حسن طالب الماجدي
لطلب الالحان
@h_talib_94
للتواصل @Gggslbot
مرحبا بكم في قناة مسلسلات نتفليكس الاصلية✅
نقوم في نشر اكثر من مسلسل في اليوم
للاعلانات @PpFFBOT
قناتنا الاخرى للافلام? @Qaflam
لطلب المسلسلات✅ @netflix239bot
القناة الرسمية لمسلسل أبو العروسة الموسم الثالث علي تيليجرام?
- بوت تحميل من الأنستا ومن جميع مواقع التواصل الإجتماعي: ✅ .
- بوت التحميل من التيك توك: @EEEBOT
بوت التحميل من الأنستا: @xxzbot
- بوت التحميل من اليوتيوب: @EMEBOT
- ? ? .
- للتمويل: @NNEEN
( سورة العباس )
نفتح مصحف الطف سورة العباس
بسم الله شيال العلم من هد
شمس ضمت وجهه ابغيم لاتنشاف
اوگشط جلد السمه منالخوف صاراسود
زلمتهم تملطخ بلدمه منالخوف
ذب روحه ابجثث لموات وتمدد
مولاي ابو فاضل .. سر الحياة ابجودك
مولاي ابو فاضل .. والقاده ذلها ابزودك
مولاي ابو فاضل : منهو الوصل لحدودك
@@@@@@
غبار الطف صعد طم وجهه العيون
غص الكون بلدم نفسه ماتصعد
بركان و تفجر يا نهر يطفيه
البراسه شمس شتضن علي يبرد
صبح ناعور سيفه ايبدي دم إركاب
الطف كد ما شرب دم الركب ورد
مولاي ابو فاضل .. منه الشجاعه اتعلم
مولاي ابو فاضل .. سيفه ابركبها اتثلم
مولاي ابو فاضل .. يمه الكرب يتثعلم
@@@@@@
ما رد بزلم ينعد بالف خیال
جا عباس كلي ابجم الف ینعد
وتنسد الشريعه وهو راید ماي
قیاس ال لامحال اعله الكمر ينرد
اخو زينب وحید و حوط الجیمات
وعلى خشوم الزلم مرتین راح اورد
مولاي ابو فاضل .. جر الفرات و مايه
مولاي ابو فاضل .. محله بيمينه الرايه
مولاي ابو فاضل .. سوه ابزلمها اسوايه
@@@@@@
من روس الزلم سوه المهرته اوسام
وصاح ابکل عزم هم بعد ضل احد
صدق رب العظیم ابخلقت العباس
چفین الكمر للخوه دگن حد
منو مثله الخواته امضحي زند وعين
والتاريخ للعباس يتمجد
مولاي ابو فاضل .. من زغره رافع هامه
مولاي ابو فاضل .. فنه الوكف كدامه
مولاي ابو فاضل .. والقاده حدر اجدامه
@@@@@@
حسن طالب الماجدي
مقطع من قصيدة الاصحاب
على لسان حال الاصحاب
(بدویه )
حنه اهل ديوان واتفوح الادلال
حب الكرم والجود في دمنه مديوف
طور الرباب ابليل والشعري اشكال
واليجلس فينا لو عمه ايشوف
تضرب بنا الامثال و وجوه الابطال
مانجزع امن الويد منهاب السيوف
مانعطي حنه اشيوخ لو ميت رجال
نرگه ظهور الخیل وانوازي الاحتوف
نفد وطنه ابزود فدمي والمال
ونرد عدوانه ابليل في كفنه ملفوف
(( رسالة رجاء )) إلى مولاي أمير المؤمنين
عليل وتارس أعيوني الصبخ مامرني یوم اخضر
الدرب كارهني گدما جدمي یتعثر
ينور الله
تفطر حيلي هاي اسنین ما ضايكلي گطرة نور
اطیر ابیا سمه وارتاح
تدري الطیر لو ما عنده ريش اهواي ماله اجناح
مو عریان
بس ابعازت قميص البسه اعیون
تدري ابطبع المرایه تقدس وجه الیشوفون
وانا امرايتي امشیب عمرهه اتراب
ولهذا اليوم ما طلگت وجه فرحان
عاجر تبقه المرایه اذا تزوج العمیان
عاينلي يوجّه الخير عاينلي
صدگ ذبلان بس انشاف
جل الیل بیه وضیعت لوني
قبل حراس الیفتشون ارید اتفتش أعيوني
اجیت ابحسرة ام مسجون
اذب روحي اعله شباجك
وأفرغ كل حجي البيه
کض ايدي
الاعمه امن ایگوده چف سجان روحه اتغني حریه
ارید ابچف منارتكم تناوش حاجتي ال الله
عرفتك ل الله اگرب من کلیم الله
عرفتك تنتجي اعله الجنه من اتمیل
عرفتك بينك وبین الله شبخت ریل
اشکثر ما جنتو متكربين ماحل جنحه جبرائیل
یامن لو شفت عطشان كصتك تنضح الکوثر
یامن لو شفت مسکین عایز عید من عينك یطیح اهلال
اعله كد ليلي اریدن چسوه من شمسك صبح تفصال
ينور الله
التفت لضماي
زرع الدیم يضحك عافیه امن اتلوحه لفتت ماي
حسن طالب الماجدي
بين الخيل طايح و الرمل حار
جسم ابني ترف ما يحمل شصار
ولا واحد بقه ويعين الحسين
سهمك بالكلب جن شبت النار
ما تعينوني …. كمت اعثر واصيحن
@@@@@@@@@@@
تعنيت المجانك بالدرب اعثر
ما اكدر اشيلك يبني ما اكدر
اهواي اجروح عنده منين المه
من كل صوب جسمك شفته متوذر
من عمت عيني … امكطع وصله وصله
@@@@@@@@@@@@
يلوج من الوجع و العطش ياحيره
ذابل جنه ورده وراسه الي يديره
منين الماي اجيبه محاوطينه الكوم
طايح عالنهر عباس ابو الغيره
الساني بلسانه …. وصاير جنه خشبه
@@@@@@@@@@@
اروحن وين يبني والدرب هيمه
ماتو كل زلمنه البيهم الشيمه
امك والحرم صلت عليك تنومح
ما اكدر أجيبك يبني للخيمه
ضايع بهيمه …. جسمه من الحوافر
@@@@@@@@@@@
حسن طالب الماجدي
حسين طايح جسمه اموذرينه
وعمج العباس سهم ابعينه
باجر وبعد الضهر …. يحرك اخيام الشمر
حضري روحج لدمع يسكينه
!!!!!!!!!!!!!!!!!!!!!!!!!!!
باجر العباس عمج طايح ابصف النهر
جفوفه يمه امكطعات وراسه بالنص أنطبر
منه رد حسين ابوج المحني مكسور الظهر
كام ويطيح برجعته مدري جم مره انعثر
اعله النهر باقي جريح …. يعثر حسين ويطيح
الرايه طاحت غاد يم جفينه
حضري روحج لدمع يسكينه
!!!!!!!!!!!!!!!!!!!!!!!!!!!!
باجر بزفة الشباب اسيوف ورماح وسهام
جاسم امنور خيمنه عشنه بعده بـ بظلام
باجر تصير الاشاره وصوت ماكو للكلام
النار تجرح باليتامه وكلها محتركه الخيام
باجر أندوس الجمر …. حضري روحج للصبر
النار تجوي و تنجرح رجلينه
حضري روحج لدمع يسكينه
!!!!!!!!!!!!!!!!!!!!!!!!!!!
الطاح فوك الكاع باجر بالحوافر ينسحك
حافر خيول الثكيله يطبكن بصدره طبك
حسين مو مالت حوافر كون يبقه للعشك
يبقه بس اليوم عدنا وعنه باجر نفترك
وكت الموادع صعب …. جسمه ضل اعله ترب
جسمه فوك الكاع ومسلبينه
حضري روحج لدمع يسكينه
!!!!!!!!!!!!!!!!!!!!!!!!!!!!
باجر اعله الكاع طايح جسم ابوج وخنصره
اعله الوجه مكلوب اخيي هيج ذبحو منحره
هاي ما صارت يوادم لا تصير و لا جره
الجانو يغطون شمسي صار بيهم مجزره
شالو الروس برماح …. وانه حيلي كله راح
راسه فوك الرمح وتشوفينه
حضري روحج لدمع يسكينه
!!!!!!!!!!!!!!!!!!!!!!!!!!!
حسن طالب الماجدي
جا وينه عمي الما يجي يروينه
عباس طاح اعله النهر يسكينه
===========
جا وينه عمي خل يشوف الحاله
هجمت علينه بطيحته الخياله
شيخ العشيره وطشروها إدلاله
حركو الخيمه وهددوها اعياله
نار الخيم حركت عبي ورجلينه
عباس طاح اعله النهر يسكينه
============
صوب الكمر نمشي ونشوف شصاير
واعله النهر عمنه وحيد و حاير
يرجع يجيب الماي بس متحاصر
التفو علينه الجيش صارو داير
كلش بعيد يصير عمي اعلينه
عباس طاح اعله النهر يسكينه
============
أطفال تبجي تريد بس واليها
لو ما ترد ياهو اليجي يرويها
محتركه سكنه من الجمر رجليها
فوك الحرك مجتوفه حيل إيديها
يا صوب نمشي اليا كتر حاجينه
عباس طاح اعله النهر يسكينه
============
ياهو اليرد ايتام اخوي الضاعت
هاي التطفي النار ذيج احتارت
والركضت من الخيل ترجف طاحت
والطاحت اعله الكاع شهكت ماتت
صوب النجف ناديت يا ولينه
عباس طاح اعله النهر يسكينه
============
حسن طالب الماجدي
باساك جدي اعله النحر ••• وبمتني ما باساني
جنه مثل خيط وشمع •••• واحد يكمل الثاني
مدفونه وحدي بنص غرب •••• وبعيده عن اخواني
بعيني طفه كل الضوء •••• من الكمر خلاني
محتاره صارت حالتي
المن اروح من اخوتي
لوليدي اصد بدمعتي ••••• يا خويه يحسين
=============•
مسلوب و السالب سوه •••• بنفس الارض ما ترهم
اعثر يخويه من الشتم •••• والباب صاير اضلم
اتمنيت موتي بكربلاء. ••••• اهواي احس بيه ارحم
يا مرهم ايوكف الجرح ••••• واخواني جانت مرهم
خلوني وحدي بلايه اهل
والشام صايرلي حبل
ودموم من عيني نزل ••••• يا خويه يحسين
=============•
الماتت وحيده بلايه اهل •••• بطرك الدمع تتحير
سئلوني ناس اعله اخوتي ••• وانه بقيت اتحسر
بس طرف واحد منها رد •••• عركتنه صارت بالبر
مرتاحه من يلفي الآجل ••••• هيج انه كمت اتصور
ما ضلي حيل ولا راي
يا ماي وتعطش الماي
تعبانه و مشيبه اهواي •••• يا خويه يحسين
=============•
جدمي تعب من المشي •••• و السانـي يابس صلب
ينحب عليكم ردته بس •••• يا صوت حتى انه انحب
القوس يا خويه عدل ••••• ضهري انه أشوفه اتحدب
يا ناس هم صار وجرى •••• بنت الهواشم تنسـب
غيرت ارسومي كربلاء
وتيتمت هل عايله
صاحو علينه لا هله ٠٠٠٠ يا خويه يحسين
=============•
حسن طالب الماجدي
نسوان نسوان
بقت متحيره بين الخيل نسوان
تعاين عل خيم مشتعله نيران
ما نكدر نجيك الحيل خلصان
نسوان نسوان
عطش بعيونهم ما شافته عيون
ولونه بلا رحم ضلو يشتمون
ذبحنه كل هلج كامو يصيحون
نسوان نسوان
نسوان احنه وحيل ماعدنه
اشما ركضنه الخيل تلحكنه
بين العساكر كلها شافتنه
والصوب اهلنه تصير ركضتنه
============•
مذبوح مذبوح
اخوتي اعله الترب مذبوح مذبوح
شي بالحومه شي بالخيمه مطروح
او يم حسين ظل الشوف مشبوح
مذبوح مذبوح
خويه بلا وعي ركض النساوين
وبالحومه الف ذباح يحسين
اشردهم يخويه اعيالك منين
مذبوح مذبوح
مذبوح طايح عل رمل دامي
حرمه وحيده وحركو اخيامي
انه وحسرتي ودمعي و ايتامي
وشما شردنه الجيش كدامي
============•
محتار محتار
بقه بس العليل اوياي محتار
نلم ايتام مدري انطفي بنار
مو هينه نعوفك والرمل حار
محتار محتار
بثمانين طفله ولمة اعيال
مثل شد السبح شدونه بحبال
كلشي تفرهد وبس النفس ضال
محتار محتار
الكطع راسك ما رحم بينه
ذبح الهواشم حيل ياذينه
واكبال عيني ضربو سكينه
ياخويه حار الجمر يجوينه
=============•
بشام بشام
شفنه الظيم كله بطبت الشام
خرابه بيا وكت تحرسنه ظــلام
ضعن ملجوم جرحه شلون يلتام
بشام بشام
دك اطبولهم ما ينحمل حيل
راوتنه الشماته الويل يا ويل
تفز اجروحنه لو جلجل الليل
بشام بشام
بشام صارت كــل هظيمـتنه
اعله راس ابوها تموت طفلتنه
وحده اعله وحده تصير نظرتنه
حيرتنه صارت يـــم عزيزتــنه
==============•
حـــسن طالــب الماجدي
وحشه ليلي •••• شلون اخلصه
واعله صوتك انته تدري عودتني
حكي انوحن •••• تبجي عيني
مـن افز بليل اشوفن خالي حظني
حكَي انوحن يالولد
خالي ظل يمي المهد
وين اشوفنك بعد
وكَلبي يالغالي انمرد
جنت ليلي ييمه بمناغاك اخلصه
وهسه كَام يمر عليه ابألف قصه
^^^^^^^^^^^^^^^^^^^
الماي ولله •••• من اشوفه
قبل لا أشرب دمع عيني اصبه
اتذكر انته •••• متت ظامي
شلـون اتهنه بعد لو ردت اشربه
من اشوف بعيني ماي
يبني ينسد مشتهاي
وجنك تنادي وراي
يمه رويني تعاي
واسرح بعالم خيالي يلعفتني
وجنك اتعاتبني بس ماعاتبتني
^^^^^^^^^^^^^^^^
بكَلبي حسره •••• كون اسألك
وهل سؤال الحيراني اشلون اكتمه
السهم لمن ••••صاب نحرك
هم ذكرت امك يغالي وصحت يمه
ابنحرك امن تصوبت
كَلي يوليدي شكلت
انـه لفراكَـك نحت
ونته يايمه اشصحِت
هم على حظني كَلت أقره السلامه
وراح اعوفن حظنج انه لليتامه
^^^^^^^^^^^^^^^^^
حالك انته •••• وحالي اشرحه
ورده مكَطوعه وغصن يبجي عليهه
ومن طبعهه •••• الورده تنشم
مـو حوافر خيل يبني تدوس بيهه
وفاح عطرك بس الم
وشمك بنحرك سهم
والغصن ظل يندي دم
وحيلي يالغالي انهدم
وانه ادري بالورد يشبع عشك
ليش بس وردي الزرعته ينسحك
^^^^^^^^^^^^^^^^^
و انته ميت ••• راح اوصيك
يبني ودموع الجرت من عيني حمره
ابو اليمه •••• شملي نحره
مـن يـوسدونـك يـغـالـي فـوكَ نـحـره
لوغفيت اعله الصدر
شملي نحره بالكبر
وكَله اتمنه شكثر
وياك ذابحني الدهر
كَله امـي تكول ابد ما لحكيت
ردت اشمنك بنحرك وستحيت
^^^^^^^^^^^^^^^^^^
حسن طالب الماجدي
للتواصل @Gggslbot
مرحبا بكم في قناة مسلسلات نتفليكس الاصلية✅
نقوم في نشر اكثر من مسلسل في اليوم
للاعلانات @PpFFBOT
قناتنا الاخرى للافلام? @Qaflam
لطلب المسلسلات✅ @netflix239bot
القناة الرسمية لمسلسل أبو العروسة الموسم الثالث علي تيليجرام?
- بوت تحميل من الأنستا ومن جميع مواقع التواصل الإجتماعي: ✅ .
- بوت التحميل من التيك توك: @EEEBOT
بوت التحميل من الأنستا: @xxzbot
- بوت التحميل من اليوتيوب: @EMEBOT
- ? ? .
- للتمويل: @NNEEN