Кейинги икки йилда Ўзбекистондаги иссиқхоналарда помидорнинг тобамовирус (Tobamovirus) билан касалланиши кескин авж олмоқда.

Биологик ўғит таркибида азот ўзлаштирувчи, витаминлар, оқсиллар, аминокислоталар ҳосил қилувчи Azotobacter chroococcum бактерияси штамми мавжуд. Бу бактериядан бу мавсум ҳам буғдой ва пахта ҳосилини оширишда фойдаланилди.

?Лалми тупроқларда нўхот етиштиришнинг замонавий ва арзон усулларини кўп сўрашяпти. Бугунги кунда энг долзарб масала айни лалми ерларда деҳқончилик қилиш ҳисобланади. Ўз номи билан лалми, суғориш имконияти йўқ, демакки, ерга ўғит солингани билан унинг самараси билинмайди, агар ёғингарчилик бўлмаса.

?Лалми ерларда экинларни, шу жумладан, нўхотни озиқлантиришнинг энг қулай усули баргдан комплекс усулда озиқлантириш ҳисобланади. Бунда экин сифатли ва самарали озиқланади. Бунинг учун аввалги постларимизда ёзилганидек, биоминерал ўғит нўхот учун самарали озиқлантириш ҳисобланади.

?Биоминерал ўғит таркибини қуйидагича шакллантириш мумкин (бир гектар учун):

1. Карбамид - 5 кг;
2. Аммофос - 3 кг;
3. Калий хлорид - 1 кг;
4. Биоазот - 5 л.

Ушбу таркибли суспензия билан нўхотни бир неча марта озиқлантириш мумкин. Шунингдек, ушбу биоминерал суспензияга гектарига 1-2 қошиқда магний сульфат ҳам қўллаш мумкин. Магний сульфат ўсимликлардаги яшил пигмент - хлорофилл ҳосил бўлишини кўпайтиради. Хлорофилл миқдори қанча кўп бўлса, барг шунчалик яшил бўлади.