''#ابوذيات بذكرى استشهاد الإمام الحسن العسكري عليه الصلاة والسلام..
.
.#بل_انهار **مو سيل الدمع يجري... بل أنهار
وموش الليل بي انحب... بل انهار
جسم العسكري ناحل... بل إنهار

سبب سم الفتك بيه المسيه
........................#هامات نلطم عالعسكري هاليوم... هامات
ولأرض سامره هالأرواح... هامات
هاا راحل سند الإسلام... هاا.. مات

ابو المهدي و زعيم الجعفريه
.........................#وحنه مهدينه    اعتله    ونه... وحنه
وطبگ ظهره الحزن ويلي.. وحنه
اجه   السامره   هالليله... و حنه

نواسيه بمصابه بهل مسيه
........................#وجاه يبن أهل الفضل والدين... وجاه
شب ناره الحزن بحشاك... وجاه
سهم غدره الزمان اعليك... وجاه

وخطف منك أبوك بهل رزيه
.........................

✍? علي نوري الحلفي**

نعي /  للعسكري ع

   مجرد
                                                       *
   بچينه عليك انــزيــد يلــغالي بچينه
   اجينه نــون ابحسره وبلــوعه اجينه
   ونينه گلبنه يــون على الـغالي ونينه
   حچينه يظل يخنگنه بلعبره حچينه

دمــعنه نصبنالك عزيــه بــكل دمــعنه
   فجعنه الزمان ابطيحتك ظالم فجعنه
   وجعنه مـصابك حــيل تدرينه وجعنه
   طبعــنه صــار الحزن سلوتنه طبعــنه

اليالي علــيك اليــله حــزنــانــه اليالي
   يوالي يتامه النــاس مــن بعدك يوالي
   يغــالــي عفت بينه جـرح ينزف يغالي
   يــلالــي الدمع بعيـون ديرتنه يــلالــي

عاشوري
                                                    ***
   بچينه ادموعنه وصبت عمرنه
   وعــليك ايــنوح يلـغالي گلبنه
   يــومــك نــار ونــحسه جمرنه
   وتون اعليك مفجوعه البريه

البــريــه اعليك مـابطل حزنهه
   ونديه اعيونهه وطافح جفنهه
   تعــال اوســمع الــوادم اونـهه
   على المسموم ونتهه شجيه
*
   ابوحيدر
   الصبيحاوي

**نعي بذكرى أستشهاد الأمام العسكري عليه السلام

على افراشه الولي غربت روحه
وابنه المنتظـــــــر مايمــل نوحه

طاح اعله الأبو بصــدره يشمه
ساعه يحظـــنه ياويلي ويضمه

يقبل جفــــــــــــه وبهيده يلزمه
براضه اوي الأبو خافن يلجمه

ون اعلــــــــــيه والونه حزينه
بح صوته البجي ومن كَد انينه

وشاله وغســــله بجفوف ادينه
يلطم علصــــــدر نوبــه بجبينه

اويلي اعليك يالمـــــامثل يومك
نايم عالثرى امســــلبه اهدومك

نحرك عالرمل يشخب ادمومك
وحافر خيلهم غــــير ارسومك

ابنه العسكري شــيعه وشــــاله
بس حســــــين مــحد تدنـــــاله

هوه اعله الثرى امسلبه اطفاله
حركوله الخـــيم واخذو اعياله

المهدي يم ابـــوه بعـبره ينحب
وشك كَلبه البجي وبجمر يلهب

آخ اعله البقــــى عاري امسلب
ولخيول الأعادي صـــار ملعب

بدموم الجروح اصبح امخضب
وبس يمه دموع الحــــره زينب

أبو علي الركابي**

**نعي
مولاتي زينب ع

چنـت اگـولـن عِـزتـي ورجـواي اخـوي
               بـهـيّـبـتـه امـخيّـم عَلّي هـيـبت عـلـي

راح عــبــاس وراح ويــاه الــدلال
              وهـسـه ياهـو الـگـام ينـظـر مـحـمـلـي

عالخدر يـوم الـمـشـه اقـريـت السلام
              وروحي شـابـت وآنـه اگـلـهـه اتمّحلي

عـگـب ذيـچ الـهـيـبـه عالهـزل مشيت
              هـذا حـالـي امـنـيـن اجـيبـن كـافـلـي

چـلـمـت الـخـوّه گـبـل مـحـلاهـه بـي
                مـن أحَـشـمـه ومـن يـگــول ادلـلـي

دار دولاب الــوگــت بـيّـه وخــذاه
               وخـلـه دمـع العين بجفوني ايـهـلـي

الـچـان طولـه ورايّـتـه اتـفـيـي عَلّي
               اويــن مـارحـوّن يــدگ صــدره ألـي

------------------------------------------------*

✍خادم الحسين ع
الشاعر رعد الجريخي**

**لطميه للامام الباقر ع

حسره حسره عاشت بنص الضلوع
جمره جمره وماتطفيها الدموع

يامصيبه الي شفتها
بزغر سنك شاهدتها
حسره حسره
...............
الك عيني بجت وتسيل دمعتها
تمر ذكرى وتهيج الروح ونتها
روحي جم مصيبه بعيني رسمتها
الك وحده عله وحده اليوم عدتها

جمعت كل المصايب
وحضرت هموم الخرايب

حسره حسره
...........
جني اليوم اشوفك تركض من الخيل
تنادي حسين جدي والدموع تسيل
واشوفن عمتك جلجل عليها اليل
شفت سلب التراجي وصرخت الياويل

دمعه بعيوني جريه
سيدي وجم حسره بيه

حسره حسره
...........
كلت المن اواسي سيدي وانعاك
السمك لو مصاب الهدك واذاك
اريد انعه الطفوف وابجي انه اوياك
يالمجروح عمرك مالكيت ادواك

الك جم ونه بدليلك
اه من كرب رحيلك

حسره حسره
............
كرب يوم الموادع والدمع بالعين
وامصابك يذكر بالغريب حسين
تمر ذكره الطفوف وبالكلب نارين
ياسم السره ويا ذكريات البين

ابجي يالباقر عليها
انه وانته انوح بيها

حسره حسره
............
منصوب الماتم والعزه الفكدك
وانعازي الزجيه والسبط جدك
صرخات وحزن يالسممو جبدك
ياكنز العلم وسفه انحفر الحدك

شيعتك نصبت عزيه
يالمشيت بهل المسيه

حسره حسره

✍أم زينب كربلاء**

**نعي للباقر عليه السلام

اليلة بحزن ياروح وني
ويالتصيح بصوت يبني
يمسموم وناتك كضني

كضني ولا بيه عله الونين
اشوفك تلوج وشابح العين
جنها اليالي تطلب بدين

ييمه عليك هاليلة ونيني
شنهي اليوجعك يابعد عيني
رد ليها ويكلها ناشديني

كعدت لعد راسه وتنشده
وبجفوفها كامت تمده
تشوفه بجه ودمعه عالخده

يوم الكربت منه المنيه
كعدت لعد راسه الزجيه
منين تلوج والدمعه جريه

صد عينه عليها وصاح يمي
شويه تكربي يم حسن يمي
ذكرت الغاضريه وازاد همي

ذاك اليوم ماراح من العيون
عشر خيول بحسينج يسحكون
تحومي عليه وتصرخ ام عون

✍أم زينب كربلاء**

**:
نعي

????
لفقد الأم

???????
الأم
نبع الحنان. وعطر الجنان
وحظن الامان

??????????
شوصفنچ ييمة الجنة انتي
تتکدرالدنيه لومرضتي
تسع تشهر ابطنچ حملتي
الله ايساعدچ يوم الطلگتي
صحتي علي يمة وندبتي
من التعب علوجه طحتي
يشهد اليل اشگد سهرتي

????????
اتنومينه يمة وماتنامين
اتهفيلنه وانت تسهرين
گبل لاننوجع انت تطيحين
يمة لوصحنه اه انت تونين
مثل الهلال النه تنظرين
لونمرض الطيبتنه تنذرين
سهرانه ليلچ ماتهودين
اتشبعينه وانت تجوعين
اتروينه وانت تعطشين
ادفينه وانت ترجفين
المثلچ نجيبه يمه امنين
يلكلچ وفه يم گلب الحنين

?????????
امي صوت العافية ونبض المحنة
ابنص الگلب تجمع شملنه
عگبها بگينه محد النه
لفگدها الگلب ماهاد ونه

?????????
شوصفنچ بحريايمة اكثر
گلبي على افراگچ تحسر
ناح الصخرلونيني وتفطر
تمنيت شخصچ لينه يحضر

?????????

من غاب شخصچ يلحنينة
كل المصايب اجت لينة
ضاع العمر ماحسبينة
الدارچ اجينه وبچينة

????????

وسفة مشيتي وماتردين
مثلچ حنينه انجيبها آمنين
اينام الگلب لمن تلولين
?????????

صوت البلابل صوتها امي
امن انظر وجه ايزول همي
عگبها الحزن والنوح سهمي

????????

هوسة عن الام

امي يارحمة الباري وياعطر من الجنان
يمة ياروحي و حياتي يمها احسن بالامان
يانبع صافي اليروي يانهر من الحنان

ابحبها الطيبة اتغذينه

?????????
بقلم خادمة الحسين عليه السلام
ام زهراء الزيداوية البصراوية?????**

**نعي

{ يقال أن السيدة زينب (ع) لما جن عليها ليل الحادي عشر من المحرم ذهبت الى الامام الحسين (ع) اثناء الطريق عثرت في إحدى الجثث ولما حققت النظر بها إذا بها جثة ولدها عون عند ذلك خاطبت الامام الحسين (ع).. }

مـابين الجثث يحسين ولـيـدي اعثرت يَمـه

وگلتله رايحـه الخالـك ضـل بنومك امـدمـه

خليته واجيت اعليك خويه ودمّعتي اتلالي

انطيته الظـهـر وگفاي وگلتله مـاشيـه الغالي

ماهمني الولد مطروح دليلي الشوفتك هايم

گـوم ونـشّـف عـيـونـي وخـلـه بتربتـه نايـم

عـون وإخْوته يرحون فـدوه النظرة عيونـك

جـاوبني يـبـو السجاد شنهي الغيّره الـلـونـك

چـانّـك تستمع صـوتـي اريـدك تنتهض هسـه

ابنـي الشاهدت جثته يمـك مــا اذكـره انسـه

مـيـهـون الـضـنـه لُـمّـه بــس الاكـثـر  الـخـوه

هيچي الدهـر خلاني وعگبك ســوه مـاسـوه

ابو ذيه
يـريـت اتشوف بـيـه الـدهـر .. شَفته
طـحـت وولـيـدي عـالـتـربـان.. شِفته
گـلـتـلـه حسين فتهه العطش.. شفته
اجــيــتــك والــولــد عـفـتـه رمــيـــه

✍ بقلم خادم الحسين ع
     الشاعر رعد الچريخي**

((نعي الى سيدتي ومولاتي زينب ع ))
           .................................................
خل تگصد بني هاشم والحــيود
نعش بتهم غريب بعازت ازنــود
تـره حزام الاخوه اليوم مريـود
(( ونعش زينب يريد أهل الحمية ... ))
           .................................................
وين اشبال حيدر خل يحظــرون
تره زينب غريبه اوماتت ام عون
هــــاي بلا أهل گامـــوا يصيحون
(( وأهــــل الشام صاحــولي السبيه...))
            .................................................
حيهـم يالـهـاشـم والحــمــل مــــال
ونــعـــش زينب يهلها ايـريــد شيال
وخـل خـيـال يتـبع كـــون خـــيـــال
(( ويشيلون بــنعـــش بيت الــزجية...))
             .................................................
الشاعر خـالد جــودي الـعارضي

**(نعي للزهراء عليها السلام)

كأنما حضرت المظلومة  الى كربلاء بعد مصرع الحسين عليه السلام

جيت واتعثر واكومن نوبه اطــــيح

من بعيد وكاصده للطف واصــــيح

وين كالوا عالرمل ابنـــــج ذبــــيح

اموسط الميدان عالغبـــــره وكــــع

اموسط الميدان كالولــي الحســـين

وين انده يمه ياروحـي انتـــه وين

كمت ماشوف انعمت منـي العــين

ادموم تجري العين والكلـب انفجع

ادموم تجري اعيونهه امك فاطمه

هذا انته وجسمك الفايـــــض دمه

اموذر ونايم يمن عينــــــي اتعــه

فوك خــــدك حافر الخيل انطبـع

فوك هاي الرمله وبحـــــر الشمس

اجروحك اهواي وألمهن بيه احس

طمهــــــن التربان تارســهن ترس

خله اطيح اترابهه ايخـف الوجع

خله اطيح اترابـــــــهن  بعــبايتي

وخله اشد اجروحهـــن بعصـابتي

وخله اظللك ييمـــــــــــه بشــيلتي

امطبر ومن ظهرك امثلــث طـلع

امطبر وصــــــاب المثلث جبدتك

ومختلــــــــط دم وتراب ابليحيتك

وعمت عيني الحجر كاسر جبهتك

يابس الريج  النفــــــس من انكطع

ابو علي الركابي**