ما عاد تسعدني من أيّامي أيّام
‏وأشياء واجد في عيوني تساوت

على طاري" لأشتهى القلب ساق القدم "
‏يقول الشاعر :
‏لا تقول إن المسافة ماتجيب الغايب
‏البنادم لا أشتهى قلبه مشت رجلينه

"‏لبى حشاشة حشّى من شب في جاشي
واجهش عيونٍ لها في داخلي جهشه

لبيه يا نور مسرايه ومغباشـي
في قلبي ياللي بناب الهجر تنتهشه

لبيه يا صوبن اول رايحه ناشي
ولبى ثمانٍ من الياقوت مبتهشه

من شاف زولك ولو مره على الماشي
مالومه ان طاح مقتولٍ من الدهُشه".

ويمضي في قصيدته وصولاً الى:.
"روشن هيا..له فرجتينٍ شمالا
وبابٍ على لقبله،وبابٍ على الشرق

مبسم"هُيا"له بالظلام اشتعالا
بين البروق..وبين مبسم هيا فرق

برقٍ تلالا..بأمر عز الجلالا
وأثره جبين صويحبي..واحسبه برق

يا شبه صفرا،طار عنها الجلالا
طويلة السمحوق تنزح عن الدرق

له ريق..أحلى من حليب الجزالا
وأحلى من السكر..إلى جاء من الشرق

حنيت إنا،حنة هزيل الجمالا
ينقض ردي الخيل..قد حسه الفرق

ويا قلته في عاليات الجبالا
ماها قراح..مير من دونها غرق

ماعاد للصبيان..فيها احتمالا
من كود مرقاها يديهم غدن طرق

قالوا تتوب من الهوى قلت لا لا
إلا إن تتوب،ارماح علوى عن الزرق

قالوا تتوب من الهوى،قلت لا لا
إلا إن يتوبون،الحناشل عن السرق

قالوا تتوب من الهوى،قلت لا لا
إلا إن تتوب الشمس..عن مطلع الشرق".

فانشد محسن الهزاني قائلا:ٍ.
"قالوا كذا مبسم هيا،قلت لا لا
بين البروق وبين مبسم هيا فرق

ويالله،بنوٍ مدلهم الخيالا
طافح ربابه..مثل شرد المها الزرق

لا جا على البكرين بنا الحلالا
ولاعاد لا يفصل..رعدها عن البرق

يسقي غروسٍ،عقب ماهي همالا
وحط الحريق ديار الاجواد،له طرق

يسقي نعامٍ..ثم يملا الهيالا
ويصبح حمامه ساجعٍ يلعب الورق

جريت إنا صوت الهوى،باحتمالا
في وسط بستانٍ..سقاه أربع فرق"..

وهرب وكان رفاقه قد افتقدوه،ولما أتاهم حاولوا يعرفون منه أين هو طول هذه ألمده لكنه لم يجيبهم وكان احدهم ذكيا ولما لمح البرق قال هذا البرق يشبه مبسم"هيٌا"..

يا سلّابة حشاي الحب فيه من الجنون فصول
‏جمالك كعبة متيم هواك ، و قبلة أشعاره

‏يميزك الدلع عن كل هيفاء عودها مفتول
‏لقاك المشهد اللي . . ما تمل العين تكراره

‏كحيلة طرف ، عاجية ترايب ، فاحمة مجدول
‏مزّينك الترف ما زيّنك . . خلخال ، و سوارة

لا تشك في حبي ولا تقلّ ماجوبي
و انا عليّ نذر يا حبك ما اشكك به

لو اعذلوني و حطوا بك و حطوبي
غلاك فالقلب ماشيءٍ تحرك به

مادمت محبوبك ومادمت محبوبي
مصيرنا غيرنا محدٍ يشارك به

لو قالوا الناس عيب انت اجمل عيوبي
يا حلو عيبي ليامن صار وصلك به

لو قالوا تتوب .. لا والله ما اتوبي
مؤمن بحبك و هرج الناس مشرك به

صرت اقرب لخافقي من جسمي وثوبي
في كل يومٍ اجدد فيه حبك به .

ماقالوا الأولين:«اللييّ ودّه والله إن الكون كله مايقدر يرده» من عبث هذي حقيقة وخالد الفيصل يقول:

‏ لا تقول ان الليالي فرقتنا
‏لا تقول ظروفنا عيّت علينا
‏
‏الليالي يوم ودك جمعتنا
‏يوم ودك كل شيٍ في يدينا.

"لولّا عيون اللي،ليْا منه نَعَس
أركى هَدب عينه على قلبيّ..ونام

خرسٍ مظاليله تقلْ صفه حَرس
لا سلّهم لي تقل يضرب سلام".