**G‘am boshinga rahnalar solib,
Yosh joningni kutadi xatar.
Bu olamda men chetda qolib,
Boshqasiga qarasang agar.

Boshinga it kunin solaman,
Azroildek bo‘lib qolaman,
Ko‘zlaringni o‘yib olaman,
Boshqasiga qarasang agar.

Ko‘rmay sira nur ziyolarni,
Baxtim deysan dard ro‘yolarni,
Tor qilaman keng dunyolarni,
Boshqasiga qarasang agar.

Yo‘q bo‘ladi sen uchun borliq,
Nafas olib olmaysan hordiq,
Qattiq bo‘lar azobing qattiq,
Boshqasiga qarasang agar.

Bo‘lib qolsam bitta o‘zim kam,
Shu hayoting bo‘lar jahannam,
Qutqarolmas oshiqlaring ham,
Boshqasiga qarasang agar.

Hazil deya kulma so‘zimga,
Ko‘rinmaydi hech zoq ko‘zimga,
Javob bermay qolmay o‘zimga,
Boshqasiga qarasang agar.

Sal shubhali nimadur bilay,
Ko‘cha kuyda yoki bir ko‘ray,
Ko‘mamanda yerga tiriklay,
Boshqasiga qarasang agar.

Muallif: Komila Qiz.
03.08.2024.✍**

@Komila_Qiz_7848

**Kecha kunduz yonida bo‘lib,
Orzu ichra armonga to‘lsang.
U deb turib u deya o‘lib,
Keraginga keraksiz bo‘lsang.

Holing so‘rab eshik qoqmasa,
Zulmatingda nurin yoqmasa,
Qiyin taqdir kulib boqmasa,
Keraginga keraksiz bo‘lsang.

To‘lmay sira ishqning daftari,
Tugamaydi afsus pandlari,
Bo‘lmas ekan bundan battari,
Keraginga keraksiz bo‘lsang.

Alam hissi azob berarkan,
Ko‘zlaringa marjon terarkan,
Har nafasda o‘lging kelarkan,
Keraginga keraksiz bo‘lsang.

Bir dardinga topilmay chora,
Qonayverar qalbdagi yara,
Boy ham bo‘lar g‘arib bechora,
Keraginga keraksiz bo‘lsang.

Tor ko‘rinib dunyo ko‘zinga,
Qon yugurmas oppoq yuzinga,
Yoqmaysan hech o‘zing o‘zinga,
Keraginga keraksiz bo‘lsang.

Muallif: Komila Qiz.**

@Komila_Qiz_7848

Premyera
Ijodlariga omad tilaymiz

Rayhona ustozimga?*?*??

Ho‘p yarashar isming o‘zinga,
Hushbo‘y hidli nozik Rayhonim.
Ketmagaysan sira yodimdan,
Seni o‘ylab o‘tar har onim.

Tinch qo‘ymaysan uyqularimda,
Ko‘zim yumsam tushimga kirib.
Ammo o‘ngda xabar olmaysan,
Qo‘ymaysan hech bir nazar qilib.

Hayolimdan ketmaydi bilsang,
Kipriklaring qaro ko‘zlaring.
Qulog‘imda shivirlab turar,
Kulib aytgan har bir so‘zlaring.

Izhor qilib tuyg‘ularimni,
Erishay ayt qanday sevginga.
Seni sevgan o‘zgalar qolib,
O‘zim ega bo‘lay mehringa.

Albat senga erishaman deb,
Ham orzu ham qilganman-ku ahd.
Bu dunyoda bilsang edi sen,
Borligingni o‘zi menga baxt.

Muhabbatim nega ko‘rmaysan,
O‘zimman-ku oshig‘ing sening.
Yuragimni chamanzor qilgan,
Bog‘imdagi Rayhonim mening.

Muallif: Komila Qiz.
13.05.2024.16:48.✍**

@Komila_Qiz_7848

**Yurakda tuyg‘ular g‘alayon qilib,
Bo‘ysunmay qoldi hech tushungin meni.
Kechir xo‘p seni ham o‘zimdek bilib,
O‘lgudek sog‘inib ketyabman seni.

Yolg‘iz bir hudoga ayondir holim,
Uzrlar  so‘rayman kelsa malolim,
Xar onda sen tomon ketib hayolim,
O‘lgudek sog‘inib ketyabman seni.

Sen emas sensizlik meni suyganda,
Shabboda aralash atring tuyganda,
Qucholmay otashin bag‘rim kuyganda,
O‘lgudek sog‘inib ketyabman seni.

Bo‘lyabman devona bo‘lyabman garang,
Uzilay deyabti asablar tarang,
Ipsiz bog‘langandek turibman arang,
O‘lgudek sog‘inib ketyabman seni.

Nega sezmayabsan chekkan bu jabrim,
Nahotki yo‘q bo‘lsa sen uchun qadrim,
Ishongin limmo-mim to‘layapti sabrim,
O‘lgudek sog‘inib ketyabman seni.

Tun-u kun holimga qo‘ymas humoring,
Aqlimni olganda yuzdagi holing,
Xattoki chorlaydi tushda visoling,
O‘lgudek sog‘inib ketyabman seni.

Kerakmas o‘ylamay bo‘ldi deyman bas,
Lek qalbim tubidan keladi bir sas,
Netay yoding ila olyabman nafas,
O‘lgudek sog‘inib ketyabman seni.

Seni o‘ylash malol kelsa ham jonga,
Noming yurak tugul singdi bu qonga,
Bir kuni erk berib qo‘ymay shaytonga,
O‘lgudek sog‘inib ketyabman seni.

©️Muallif: Komila Qiz.✍**

@Komila_Qiz_7848

Yoshlar to‘kib yomg‘irlar osti,
Yo‘qligimdan og‘rinmadingmi...
Sen yaxshini sog‘indim rosti,
Men yomonni sog‘inmadingmi...?
Muallif: Zohid Ziyo.✍**

Shu she'rga javoban yozildi
??????
Sho‘rlik yurak urishdan tolib,
Ich ichimdan juda og‘rindim.
Bilsang qancha yaxshilar qolib,
Sen yomonni juda sog‘indim.

Hamon chorlar meni sarobing,
O‘zimmanku ko‘ngli harobing,
Humor qilar hatto azobing,
Sen yomonni juda sog‘indim.

Tushlarimga aylansa o‘nging,
Bo‘lmasada menda bu ko‘ngling,
Bilinyabti qalbimda o‘rning,
Sen yomonni juda sog‘indim.

Hayolimni band etding sekin,
Bor mehrimni bergandim tekin,
Hech tan olgim kelmaydi lekin,
Sen yomonni juda sog‘indim.

Ko‘rgim kelar goho yuzingni,
Kipriklaring qaro ko‘zingni,
Qumsab aytgan achchiq so‘zingni,
Sen yomonni juda sog‘indim.

O‘zingsanku suyangan kishim,
Boshqa bilan bo‘lmaydi ishim,
Bilsang edi qattiq sevishim,
Sen yomonni juda sog‘indim.

Sen-la meni armon qarshilar,
Alamimni kuylar baxshilar,
Sendek bo‘la olmas yaxshilar,
Sen yomonni juda sog‘indim.

Muallif Komila Qiz.
08.05.2024.22:30.✍**

@Komila_Qiz_7848

? Ketmagin gulim

✍️ Kavsar ( Sardor Samandar o'g'li)

? Mehr

**Nurlarga to‘lib har yon,
Orom olar tanda jon,
Yetkazganiga shukr,
Xush kelding ey Ramazon.

Qishloqda-yu shaharda,
Shayton qolur xatarda,
Eshik qoqib saharda,
Xush kelding ey Ramazon.

Savoblar qilib talab,
Musulmonni saralab,
Nafsimizni kishanlab
Xush kelding ey Ramazon.

Ro‘za emas har kimga.
Asl mo‘min muslimga,
Tinchlik so‘rab yurtimga,
Xush kelding ey Ramazon.

Yilning ulug‘ mehmoni,
Savob amallar koni,
O‘n ikki oy sultoni,
Xush kelding ey Ramazon.

To‘xtatib g‘iybatlarni,
Balo-yu kulfatlarni,
Yog‘dirib rahmatlarni,
Xush kelding ey Ramazon.

Dildan g‘amni o‘chirib,
Arazlarni ko‘chorib,
Gunohlarni kechirib,
Xush kelding ey Ramazon.

Qadr kecha kelganda
Qonlar josh urib tanda,
Sergak bo‘lar har banda,
Xush kelding ey Ramazon.

Muallif: Komila Qiz.
23.03.2023.✍**

@Komila_Qiz_7848