لا راضيتني ..
ولا يرضى گلبي يُخون
وأنا مِثل الزرع ضليت
نِص طالع ونِص مَدفون
عَليك يسهرن ويبچن ومَنتظرات
ما طلعَن هِذني عُيون ..

وأتعَناك وأوّصل وأرجِع بليّاك.

كِلشي مِنّك
عُيوني مِن ما تغفى مِنّك
الليل مِن ما يگضي مِنّك
مِن اتيّه بِشارع وما أَدري المَن
هاي مِنّك
مِن يصيحوني البگُربي
وما اردّ لصواتهُم
هَالصفنّة مِنّك
كِلشي مِنّك ..

مُتَحطُم وأشوف آحِلامي تنهار
وانه شعندي بَس كِلمه هَضيمه
أقِنع نَفسي أكول باچر تهُِون
مَاتِبقُِى عَلى حَال أحِسبهَ غِيمه
صار سِنين أكول باچر تهون
لا مَيت ولا فَك گلبي ضيمه
سَكُف عندي وحَبل بلـ بيت موجود
موت الله بعَد فِكره قَديمه

حَاچيني يمكن ماكو باچر؟

چَنت خايف مِن وداعك
خَايف تسَافر بـ عمُري وتاخِذ
سنيَني مُتاعك
وأنه أظِل بلايه روح متأني
جَيتي هلبَت بـ طِاري الحِلم
يضحك شِراعك هلبَت الگانِي
مِن أشوَفك وأبچِي يَمي !
وأرجَع أنه ألمَا أعرُفك
وتَرجع أنت المَا تَحبنِي .

- سبت, ٤ أيار .