جميع تلاميذ الدّورة الثانية:

📌 لقد تم إرسال ملخص الوحدة الثانية بصيغة PDF 📚 ✨ يرجى طباعة الملخص بشكل إجباري والمتابعة به خلال الحصة الأولى 🖨️. احرصوا على أن يكون الملخص جاهزًا أمامكم ✍️ لضمان تحقيق أكبر استفادة من الحصة ومتابعة الشرح بشكل فعال ✅💪.

بالتوفيق للجميع 🚀

للتّسجيل في أي دورات من دوراتنا تواصلوا معنا مباشرةً على حساب المنصّة التّالي: @fahamnionline

غدًا سيتمُّ الإعلان عن الإشتراك الدّوري في كلٍّ من مادّة علوم الطّبيعة والحياة والعلوم الفيزيائيّة والرّياضيات.

سجلي ماتستنايش .طريقتو فالتدريس حاجة تخصو هو نتي لمهم تفهمي وتدي معلومات وتتعلمي طريقة الإجابة. أنا باك 2023 قريت عندو العام ليفات من الدورة الأولى إلى المراجعة النهائية بديت معاه من اللول للخر وقاع الحصص نحضرهم فالوقت ونسمع الأسئلة تاع الزملاء وكنت معتمدة عليه اعتماد كلي كي نقولك كلي يعني 100% . ماكنتش نحضر العلوم فليسي وإذا رحت بسيف نبقى قاعدة نحل مواضيع فيزياء ورياضيات والله ماديت والو من أستاذة القسم قاع مانتبعش عندها + ليكور مادرتش فالعلوم. قريت غير عند الأستاذ زين محمود والله كنت نتبع فيه هو برك ونفهم عندو يبسط المعلومات. رغم اني نفهم بدون تبسيط الحمدلله لكن كيما نقولو مناسب لجميع التلاميذ الضعيف والمتوسط والممتاز قاع يفهموا عندو. ياودي واحد ماعندوش الباك يقرا فالسيام ويفهم عليه تالمو يبسط. أنا ختي صغيرة عليا كان يعجبها حصصوا كي نكون نتفرج اونلين تقعد معايا تبع?? وتشارك ? .أما الأفكار تاع التمارين يدير أفكار مختلفة وكلش يمدهولك أنا شخصيا حليت تمارينو فقط وشويا تاع بكالوريا بصح والله ماحليت تمارين خارجية. تاعو يكفو ويوفو بصح مانكذبش عليك كنت مجتهدة ونحاول فالتمارين كي يبتعلنا تمارين نروح ديراكت نحل وكي نحضر الحصة نتبعو كيفاش يحل ونتدارك أخطائي ونصححهم كنت مع البدية نغلط بزاف ? وكنت نقط روحي مانديش مليح ومع الوقت كي لحقنا للمناعة والاتصال العصبي خلاص تدربت على الطريقة تاع الحل وليت نحل كيفو كي يجي التصحيح تاع التمرين نلقا نفس الإجابة وندي نقطة كاملة على التمرين. نغلط غير فالحاجات الصعاااب بزاف كي يكون تمرين صعيب يعني فالمستوى واغلب التلاميذ مافهموهش مليح تما نغلط شويا وهادي تصرا فالتمرين الثالث بزاف وخطرات فالزاوج بصح ولاو يجوني ساهلين بزااف لدرجة وليت مع اللخر كي نشوف تمرين نشوفو ساهل نحلوا غير بعينينا برك ونروح ندير الصعيب بالكتيبة وفالمراجعة النهائية تاني كنت مزالني نتبع فيه ونحل فالتمارين ومع اللخر كامل كي قرب الباك مليح رجعت من الوحدة الأولى لملخصاتو كنت نطبعهم باش مانضيعش الوقت نطبعهم وفالشرح ندير بالماركور باش وقتي مايروحش كتبة . ايا مع اللخر وليت من الوحدة الأولى نراجع ولي ينحفظ حفظتو كيما فالانزيمات شويا وكنت نحفظ من الملخص تاعو برك لازم ترفدي المصطلحات باسكو تخدمي بيهم وبالحفظ يترسخو مليح تسما رجعت حفظتهم ملخصاتو من البدية للخر كنت ديجا فاهمة ماداوليش وقت كبير يومين لكامل البرنامج وموراها بديت نولي للتمارين بصح نشوف التمرين والحل بعينيا برك ولا نشوف التمرين نحلوا بعيني وتم تم نشوف الحل باش نشوف روحي وين راني ... لأنو كنت ديجا حالتهم من قبل ماحبيتش نضيع الوقت ايا وهكدا مازدتش رجعت للعلوم حتى لنهار قبل مانجوزوها كيما نقولو ليلة الرعد هاديك عاودت جبدت الملخصات عاودت دوزيام كوش تاع حفاظة لقيت روحي ديجا حاكمة مليح ايا خلاص تعشيت ورقدت بكري ? ورحت نجوزها ووالله العظيم ماتلقيت حتى صعوبة فالمادة كلش جاني ساهل وليت متحمسة غير وقتاش نحكم ستيلو ونبدا نحل?ديت الموضوع لي فيه التركيب الضوئي وبديت من أول تمرين لآخر تمرين مانديرش هاديك الطبيعة تاع تبدا بالثالث منبعد الاول منبعد الزاوج ولا ماعلباليش يخلطو لالا بديت بالتسلسل وكتبت فورقة خارجية كل تمرين وشحال نمدلو وقت مديت للول 50 دقيقة للنص العلمي ( انا مانحفظش النصوص العلمية أنا نديرو وحدي على حساب السياق كيما علمنا الأستاذ زين محمود نتقيدوا بالتعليمة علابيها مديت 50 دقيقة باش نديرو شباب ومليح وندي العلامة الكاملة فيه ) وكيما كان الحال ديت فيه العلامة الكاملة الحمدلله والتمرين الزاوج مديتلو ساعة ونص والثالث زوج سوايع وهاديك عشر دقائق تاع لي خيرت فيها الموضوع وهكاك وبقالي الوقت لأنو التمرين الثالث ديت فيه ساعة وربعين دقيقة هكاك وبقالي عشرين دقيقة قعدت نراجع فاجاباتي وزاد بقا الوقت? بصح غلطت غلطة راحتلي عليها نقطة ونصف من الموضوع وكانت الغلطة فالتمرين الثالث ? لمهم جبت 18.5 فالعلوم والحمدلله راني طب دوكا ربي يوفقكم. تبعوه ماتندموش عليه والله ماتندموا ❤