اختصر كلشي واطول من اريد انساك

علي رشم

اعتقد هيچ نّتساوه
من تلاويني اكسر ايدك
لا توازيني نّتلاوه
ضحكتك خربت عن اول
مو بكل ذيج الحلاوه
سعرك اصلا حيل طايح
راحت ايام الغلاوه
راكد انت شلون گلي
منين تلفيك النقاوه
انت مرجوحه آنه خيمه
و الهوه يهز بيك خاوه

هالليله المطر اسود
اصيح بكل ركن بيه و ادور ما لگيت احد
صرت خالي و لا عندي بشر تنعد
هزيل وما تلوگ بأيدي اي حچايه للمعضد

يـهل عايش على رموشي
حلم كل لحظه يتجسم

انت ماعندك علم بيهن هذني..

انت تدري بلون شعرك
على لون الليل طاغي
الأورده المتفرعه بيدك كلها متفرعه بدماغي

شلون تعقلها اهدك
و آنه غرگان و لگيتك حدري گيش
آنه احبك گد حلاتك
و لا تگلي تحبني ليش
انت تدري عيونك مسويتلي واهس حته اعيش

تغيرت ذيچ الوجوه
و دارت الدنيا و مشينه
و گلبي والله لهسه بعده
غيركم ما يملي عينه
ما تسألون إعله گلبي
سمعوا دگاته الحزينه
شوفوا ياهو البينه ناسي
شگد كبرنه وما نسينه ...

بالمطر غفله وذكرتك
چان حلمك
جوه غيمه يطگ قزحنه
و هسه مطرت
ذاك انت وهذا آنه
ومامش احنه

مُلهم

من ضل موعدك ينّسي و تالي تگول
اي والله نسيتك بالي مو صافي
بعد ما رافگه الذاكرته تغدر بي
ولا صديت للما يعرف يوافي