ڕوونکردنەوەیەکی گرنگ:

ڕاستە دڵخۆشم کە خودا ئاگری لە ئەمریکا هەڵساند، بەر لەماوەی دەسبەکاربوونی تراامپ، کە دەیگوت دۆزەخ لەڕۆژهەڵاتی ناوەڕاست دەخولقێنم (گەر بارمتە ئازاد نەبێت)، کەچی خودا دۆزەخی نیشاندا و هیچی پێ نەکرا

بەڵام هەرگیزاو هەرگیز دڵخۆش نیم، کە چەندین مناڵ و ئافرەتی بێ تاوان سوتان و مردن، تەنانەت پیاوانیش ...

پەیامەکەم:
هەموو شوێنێک چاک و خراپی لێیە، ئەو ئەمریکایەی حکومەتەکەی دژی غەززە بوو، بەڵام زۆرینەی خەڵکەکەی پشتیوان بوون و تەنانەت هەنێکیان هەڵوێستی زۆر زیاتریان نواندن لە من و تۆی مسوڵمان... تەنانەت چەندین قوتابی دەسگیرکران و لە دامەزراندن بێ بەشکران تا هەتایە بەهۆی خۆپیشاندانەکانیان کە من و تۆش تەنها ئافەرینمان بۆیان دەرکرد ...

ئێستا گوناهــ نییە من و تۆش بەناوی دیندارییەوە، دڵمان خۆش بێت بە سووتانی خەڵکی ؟؟؟

لەبیرت نەچێ: دڵخۆشی بینینی سزای خودا بەسەر تراامپ و هاوبیرانی، تێکەڵ مەکە بە ئازارخواردن بە ئازاری مناڵێکی بێ تاوان ...

پـێــوەرەکان پـێـچـەوانـە بــوونـەتــەوە:

جاران زیرەک ئەو گەنجە بــوو بیتوانیایە
پەیوەنـدی لەگەڵ کچێک درووست بکات !!

ئێستا زیرەک ئەو کەسەیە بتوانێ خۆی
بگرێتەوە لە درووستکردنی پەیوەندی !!

بۆ (کچان)یش ڕاستە ...

چەند شتێکی گرنگ بۆ داهاتووی هەموومان: زۆرێک لە ئێمە دەمانەوێت چاکترین ڕێگا هەڵبژێرین لەو بوارەی تێیدا کاردەکەین، بەڵام ناشزانین کامە ڕێگا چاکترینە، چونکە داهاتوو تەنها لای خودا ئاشکرایە... گەر داهاتوو لامان ئاشکرابا، دەمانزانی کامە ڕێگا چاکترین ئەنجامی هەیە،…

گۆڕانکارییەکان زۆر خێران！
ئەوەی بەر لە دوو ساڵ بە هیچم دەزانی،
ئێستا تا ڕاددەیەک پەشیمانم لەوەی تۆزەک دواکەوتووم لەخوێندنەوەی، ئەویش مێژووە...

ناڵێم بڕۆ وردەکاری ڕووداوەکان، بەڵام بوونی زانیاری مێژووی ئیسلامی، یارمەتیدەرێکی زۆر باشە بۆ فراوانبوونی دیدی ئیسلامی ...

ئەوەی تا ئێستا پێی گەیشتبم، گرنگترین ساتی مێژوو، ئەم سێکوچکەیە:
♦  مێژووی سەردەمی پێغەمبەر و خەلیفەی ڕاشیدین.
♦ مێژووی ئەندەلووس بە وردەکارییەوە ...
♦ مێژووی سەدەی بیستەم تاوەکو ئەمڕۆ ...

بەم شێوەیە، ئەوسەری مێژوو زەبت دەکەی، لەگەڵ ناوەڕاستی مێژوو، کەسەردەمی ئەندەلووس بوو وە نزیکەی ٨٠٠ ساڵی خایاند ...

ئەم قسەیە لەیاد مەکە:
داگیرکەر تا عەقڵ و هۆشت داگیرنەکات، خاکت داگیر ناکات، چونکە کە عەقڵ داگیرکرا، ئەوسا داگیرکردنی خاک ئاسان دەبێت ....

سوریا تازە بسم اللە یەتی، فەڕەنسا دەڵێت داوای پشتگیری مافی نێرەموک (مثلي) دەکەین لە سوریای نوێ

بێژەرێک دەڵێت: ئەی مافی مەشروب خۆران چی؟ یەکێکی تر: ئەی چی دەربارەی حیجاب ؟

دوێنێش وەزیری دەرەوەی ئەڵمانیا گوتی: پشتگیری ماددی سوریایەکی ئیسلامی ناکەین !!!!

ئەهـــا چەند سەیرە، کەس ناڵێت ئەو خەڵکە 54 ساڵە دەچەوسێنێرنەوە، دەکوژرێت ....
نەخێر، یەکسەر باسەکە دەسووڕێتەوە سەر ئیسلام، وە ترسی لەهیچ نییە تەنها بوونی دەوڵەتێکی ئیسلامی !!!

ئاخر بیرکەوە، ئەڵمانیا و فەڕەنسایەک لەو سەری ئەوڕوپا چ پەیوەندییان بە ئێمە هەیە؟؟؟

موحەللیلی سیاسی نیم، ئەوەی مەبەستمە:

ئاممان سەد ئامان، چۆن دوژمان وا چاویان زەقکردۆتەوە دژی ئیسلام، دەی تۆش لانی کەم خۆت پتەو کە لە تێگەیشتن لە ئیسلام، بۆ ئەوەی لانی کەم خۆت و دەوروبەرت پارێزراوبن... پاشان کۆمەڵگاکەت وشیارکەیتەوە

مرۆڤەکان خۆیان بەزۆر شت دەبەستنەوە، بە دەسەڵاتدارێک، پیاوێکی بەناوبانگ، دەوڵەمەندێک، وە بگرە لە ناو خەڵکی فەخر بەمانە دەکات ...

تو خوا پشت بەستن بە ئایینی خودا، خۆ حسابکردن بە بەشێکی ئەم جەستە بریندارەی ئوممەت، دەبێت چ گەورەییەک بێت ؟! ...

نەوەک تەنها پشت بەستن پێی، بەڵکو ببیتە ئەندامێکی کارای ئوممەت، کار بۆ ئوممەت بکەیت ...

ئاخر دەبێت چ گەورەییەک بێت، چ چێژێکت پێ ببەخشێت، چ شانازییەکە ؟ ...

با هەمیشە وشەی ئوممەت لە ناخمان جێگیر بکەین و زۆۆر دووبارەی بکەینەوە، بۆ ئەوەی هەم ببینە ئەندامێکی کارای ئوممەت و هەم خەڵکی بۆ بازنەی کارای ئوممەت بانگ بکەین، نەوەک بۆ لای خۆمان ...

#ئوممەت_بریندارە

**گــــەر خـــــۆت نـــەگـــــۆڕی 
ســــاڵ ســـــاڵی جــــــارانـــە

گۆڕینی خود، ڕۆژ و ساڵی نوێ بەرهەم دێنێت،
گەر خۆت نەگۆڕی ساڵ و ڕۆژی تۆ ناگۆڕێ،  بۆیە کەسی وامان هەیە سەد ساڵی یەک ساڵە، چونکە هەر ساڵێکی کۆپی ساڵانی پێشووە.**

نازانم تۆ کێیت و لەچ ئاستێکی بەڵام ئەوەندە دەزانم تۆش مرۆڤی وە پێویستت بە بەرەوپێشچوون هەیە، پێویستت بە سەلماندنی بوونی خۆت هەیە و بڵێیت "منیش هەم" .

سەلماندنی خۆت بە زۆر بلێیی و ستایشی خۆت ناکرێ وە ئەمە نیشانەی لەوازیت دەنوێنێ، بەڵکو پێویستە شتێک بکەیت ئەوانی تر نەیکەن یاخود نەتوانن بیکەن. ژیان بێ بەزەییە، گەر خۆت ئاگات لەخۆد نەبێ، گەر خۆت ڕەحم بەخۆت نەکەی کەس ئاوڕیشت لێ ناداتەوە، کەس ئاگادار نییە بە حاڵی خۆت زیاتر لەخۆت، گەر ئاگات لەخۆت نەبێ ڕۆژێک دێت زۆر دواکەوتوویت و بەزەحمەت دەگەیتە کاروانەکە.

زۆر داوا دەکرێ پەیوەندییەکانت بەهێزکەیت بێ ئاگا لەوەی خراپترین پەیوەندی لەگەڵ خودی خۆی هەیە، هاوڕێیەتی هەموو کەسێک دەکات بەڵام دوژمنی نەفسی خۆیەتی، بۆیە ئاممان ساڵی نوێ با ساڵی هاوڕێیەتی بێ بەڵام هاوڕێیەتی خۆت دوای ئەم بۆت ئاسان دەبێت کێی تر بکەیتە هاوڕێت، چونکە خۆت ناسیوە کە خۆشت ناسی کەسانی تر بەئاسانتر دەناسی.

زۆر جار ئامادەی چەند کاتژمێر لەخزمەتی کەسێکی تر بیت و هەموو داواکارییەکانی جێبەجێ بکەیت بەڵام ئامادەنیت خۆت لە خزمەتی خۆتدا بیت و چارەی دەردی خۆت بکەیت؟ ئەوەندە بێ ئاگاین و غەفلەت دەورمانی داوە، وا هەست دەکەین هیچ کەمتەرخەمییەکمان نییە !!

ئامۆژگارییەک:
کتێب بنووسەوە، ئەو کتێبانەی دەیخوێنیتەوە بەشە گرنگەکانی دووبارە دایڕێژەوە بەڵام کۆپی نەکەی، دوای چەند چەند ساڵێک خۆت بەرهەمەکەی دەبینیت

لەکـــۆتــایـیـدا:
ئاممان خۆت بۆ خودی خۆت بگۆرە نەک بۆ هی تر، چونکە دەکرێ کەسێک بیت خەڵکی کەم ببینیت، ئەرێ ئەمە دەگەیێنێت خۆت نەگۆڕی؟!
یەکەم کەس سوودمەندبێت لە گۆڕانکاریت خودی خۆتی پاشان هی تر.

ئاممان سەد ئاممان نەکەن بخوێننەوە تەنها بۆ خوێندنەوە، پلانەکان مەنووسنەوە تەنها بۆ نووسینەوە بەڵکو پێویستمان بە کردارە کردار

٣١ / ١٢ / ٢٠٢٣