім праліваецца святло на "культуру" гвалту і жорсткага стаўлення ў беларускіх узброеных сілах.
Стужка "Радзіма" атрымала галоўны прыз кінафестывалю CPH:DOX (Капенгаген, 24 сакавіка 2023 года).
‼️Уваход вольны, але - УВАГА - неабходная рэгістрацыя!‼️
Запрашаем сачыць за падзеяй.👇🏻
https://www.watchdocs.pl/festiwal-objazdowy
🕔 Калі: 20:00 - 02.06.2024
📌 Дзе: Kino Nowe Horyzonty (Kazimierza Wielkiego 19a/21, 50-077 Wrocław)
🕝 Працягласць фільма: 92'

Бясплатныя квіткі можна атрымаць у касе кінатэатру Новыя Гарызонты

🎶 Сяржук Доўгушаў і мужчынскі гурт "Касары" ва Уроцлаве

У пятніцу, 31 траўня, ва Уроцлаве адбудзецца выступ мужчынскага гурта "Касары" і Сержука Доўгушава.

Будуць вам ваярскія, лірычныя, валачобныя і лірніцкія песні.

Уваход - free donation.

📆 Дата: 31 траўня
⏰ Час: 19.00 (час мясцовы)
📍Месца: Plac Macieja 5a, Уроцлаў

📼 Сябры, наш жывы эфір па разборы Статута Суполкі пачнецца ужо менш чым праз 30 хвілін! Далучайцеся, каб разабрацца з нашым самым галоўным унутраным дакументам.

Нагадваем, кожны з вас можа бяспечна праглядаць гэты стрым, бо ў такім фармаце не адлюстроўвацца спіс гледачоў, толькі іх колькасць.

Вашы каментары, пытанні і заўвагі пакідайце пад гэтым пастом👇

*⏺ *Пачаліся выбары ў Каардынацыйную Раду 3-га склікання

Як прагаласаваць?

1. Праз вэб-версію: https://storage.googleapis.com/nbvoting/index.html

2. Праз мабільны дадатак Belarus ID (спампаваць можна па спасылцы).
   Інструкцыя, як галасаваць.

Выбары ў Каардынацыйную раду 3-га склікання праходзяць з 25 па 27 мая.@CabinetBelarus

Віншуем усіх з днём Волі і запрашаем далучыцца да маршу з нагоды Дня Волі сёння а 18:00 ад Plac Wolności (NFM) до Pręgierz .
https://t.me/belarusy_wroclawa/572
Жыве Беларусь!