Nodirajon, Shoirajon,
tanam qimir etmaydi,
olis-olis vohalardan
tog‘larimni chaqiring,
osmon to‘la havolar
faqat menga yetmaydi.

Nodirajon, Shoirajon
tanam qimir etmaydi,
ko‘zimda bir tomchi yosh,
soylar yuvsa ketmaydi.

Nodirajon, Shoirajon,
tanam qimir etmaydi,
peshonamning sho‘ridan
bino bo‘lgan bu daryo…
osmon to‘la havolar
faqat menga yetmaydi.

Nodirajon, Shoirajon,
tanam qimir etmaydi,
boring, qorli tog‘larga:
bir shoir yotibdi deng,
Xudoning hovlisida…
Osmon to‘la havolar
faqat menga yetmaydi…

Shavkat Rahmon

@dengizgaketamiz

Yiqildingmi?... Ko‘zlaringda
Buncha alam,
Buncha alam!
Ustu boshi chang ko‘rmagan,
Dard ko‘rmagan
Erka bolam!
Shiddatingning shamoliga
Hushing bir zum
Shaydo bo‘ldi...
Sening ravon yo‘llaringda
Bu tosh qaydan
Paydo bo‘ldi?
Yeki aqling ketganmidi,
Endi toshlar
Qolmagan deb?
La’natlading, bolam meni
Yo‘ldan toshni
Olmagan deb...
Erka bolam, kechir meni,
Oqsuyagim,
Muruvvat qil!
Toshli-toshli bu dunyoda
Maysaday xor
Yashadim, bil.
Toshlar bilan kurash tushdim
Kurash bekor
Ketmagandir,
Qolgan bo‘lsa biror zil tosh,
Bolam, kuchim
Yetmagandir...

Usmon Azim@dengizgaketamiz

Juda gʻalati-da nasiba, taqdir,
Tole ham bemavrid kuladi gohi.
Yeyishga goʻsht koʻp-u, tishim yoʻq hozir,
Atala ichgandim tishim bor chogʻi.

Rasul Hamzatov

@dengizgaketamiz

**To’ygunimcha bo’sa olib,
Bahra qo’shay bahringizga...

Oshiq Erkin**

@dengizgaketamiz

So‘ngsiz uzoq xayolga botib,
O‘ylamoqlik men uchun mahol.
Yana xayol suvida qalqib
Telbalardek yurmoqlik na hol.

Sen uchun men yashirdim yolg‘iz
Ajoyib keng o‘tli muhabbat.
Ey, dilrabo, baxtli go‘zal qiz
Ko‘ngil, yurak bizgadir faqat.

Yuragimdan chiqguvchi sazo
Qog‘ozimda tebranib ketdi.
Olmoq bo‘lgan nafasim hatto
Qalbim ichra bo‘linib ketdi.

Kechir meni, kechirgin do‘stim,
Ezma gapga bo‘lding xo‘b xunob.
Oh, eslarsan, eslamoq uchun
Kamlik qilmas senga shu kitob.

Rauf Parfi

?----> @dengizgaketamiz

Bandada qusur bo‘ladi, Xudoyim hammani bir yomon fe’l bilan siylagan. Deydilarki, insonning fe’li qismatini belgilaydi. Fe’l bu – imtihondir, asli.

*? Xurshid Abdurashid: Dardisar*

Bilasan men qayerda bo‘lsam
Yolg‘izlikning poytaxti o‘sha shahardir.

Jamol Surayyo

?----> @dengizgaketamiz