-نهاركم سعيد ?❤️

-من بدري بنسمع مقولة " مافي مستحيل تحت الشمس " وفعلآ اي حاجة تحت الشمس دي انت قادر تصل ليها ، حياتك الصعبة والظروف المعقدة ما هي الا امتحان .

-نحن محتاجين نكون واثقين من نفسنا إننا قادرين نصل مهما كانت العثرات في طريقنا ، ثقتك بنفسك وإنك ما هتنهزم كفيلة تخليك تصنع المعجزات وتقدر .

-مافي طريق نجاح صعب بالعكس كل طريق لازم تلقاك فيه عقبات والا انت ماشي في الطريق الغلط وما هتصل لي حاجة ترضيك .

في أخر المطاف :

أحلامك وأمنياتك خلي حدها السماء ، ومافي حاجة أحلي من إن الحلم يبقي حقيقة وإنك تنتصر رغم الظروف المحيطة بيك ❤️

#اللهم_قوة

طولنا بس ان شاء الله كويسين ❤️

خايف أجيك تقولي بحبك
هتفضل الاغنية المفضلة لقلبي دايما وابدا من دون اغاني معتز صباحي كانت هي اللي دايما بتخليني في عالم تاني
في الاغنية دي هو خايف من انه هي تجي وتكشف مشاعره اللي مخبيها عنها وكميه الحب اللي في قلبه عشانها
كلنا عندنا اللي بنخاف من انه يكشف مشاعرنا اتجاهو وبنحاول نداريها منه بس في الاخر بتطلع وبتلاشي كل الخوف ده
ما تخلو الخوف يسيطر عليكم انتو ومشاعركم اتوكلو وعبرو
في عباره بتقول ماذا اذا متنا قبل قول كل شي ..ماذا اذا مات من نريد ان نقول لهم كل شي؟
ابعدو الخوف عنكم ?

-انت ما محتاج تبهر زول بي تفاصيلك أو حتي إنك تحاول ، البحبك هيكون مبهور بيك وانت علي طبيعتك من غير تصنع أو تكلُف ، هيشوف فيك حاجات صعب علي اي زول يشوفها بس يكون شاريك ?❤️

-رمضان قرب وفي حاجات إتغيرت وحاجات لسه زي ما هي ، في ناس جديده دخلت حياتي و دا هيكون اول رمضان معاهم ان شاء الله والعُشرة معاهم بقت بالمواقف ما بالسنين .

-و في ناس معاي كل رمضان و حنفضل مكملين مع بعض للابد يعني سواء الظروف شغلتنا عن بعض أو لأ مكانتهم ثابته لا غيرتها السنين ولا الظروف .

-و في ناس تانيه علاقتنا معاهم شبه انقطعت او بمعني فعلا إنقطعت بس مكملين عادي عبارة عن جهات إتصال بس في التلفونات.

في اخر المطاف :

كل مرة مقولة العُشرة بالمواقف ما بالسنين بتثبت لي إنها حقيقة ما مقولة والسلام ، فاللهم بلغنا رمضان لا فاقدين ولا مفقودين ?❤️

-كتب الشاعر الكبير صلاح العمرابي للفنان القامة مصطفي مضوي وحدة من أجمل من الأغاني السودانية و قال :

ودعت هواك بلا حزنٍ وغداً انساكي فتنسيني

-بكل كمية الحُب الكان بينا وبالرغم من القساوة انا هنساك .

لم يبقى فيه بذاكرتي حلم او طيف يشقيني لا كلمة شعر اكتبها لا لحن بعدك يشجيني

-ما فضل حاجة أتذكرك بيها او الأحلام الكانت بتزورني وانا معك ترجعني ليك تاني ، كمية الأشعار الكانت بتخلي قلبي متعلق بيك كلها أصبحت مجرد زيييف .

يا من اهديت لها عمري ماذا بيديك لتهديني !

-أنا ما إستخسرت فيك حاجة ما قدمتها عشان بس أفوز بي حُبك ، حتي عمري كان ملكك بس انتِ عندك ما استخسرتيه فيني !

ماعدت اصدق تضحيةً او انسى انك خنتيني .

قال ليها انا مصدق كل تضحية في يوم قلتي إنك ممكن تقدميها عشان علاقتنا ، ما كنت متوقع الطعنة في الظهر ممكن تجي من اقرب قريب لي .

وعيونك تبكي كاذبةً حباً بعتيه وبعتيني

-يوم كنت شايف في عيونك دموعك كنت مفتكرها عشاني بس للاسف كنتي بتبكي ع نفسك ، وبعتي حُبي ومعاها أنا .

اتكون دموعك من اجلي ؟ أم تلك دموعي هي تبكي أم وهم ظل يؤرجحني .

-خليتيني أفضل حبيس للشك وللحيرة هل تكون الدموع دي عشاني ! ولا انا عشان حبيتك بالجد ممكن أكون بتوهم في حاجة ما حاصلة ؟!

زمناً في شكي ويقيني كم عشت اصدق اوهاماً أفنت ايامي وسنيني .

-الشك وصل لدرجة أتذكر كل موقف حصل لينا ونحن مع بعض ، هل من بدري أنا عايش ف الأوهام دي وكنت بضيع في ايامي وسنيني مع سراب !

عيناك حسبتهما وطناً لو جئت اليه سيأويني وبريق الكلمة يخدعني
مازال صداها يدعوني .

-كنت شايف عيونك بالنسبة لي وطن ، قادر يحتويني في عز الضيق الممكن أقع فيه ، ما كنت فاكر إن الكلام الساحر والمعسول عبارة عن أكاذيب ، وانا لسه عايش في وهم .

ظمئت شفتاي ولكني لم اطلب شيئاً تسقيني زيفاً وخداعاً ونفاقاً يكفيني هذا يكفيني .

-أنا ما كنت طالب منك حاجة كتيرة ، كنت طالب الوعد اللي إتقطع يتحقق ، ما كنت مفتكر إن كل دا عبارة عن وهم عايش فيه من طرف واحد ، لكن انا إكتفيت من الوهم العايش فيه .

في أخر المطاف رجع وقال :

يبقى الايمان لمن يأتي يوما بالحب يداويني ?❤️

((عارفين ليه بتمشو وبترجعو لبعض تاني..!
عشان الحب بجي مرة واحدة ولإنسان واحد دفعة واحدة!
بتعرف حاجات كتيرة وبتحس باحاسيس لأول مرة ... بتعرف كيف تغفر وكيف تعافر وكيف تحب..

_أنا حبيتك في لحظة حتى إنتَ ما قدرت تشوف حجم حبي الكبير ليك..
=حبك لي أنا كنت شايفو ومتأكد مليون في المية من حقيقة مشاعرك تجاهي بس أنا اللي كنت ما مقدر الحاجه دي في البداية..
_كنت كل ما أحاول أقرب منك بلقى حاجز المشاكل والعتاب ممتد أكثر وأكثر وأنا تعبت!
=كل إنسان وليهو طاقه وقدرة معينة وأنت حبيتني بكل طاقتك وبزيادة..
_ولمن جاء دورك طاقتي كملت!
=إتأخرت لحتى عرفت قيمة وجودك في حياتي!
_يمكن أنا أصلا ما بستاهلك ولا بستاهل الحب...!
=للمرة الألف بطلي تقولي عن نفسك كلام ما ليهو أي أساس

((ليه بنشوف جمال الحاجات بعد تذبل!!

_أنا خايفة من كل شي!
=أنا فاهم عليك ليه إنتِ خايفه!
وأنا كمان والله خايف يجي يوم وما الاقيك معاي.. عاوز قربك باي طريقه عاوزك معاي..!
برغم اللخبطة والمشاكل الكتيييرة اللي حصلت لينا دي وبس
=أنا قررت أنساك وأحب غيرك بس فشلت!
_حتى أنا فكرت كتييييير أبدا من تاني بس والله في اللحظة اللي بعديها بقول لا وبشوفك إنتِ وبس...
=خليك جمبي!
=ودا البهمني... أكون جمبك وبس تحت أي مسمى...

((في ناس بجبروك تختارهم مرة ومرتين وألف بكل المسميات.. المهم يكونوا جمبك ومعاك في كل خطوة، بتكون ما قادر تتخلى عنهم حتى لو ياهم نفس الأشخاص الجرحوك كذا مرة، بس عشان إنت قلبك ما بينسى لحظات الطمأنينة الحس فيها بوجودهم وبس؛ فلطفا بالقلوب وأكثروا من اللحظات الصادقة لأنها تبقى...!

-على عتبة النهاية..
((وإن إنتهينا..
فمعين العواطف لا ينضب... وتبقى اللحظات الجميلة دافئة وإن كساها ثلج جميع الشتاء..)) ??

#مِنی_عبدالرحمن
#السندريلا ? ?

مساء مّليان بالخير ??

بتذكر قبل كم يوم طرحت عليكم سؤال اللي هو كان كيف بتواجهوا خوفكم من العلاقات ؟

من خلال ردودكم في البوست عرفت إنو الخوف من العلاقات عُقدة نفسية بيمر بيها أغلبنا !

حقيقي وراء كل خذلان بنمر بيهو في شُباك جوه قلبنا بتقفل!

الشباك دا خلوني أسميهو شُباك الأمان، لما يتقفل تلقائياً نحن بنفقد الأمان وبيتكّون جوانا خوف ما طبيعي!

كل الناس الخسرتهم في حياتك، خسارتهم حتكون مؤذية ليك أنت أكتر منهم !

أي هم بيطلعوا من حياتك؛ لكن بيخلوا جواك خوف ما عادي!

-خوف من إنك ترجع تشارك تفاصيلك مع ناس من أول وجديد وتتخذل تاني !

-خوف من إنك تهون مرة تانية وتتساب في نص الطريق بعد كل الأمان الكنت حاسي بيهو !

-خوف من إنك ترجع تحب من أول وجديد وفي آخر المطاف تلقى إنك وهبتّ مشاعرك للإنسان الغلط !

-خوف من إنك تمشي مشاوير طويلة لإنسان ما حاول يمشي عشانك خطوة وحدة !

-خوف من إنك تدخل في علاقة جديدة ما عارف نهايتا حتكون شنو ؟

كل واحد فينا جواهو قصة غيرتو تغيير شديد وخلتو خايف من كل حاجة؛ حتى من أقرب الناس ليهو !

خلتو يبقي متحفظ، خايف يقع في نفس الغلط تاني!
خلتو يضيع فُرص حلوة شديد كانت قدامو ويمكن تكون سبب لي سعادتو !

كل التغيير الشايفنو علينا دا؛ وراهو قصة عظيمة شديد خلتنا نتحطم ألف مرة لكن اهو لسه مُصنددين.

#على_عتبة_النهاية

الخوف الزرعوهو جوانا الناس الحبيناهم حيفضل مغروس في قلوبنا ونعاني منو جوانا للأبد ! ?

برجع أسأل نفسي السؤال دا مية مرة !

(( أنا سميتك نُقطة أمانِّي كيف قدرت تملاني خوف ؟))

#الـزّيـتُّـونـة

#Abeer_Ibrahim

-يا اخوانا كيف بتشيل هم بكره وعندك ربّ اسمو الكريم ، وكيف تشيل هموم وعندك الحق القائل الله أكبر ، ما تخاف طالة ما إيمانك بربنا ، هتمر عليك فرحة يوسف بس ظن بالله خير ❤️❤️