حسن طالب الماجدي
لطلب الالحان
@h_talib_94
للتواصل @Gggslbot
مرحبا بكم في قناة مسلسلات نتفليكس الاصلية✅
نقوم في نشر اكثر من مسلسل في اليوم
للاعلانات @PpFFBOT
قناتنا الاخرى للافلام? @Qaflam
لطلب المسلسلات✅ @netflix239bot
القناة الرسمية لمسلسل أبو العروسة الموسم الثالث علي تيليجرام?
- بوت تحميل من الأنستا ومن جميع مواقع التواصل الإجتماعي: ✅ .
- بوت التحميل من التيك توك: @EEEBOT
بوت التحميل من الأنستا: @xxzbot
- بوت التحميل من اليوتيوب: @EMEBOT
- ? ? .
- للتمويل: @NNEEN
الوحدي ضليت وأتاني
بويه أرجع واعداني
لملمت روحي وبقيت انه انتظرهم
بعيني ترجع ذكرياته
حسين ابوي وكل بناته
ما انام الليل اكلب كل صورهم
محد اليسئل عليه
ماكو حل انه شبديه
اهلي عافوني وبعد طول سفرهم
راح اموت من القهر
عاشرت بس السهر
وحدي ضليت والوجن
وانه احس كلبي انفطر
حيلي ذاب وزايد اعليه المرض
الوحدي اضلن واجب اعليه انفرض
محد اليوصل يدك بابي ويكول
وحشه ليلي وطولك اكبالي انعرض
=============
حضر النوك ومتاعه
جهزت قبله انه ساعه
مو عليله واكدر امشي ويه الضعن
اوصل الناكه واردن
من شفت عماتي صعدن
روحي تطلع لو اشوفنهن مشن
صعد اسكينه ورقيه
وثكلت اهدوم العليه
خدودي فجئه من البواجي صوفرن
عيني ويه عينه التقت
وعمتي عالناكه بجت
وصار الموادع دمع
يمشي خطوه ولتفت
بويه مو مالت بواجي و نفترك
يالحنين الفركه صارت من صدك
بنظره جنه ايكلي بويه إتحملي
جن شته ويبس اوراق العشك
===============
أفراك ابوي العذباني
وحدي خلاني ونساني
زغيره مو مالت بواجي ولا هجر
شيبت وخيالي شبيب
بزغري اوظهري انه حدب
امشي خطوه وخطوه بيها انه انهطر
مضلم البيت وجداره
خالي من اهل الغياره
وين اروحن لو أفز انه الفجر
محد الباقي الي
لا ابوي ولا هلي
وشل بعيني الدمع
وليلي اخلصه بيا علي
احلم بشبكة ابوي من ارد انام
لكن ابصدره صبح شابك سهام
وعمتي ع الناكه ومشت ذاك السبي
فرهدو كلشي من أديها من الخيام
================
ردت اضعون الهواشم
محد المن عنده سالم
بس اجت عمتج وحيده وهم سبيه
عمه جا عبدالله وينه
مارجع لارض المدينه
جا كبر هسه واشبكنه ابأديه
عمه حركوهن خيمنه
عمه ذبحو كل زلمنه
وانه محتاره وشمر يضرب عليه
عمه وبكلبي جرح
راس ابوج اعله الرمح
نمشي وبطول الدرب
ننشتم وكت الصبح
عمه ماتو كل هلج وانه سبيه
وماتت بارض الغرب اختج رقيه
محد الباقي ورجع من اهلي سالم
عفت ابوج اعله الثرى جثه رميه
============
حسن طالب الماجدي
الله خالق بالشبه كل اربعين
وانت ما خالق مثلها عيونك
يا جمالك فاق كل اهل الجمال
وبمحمد جدك ايشبهونك
علي علي يا جمال أوصافه
علي علي خضره فوك اجتافه
علي علي مات كلمن شافه
الليله هوسوله وصفكوله هذا اول ولد
امه لهفانه وفرحان يا طير السعد
عمه كلاله وسواله بالرايه المهد
&&&&&&&&&&&&&
ابوفاضل يبتسم لحسين اخو
خويه ابنك شذر در و صافي
بيوم يدخل للحرب وقت النزال
وانه اشوفن جتفه يم اجتافي
علي علي ابو فاضل راده
علي علي صاح بيها وناده
علي علي ذلها روس القاده
بشدة الثامه وحزامه يكلبها الحرب
غيره بعيونه يعرفونه غاضب من يطب
عمه يدعيله ودخيله يتكابل صعب
&&&&&&&&&&&
زلم تلبد بالحرب وكت النزال
علي الاكبر ما يدنك راسه
لو نسولف بالمراجل نبدي بيك
علي بزغره طالع العباسه
علي علي قاده حدر اجدامه
علي علي ما يدنك الهامه
علي علي يا حلاته الثامه
طب لعب جوله يسجدوله خصمه بكل عزم
علي من انفاسه ومن راسه دخان ونشم
سرج لكحيله وكل حيله يضل يردم ردم
&&&&&&&&&&&&&
شد رسنها وبرز للحومه ابن ابو
آخو أخيته الكابله بالحومه
كمر وجهك والشمس رادت ضواك
يشرق اعله الكون حلوه ارسومه
علي علي اسمه ضل العالي
علي علي غالي وابن الغالي
علي علي خده نور ايلالي
كمر وجناته وكعداته بالخيمه عطر
واهب اسنينه لحسينه كل عمره نذر
غضب سطراته وصولاته جن ساعة صفر
&&&&&&&&&&&&&&
حسن طالب الماجدي
من حقي ارد اسولف وارفع الراس
خادم بين اهلي وخادم العباس
مولود الكمر فرحانه كل الناس
اطش جكليت بيدي وايد اطش الياس
(( ويه الرايه روحي انه اترف ويه الرايه ))
ودعيتج ....
بآخر ايام الزياره
ودعيتج ....
وعيني ضلت عالمناره
الله وياج الهجر اذاني
وهسه اتمنى واردلج ثاني
ودعيتج ….. ودعيتج _______من سمعنه عن مقامج طاح كلبي من الصدر
هاي هيه يعني أكولن راحت احلام العمر
جمر كلبي بهذا وضعج هسه شيطفي الجمر
ليش بس اعله العقيله هيه لازم تنقهر
واندعيلج .... انتي ضليتي وحيده
واندعيلج .... نوصلج هذا النريده
عيوني بعيون الله صارت آني
الله وياج الهجر أذاني
ودعيتج …… ودعيتج _________
شغف بالروح اعله گبتج كلبي كلش منصدع
بليله ظلمه وناس صنطه وصوت وني مرتفع
ما أهيدن لبجي عيني. لو خلص مني الدمع
هاي زينب ام اخوها تعيش كل هذا الوضع
وينه لحسين .... صوت اختك من تصيح
وينه لحسين .... ردت أتكوم و تطيح
كلب اختك تدري بيه شيعاني
الله وياج الهجر أذاني
ودعيتج ….. ودعيتج _______________هندس الليل وانتي حرمه فوك صحنج بس نجم
و ألي مثلج يل عقيله . الدنيا من عدها اشتلم
أحلم أهواي و أبني آمال ومني يتبده الحلم
الشام غربه عل وحيده وتثلم ابكلبج ثلم
ذكرياتج .... من يمرن أنعصر
ذكرياتج .... وزعتها بكل فجر
ريت ازورج هسه ويه اخواني
الله وياج الهجر أذاني
ودعيتج ….. ودعيتج ______________ أسئل الروح ها يروحي شوف حالي أو وغربتج
ليلي الأضلم يبجي نجمات. ناح يمه الحالتج
ون يكلبي الشام اذكر ما يحن الشوفتج
أنعمت عيني وانه أفكر مَن يشيع اجنازتج
اه يزينب .... عازتج عازة ترة
اه يزينب .... اعليج روحي مناطرة
ردتك تحضريني وي دفاني
الله وياج الهجر أذاني
ودعيتج …. ودعيتج
_____________
كون انام بفي ضريحج وضلج يصير الحضن
يسمع اسمج وانه ألهج و لهفه بيه للصحن
وين أروحن دنيا غابه بغربة ضيعت الوطن
كل رجائي بعد عينج كبر, تابوت , وچفن
اليفارك .... يعيش دنياه بعذاب
اليفارك .... يريحه بس هذا التراب
يهيد شوكي و تطفة نار أحزاني
الله وياج الهجر أذاني
ودعيتج …… ودعيتج ___________حسن طالب الماجدي
( سورة العباس )
نفتح مصحف الطف سورة العباس
بسم الله شيال العلم من هد
شمس ضمت وجهه ابغيم لاتنشاف
اوگشط جلد السمه منالخوف صاراسود
زلمتهم تملطخ بلدمه منالخوف
ذب روحه ابجثث لموات وتمدد
مولاي ابو فاضل .. سر الحياة ابجودك
مولاي ابو فاضل .. والقاده ذلها ابزودك
مولاي ابو فاضل : منهو الوصل لحدودك
@@@@@@
غبار الطف صعد طم وجهه العيون
غص الكون بلدم نفسه ماتصعد
بركان و تفجر يا نهر يطفيه
البراسه شمس شتضن علي يبرد
صبح ناعور سيفه ايبدي دم إركاب
الطف كد ما شرب دم الركب ورد
مولاي ابو فاضل .. منه الشجاعه اتعلم
مولاي ابو فاضل .. سيفه ابركبها اتثلم
مولاي ابو فاضل .. يمه الكرب يتثعلم
@@@@@@
ما رد بزلم ينعد بالف خیال
جا عباس كلي ابجم الف ینعد
وتنسد الشريعه وهو راید ماي
قیاس ال لامحال اعله الكمر ينرد
اخو زينب وحید و حوط الجیمات
وعلى خشوم الزلم مرتین راح اورد
مولاي ابو فاضل .. جر الفرات و مايه
مولاي ابو فاضل .. محله بيمينه الرايه
مولاي ابو فاضل .. سوه ابزلمها اسوايه
@@@@@@
من روس الزلم سوه المهرته اوسام
وصاح ابکل عزم هم بعد ضل احد
صدق رب العظیم ابخلقت العباس
چفین الكمر للخوه دگن حد
منو مثله الخواته امضحي زند وعين
والتاريخ للعباس يتمجد
مولاي ابو فاضل .. من زغره رافع هامه
مولاي ابو فاضل .. فنه الوكف كدامه
مولاي ابو فاضل .. والقاده حدر اجدامه
@@@@@@
حسن طالب الماجدي
مقطع من قصيدة الاصحاب
على لسان حال الاصحاب
(بدویه )
حنه اهل ديوان واتفوح الادلال
حب الكرم والجود في دمنه مديوف
طور الرباب ابليل والشعري اشكال
واليجلس فينا لو عمه ايشوف
تضرب بنا الامثال و وجوه الابطال
مانجزع امن الويد منهاب السيوف
مانعطي حنه اشيوخ لو ميت رجال
نرگه ظهور الخیل وانوازي الاحتوف
نفد وطنه ابزود فدمي والمال
ونرد عدوانه ابليل في كفنه ملفوف
(( رسالة رجاء )) إلى مولاي أمير المؤمنين
عليل وتارس أعيوني الصبخ مامرني یوم اخضر
الدرب كارهني گدما جدمي یتعثر
ينور الله
تفطر حيلي هاي اسنین ما ضايكلي گطرة نور
اطیر ابیا سمه وارتاح
تدري الطیر لو ما عنده ريش اهواي ماله اجناح
مو عریان
بس ابعازت قميص البسه اعیون
تدري ابطبع المرایه تقدس وجه الیشوفون
وانا امرايتي امشیب عمرهه اتراب
ولهذا اليوم ما طلگت وجه فرحان
عاجر تبقه المرایه اذا تزوج العمیان
عاينلي يوجّه الخير عاينلي
صدگ ذبلان بس انشاف
جل الیل بیه وضیعت لوني
قبل حراس الیفتشون ارید اتفتش أعيوني
اجیت ابحسرة ام مسجون
اذب روحي اعله شباجك
وأفرغ كل حجي البيه
کض ايدي
الاعمه امن ایگوده چف سجان روحه اتغني حریه
ارید ابچف منارتكم تناوش حاجتي ال الله
عرفتك ل الله اگرب من کلیم الله
عرفتك تنتجي اعله الجنه من اتمیل
عرفتك بينك وبین الله شبخت ریل
اشکثر ما جنتو متكربين ماحل جنحه جبرائیل
یامن لو شفت عطشان كصتك تنضح الکوثر
یامن لو شفت مسکین عایز عید من عينك یطیح اهلال
اعله كد ليلي اریدن چسوه من شمسك صبح تفصال
ينور الله
التفت لضماي
زرع الدیم يضحك عافیه امن اتلوحه لفتت ماي
حسن طالب الماجدي
السلام على خدام الحسين ع
ارجو منكم ان تدعوا لي بالصحه
امر بحاله صحيه صعبه جدا
وربي يحفظكم ويوفقكم
باساك جدي اعله النحر ••• وبمتني ما باساني
جنه مثل خيط وشمع •••• واحد يكمل الثاني
مدفونه وحدي بنص غرب •••• وبعيده عن اخواني
بعيني طفه كل الضوء •••• من الكمر خلاني
محتاره صارت حالتي
المن اروح من اخوتي
لوليدي اصد بدمعتي ••••• يا خويه يحسين
=============•
مسلوب و السالب سوه •••• بنفس الارض ما ترهم
اعثر يخويه من الشتم •••• والباب صاير اضلم
اتمنيت موتي بكربلاء. ••••• اهواي احس بيه ارحم
يا مرهم ايوكف الجرح ••••• واخواني جانت مرهم
خلوني وحدي بلايه اهل
والشام صايرلي حبل
ودموم من عيني نزل ••••• يا خويه يحسين
=============•
الماتت وحيده بلايه اهل •••• بطرك الدمع تتحير
سئلوني ناس اعله اخوتي ••• وانه بقيت اتحسر
بس طرف واحد منها رد •••• عركتنه صارت بالبر
مرتاحه من يلفي الآجل ••••• هيج انه كمت اتصور
ما ضلي حيل ولا راي
يا ماي وتعطش الماي
تعبانه و مشيبه اهواي •••• يا خويه يحسين
=============•
جدمي تعب من المشي •••• و السانـي يابس صلب
ينحب عليكم ردته بس •••• يا صوت حتى انه انحب
القوس يا خويه عدل ••••• ضهري انه أشوفه اتحدب
يا ناس هم صار وجرى •••• بنت الهواشم تنسـب
غيرت ارسومي كربلاء
وتيتمت هل عايله
صاحو علينه لا هله ٠٠٠٠ يا خويه يحسين
=============•
حسن طالب الماجدي
بين الخيل طايح و الرمل حار
جسم ابني ترف ما يحمل شصار
ولا واحد بقه ويعين الحسين
سهمك بالكلب جن شبت النار
ما تعينوني …. كمت اعثر واصيحن
@@@@@@@@@@@
تعنيت المجانك بالدرب اعثر
ما اكدر اشيلك يبني ما اكدر
اهواي اجروح عنده منين المه
من كل صوب جسمك شفته متوذر
من عمت عيني … امكطع وصله وصله
@@@@@@@@@@@@
يلوج من الوجع و العطش ياحيره
ذابل جنه ورده وراسه الي يديره
منين الماي اجيبه محاوطينه الكوم
طايح عالنهر عباس ابو الغيره
الساني بلسانه …. وصاير جنه خشبه
@@@@@@@@@@@
اروحن وين يبني والدرب هيمه
ماتو كل زلمنه البيهم الشيمه
امك والحرم صلت عليك تنومح
ما اكدر أجيبك يبني للخيمه
ضايع بهيمه …. جسمه من الحوافر
@@@@@@@@@@@
حسن طالب الماجدي
للتواصل @Gggslbot
مرحبا بكم في قناة مسلسلات نتفليكس الاصلية✅
نقوم في نشر اكثر من مسلسل في اليوم
للاعلانات @PpFFBOT
قناتنا الاخرى للافلام? @Qaflam
لطلب المسلسلات✅ @netflix239bot
القناة الرسمية لمسلسل أبو العروسة الموسم الثالث علي تيليجرام?
- بوت تحميل من الأنستا ومن جميع مواقع التواصل الإجتماعي: ✅ .
- بوت التحميل من التيك توك: @EEEBOT
بوت التحميل من الأنستا: @xxzbot
- بوت التحميل من اليوتيوب: @EMEBOT
- ? ? .
- للتمويل: @NNEEN