裕民坊新交通交匯處已於今年4月2日投入服務，唔少往來藍田同觀塘嘅巴士同小巴已遷移入交匯處。觀塘區議會正在收集居民對新交通交匯處嘅意見，傑仔歡迎藍田居民留言！

歡迎進入填寫意見：
https://forms.gle/ZpYAVqGeHXWsP1gKA

傑仔今日與土木工程拓展署及運輸署到將軍澳隧道（九龍方向）巴士站現場視察。目前工程在最後階段，並以４月底為啟用為目標。由於署方今日仍未能能提供確實啟用日期，一有消息傑仔會盡早告知各位。
除此之外，有關於連德道過馬路到天橋及巴士站嘅過路未有提供更安全嘅過路指示，傑仔會繼續要求署方提供斑馬線及紅綠公仔過路燈，令大家安全過路！

早前有唔少居民期待藍田新打卡點嘅落成，但又擔心呢處又再次成為衛生黑點。係開幕之前傑仔曾向領展反映希望圍封公園一帶以減少聚集情況，傑仔感謝領展接納相關建議，並從呢個方向去作出適當圍封安排，減少非參觀者聚集問題，但同時保留公眾通道讓居民出入啟田商場。

傑仔會繼續留意公園嘅衛生情況，希望藍田嘅衛生環境可以持續改善。

今日市建局邀請觀塘區議員到新裕民坊商場及公共運輸交匯處視察，由4月2日開始，16M巴士、63號綠色小巴及紅色小巴將在此設新巴士總站讓藍田居民往返觀塘同藍田。

https://www.facebook.com/1126993467352031/posts/4186349864749694?sfns=mo

?釋除居民疑慮系列??

話說今日係安田街啟田商場後門出現咗呢啲活動捲閘，傑仔亦留意到唔少居民擔心會唔會有地方出現封區檢測嘅情況。傑仔嘗試搵出活動捲閘主人，最終原來係個活動捲閘係屬於啟田商場做私人用途，唔係封區！

不過近日平田邨都唔現咗唔少個案，會唔會真係突然封區就真係無從得知！傑仔都係提提大家做好防疫措施！

近日啟田商場有食肆食客出現確診個案，領展係昨晚亦為商場進行大消毒同清潔工作。
而平田亦出現多宗個案，傑仔呼籲藍田居民提升自我防疫意識，切勿鬆懈呀！

啟田商場KTOPIA將會係3月24日開幕啦！究竟藍田居民係萬眾期待多咗個打卡點定係擔心果度會再度變為衛生黑點？希望領展加強留意果度環境，確保居民或遊人打卡時都可以有一個乾淨嘅地方。傑仔亦會繼續同大家跟進！

有居民向傑仔表示連德道呢個路牌遮擋了路面視線，有時候可能要伸個頭望一望睇下冇車經過後才可過馬路，其實都幾危險。相反，駕駛者亦可能同樣地被呢塊路牌遮住，無法及早發現有冇人在準備過路。傑仔已望有關部門反映，希望改善問題，保障居民同駕駛者安全！