عاوزك تكون متأكد إن الطريقه اللى بتشوفني بيها سواء كانت حلوه او وحشه دى قرارك انت لوحدك اللى اختارت تشوفني بيه
بس حقيقة الامر اللى وجب اني الفت نظرك ليها انه لا انت ولا الطريقه اللى اختارت تشوفني بيها ولا الكون كله بيحمل عندى ذرة اهتمام والله او بيعنيني امرك او امر غيرك فى شئ
انا جاي الدنيا اعيش كام سنه واتبسط بالشكل اللى شايفه يبسطني ويرضيني
ف صباح الفل خد بالك من نفسك وتصبح علي خير وكده

طول عمري بكره المنافسة عن أقتناع شديد مش كسل إطلاقاً ، ولما بشوف حواليا حد بينافسني في شئ بحس بشفقة عليه اللي هو "انت بتسابق مين انا مش بلعب أصلاً" انا لما بسعي احيانا إني اوصل لحاجة بسعي لحد ما احس اني مرتاح مش لحد ما احس اني كسبت اللي حواليا لان انا مش في ماراثون وفي خط نهاية محدد ، انا في الدنيا كدة هفضل أجري في العدم ونفسي يتقطع في منافسه ملهاش وجود غير في دماغي وكل حاجة هتقع مني في الطريق وانا عيني عاللي حواليا وعمري ما هبص لنفسي وخصوصاً أني زي ما قولت احنا مش في ماراثون وبنجري في نفس الظروف ولا نفس الاستاد حتي ، كفاية معافرة في الهوا يا شباب عشان ده مهلك جداً

شوفت شبهك قاعده في الكوشه
قولت هي لا مش هي

البوسة تصرًف حميمي وجميل، بيخطف قلبك ويخلي جسمك وجسم حبيبك بينهم تواصل ووصال، والبوسة الطويلة شويتين بتخلي النبض أسرع بكتير وهرمومات الجسم كلها تتغير وتلاقي فراشات بتطير حوليك ومشاعركوا تزهزه. ❤️

النهاردة يوم البوسة العالمي، فمتنساش تودّ شريكك وتديله بوسة او اتنين

محدش ممكن يفهم وجهة نظري
الشخص اللي لوحده و عايز يحقق طموحاته طول ماهو مع نفسه و دماغه فهو عنده مساحة من الابداع مش طبيعية والله بجد اصل ايه هيضايقك؟
ايه هي وجه المسؤوليات الملقاة عليك غير تجاه حياتك و مستقبلك بدون معوقات بدون مشتتات بدون افكار مختلفة وغيره و ان انت صحتك تمام و اهلك تمام و صحتهم تمام
الباقي كله ف الفاضي

لما محدش يصحيك الصُبح ولا حد يستناك بالليل و لما تحب تعمل اللي أنت عايزه بتعمله، هتسميها ايه وحدة ولا حُرية؟ هُما الاتنين؛ لأن باختصار الوحدة هي ثمن الحُرية استمتع

فكل شيء مهما طال، انتهى، ومهما امتد، انقطع، ومهما بقى، زال في النهاية

فهون عليك لحظات حزنك وشقاءك