مرحبا
أنا ك شخص حابب عبر عن رأيي الي عندي ألف دليل عليه بس مالي خلق ناقش فيهم.. بس بدي قول

بشار الاسد دكتاتور.. مجرم.. سفاح.. ( ليس الأول بالتاريخ عفكرة بس جديدة عشعبنا يتعامل مع مصطلح دكتاتور وغيرها لأنه كان بسموهم خلفاء ايام زمان هخخ).. وهي حقائق مثبتة لا يمكن انكارها من أي صاحب عقل

الثورة بدأت بشكل شريف لبضعة أشهر ثم اتسخت وأصبحت جبهة النصرة وداعش وتنظيمات جيش الاسلام وغيره من التنظيمات الارهابية التي أجرمت بحق السوريين
والتدخل الخارجي كان أقذر مايمكن واليوم قطر وتركيا تحصد نتائج تدخلها بالسيطرة الكاملة على سوريا ومقدرات سوريا ولن يوقفها أحد والخاسر الوحيد هو الشعب السوري

الخاسر من نظام بشار الأسد كنظام حكم هو الشعب السوري
والخاسر من الثورة والتدخل الخارجي هو الشعب السوري
لأن النظام وأفراده تحول لعصابات أكثر اتساعاً وأكثر عدداً وأنتج رؤوس عصابات أكبر وأكثر ثراءً وإجراماً ونهباً.. ولم يحدث العكس كما كان متوقع..

الثورة لها فضائح كثيرة.. ليس بقدر نظام بشار المخلوع طبعاً (والأمور هنا يجب أن تكون نسبية وليست مقارنة بين قيم مطلقة)
النظام له فضائح أكثر وإجرام أكثر

برأيي.. الثورة ماتت في 2011.. نعم سبب ذلك بشكل أساسي بشار الأسد.. لكن التدخل القطري والتركي والإيراني تحديداً ساعد بموتها بشكل ضخم وتحويلها لحرب دمارية على السوريين
حاقد على أفعال بشار الأسد بقدر حقدي على تركيا وقطر وإيران.. كلهم شركاء في قتل السوريين وتجهيلهم وتدمير مستقبل الأجيال السورية لمدة مائة عام قادمة..

بشار الأسد مجرم ومن دفعه للاستمرار في إجرامه هي قطر وتركيا وإيران بشكل أساسي.. وبشكل أقل - وآسف لمن سينطمز من هذا الاعتراف - الشعب السوري نفسه.. عندما وضعه بشار بين خيار جبهة النصرة وداعش أو بقائه على الكرسي
والجيش الحر ينهار ويتخذ اتفاقيات بخيانات من قادته مع قادة النظام واتفاقيات تركية قطرية إيرانية روسية لتدمير بنية الجيش الحر وأسلمة (وتطرف) الثورة والعمل المناهض لنظام بشار المجرم.. الشعب لم يقف مع الجيش الحر والجيش الحر نفسه قل فيه الشرفاء وفسد منه الكثير وبدؤوا في العمليات الإجرامية الطائفية وبنفس الوقت تعرضوا لغدر من جبهة النصرة وداعش.. وهكذا صارت فوضى.. يتحمل مسؤوليتها كما قلت بالبداية تحالف جرائم النظام مع أطماع قطر وتركيا وإيران وأيضاً الشعب السوري الذي رضي بالتنظيمات الإرهابية (نرى اليوم كيف يطبّل للارهابي ويعتبره وريث رسول الله في الأرض) وخان الجيش الحر عندما لم ينتفض بانتفاضة واحدة كبيرة وشاملة (وهنا أقصد كل الطوائف والملل التي كانت تهتف في مناطق سيطرة النظام بالروح بالدم) وأيضاً خيانات قيادات الجيش الحر لهيكله وهدفه وبنيته..

الحرب بسوريا كانت حرب أهلية طاحنة وحرب بالوكالة طاحنة..
الثورة ماتت في 2011-2012 وأرى فيها الكثير من الفضائح واللإنسانية والقذارة من قبل كل الأطراف.. بدون أي استثناء.. حتى الشعب السوري كان مذنباً بحق ذاته.. لذلك أنا فاقد الأمل بسوريا ومستقبل سوريا منذ أمد طويل.. ولن يعود هذا الأمل رغم كل المهللين والمطبلين وال"منحبكجية" الجدد الذين أفرزتهم وصول القوات الإرهابية لحكم دمشق بسيناريو هزلي مضحك وكوميدي جداً..

الثورة ضد القمع والاستبداد.. هي حق ووسام شرف لكل ثائر.. والسوريين لم يقوموا بأعظم ثورة بالتاريخ كما يروّج بعض المطبلين العميان بل بثورة - كالعديد غيرها - كانت ببراعم نقية لتتسخ بعدها وتفرز نباتات كريهة الرائحة.. تم فيها إقصاء النخب وإظهار الأطماع البشرية وقذارة ودناءة النفس البشرية بأعظم درجاتها من كل الأطراف دون استثناء..

ختاماً.. الإجرام لا يبرر الإجرام.. والإرهاب والعمليات الإرهابية لا تسقط بالتقادم..

سلام.

https://t.me/Media_Gate
بتمنى تشاركولي ياها🙏🏻❤️

غداً أو بعد غد (بعد انتهاء فورات السوشل ميديا)

منشور عن الأمير الآغا خان.. الذي توفّته المنية قبل أمس..

منشور بعيد عن الهبد والمبالغات.. بعين ناقدة وحيادية.. ومشاعري لن أناقشها إلا في ختام المنشور.. غالباً سأكتبه على منصة تيلغراف وأنشر الرابط هنا بصيغة (قراءة فورية) من ضمن التيلغرام..

منشور سأعتمد فيه على مصادر تاريخية متعددة وشهادات شخصية أيضاً من بعض أصدقائي الإسماعيليين..

لا أدّعي أنني (سأخرج الزير من البير) ولكنني لن أتحدث بعواطف جياشة ولا بانحيازات (سلبية أو إيجابية) ولا من منطلق ديني وعقائدي..

هذا مجرد تنويه للفت الانتباه لمن يهتم، أو يحب، أن يقرأ.. وأيضاً دعوة لمشاركة القناة (أو على الأقل المنشور) مع أصدقائكم الإسماعيليين وغير الإسماعيليين للقراءة..

تنويه: لديّ رغبة سرية في الانشغال عن أطنان الأفكار والتوقعات والخطط التي تهاجم دماغي بالبحث والكتابة عن شخصية جدلية عند شعوبنا العاطفية التي تنقسم بين من يكره هذا الرجل بشدة، من يحبّه بشدة، من لا يعرف عنه شيئاً..
- يعني اعتبروها عمل لمنفعة شخصية ألا وهي عدم إعطاء فرصة لدماغي بتدميري بكثرة الأفكار والخطط والمسارات المستقبلية الضبابيّة -

يوم لطيف لكم..❤️

حدا متل بتول الشيخ
لما بتحكي عن شغلها بالمشفى وليش تركته
بتحسسك إنها كانت عايشة جحيم
وهلا هيي حرة

ممكن يكون هيك فعلا.. مشافينا زبالة ومنعرف.. بس في نقطة مهمة كتير.. مع كامل الاحترام.. هيي كانت فنية فقط.. يعني مش ممرضة.. مش طبيبة.. هيي فنية كانت

لنحكي بواقعية
- الموضوع صرله براسي من مبارح لما شفت منشورها الي خلاني احذف الفيس، عن انها فخورة بنفسها و انه تركت المشفى من سنة وهيك وعم تعمل الشي الحلو الي هو التسويق هلا -

المهم، الواقعية الي بدي احكي فيها، انه.. بصراحها أفقها الوظيفي محدود كان بالأساس.. يعني كانت عم تدرس بجامعة الشعب الاونلاين علوم صحية حتى تقدر تحط لنفسها أمل بالسفر.. وتتعلم بشكل احسن لغة انكليزية بالوقت نفسه.. طيب هل الشخص ك طبيب أهله نوعا ما مقتدرين مادياً وهو حابب الاختصاص لازم يحس بالتقييد و انه لازم يترك ويشتغل بمهنة حرة على النت متل التسويق او يعمل براند لنفسه او او او.. لما يشوف هيك حكي؟

اي.. و لأ..
كيف؟
بحس في نسبة كتير كبيرة من الناس داخلة عالفرع بالغلط او بالاجبار.. ومابدها ياه ولا التعب الي بيجي معه.. بدها السفرة ع المانيا بشكل معزز مكرم.. هاد حق لكل انسان يعني.. بس بالنهاية الواحد يطلع شوي من توب اهله والبيئة الي حوله ويسأل حاله
انا مستعد عيش لسا ٤٠ سنة بنمط حياة طبيب برا بالضغط النفسي والجسدي الي فيه؟ وشو الي حيساعدني عهالامر؟
بنبسط بالراتب اول كم شهر.. بنبسط بالاهمية اول سنتين.. وال٣٠ سنة الباقية شو ؟ مش هاد الطريق الوحيد للسفر.. في ناس مامعها شهادة بأي شي اصلا وعم تسافر.. ربما انك تتبع الشي الي بتحبو.. لا لا.. تتبع الشي الي انت متقبل الالم الي بيجي بطريقو.. وما عندك مانع تواجه هيدا الالم والنقاط السلبية الي فيه كل يوم على مدار ١٠ و ٢٠ و ٣٠ سنة..

بس هل كلام بتول الشيخ صح ولازم نترك المشافي ونعمل براندات؟
مافي شي مضمون سواء ضليت بالمشفى او تركت او انشالله اشتريت بقرة وصرت تبيع حليباتها.. الحياة هيك بدون ضمانات.. حدا قلك يا دكتور انو المانيا ولا غيرها رح يقعدوا ينادولك و يترجوا خاطرك لتجي لما تتخرج؟ وبالمثل متل ما في كتير ناس عم تروح.. في ناس ماعم تزبط معها واحيان عم تروح وماعم تقدر تعدل وعم تنجبر تشتغل بغير اختصاصها بس كرمال ماترجع عالبلد..

مافي ضمانات بالحياة..

بس لما نفكر شوي
بمقارنة سريعة
بين المستقبل الوظيفي ل فني اشعة او فني تخدير.. و بين طبيب او ممرض او صيدلي الخ.. منلاحظ انه فرق شاسع بين هاد وبين هاد.. لو انت حابب الي عم تساويه وقادر تتحمل آلامه.. مانك مضطر تصير انفلونسر وتعمل براند جرابات متل مالك جوربار ترا.. يعني عادي فيك تضل دكتور أو ممرض و تلاقي المعنى بالشي هاد لو انت حاببه.. والاهم انك متقبل آلامه والpackage الي جاي معه..

ربما الحديث عن المستقبل الوظيفي للفنيين وخريجي العلوم الصحية ممكن يزعج البعض.. بس لحتى نفكر بمنطقية لازم نكون حياديين.. وصريحين.. وواقعيين.. الكل بيقدر يسافر لأي محل لو معه مصاري.. بس الوظيفة الي بأديها كل واحد مختلفة.. والنقص الأكبر هو مو باختصاصات العلوم الصحية على مستوى العالم.. وانما بالطبية..

لهيك طبيب الأسنان عم يشتغل فايلات و تدوين بيانات للمرضى وعم يداويهن بنفس الوقت.. والطبيب البشري عنده شغل عن 3 اشخاص بدل شخص 1.. بسبب النقص.. وهكذا..

السر كله بإيجاد المعنى، وتقبّل الpackage كاملة، بحلوها ومرّها.. وانك تتذكر إنه مافي شي صح وفي شي غلط مطلق بالحياة.. والي بناسب شخص ماضروري يناسب التاني..
مانك مجبر تبقى بمهنة الطب لو حاسس انها مو الك.. وبنفس الوقت مانك مجبر تصير بلوغر وانفلونسر وصاحب براند وفريلانسر ووو... لو انت مبسوط بمجالك..

السر كله بالمعنى.. إضفاءك للمعنى العميق لأفعالك ونشاطاتك ومسؤولياتك و حقوقك وواجباتك ورغباتك.. بيعطيها بُعد آخر.. بُعد الحقيقية.. بُعد الإنسانية..
وربما.. فقط ربما.. بهاد العصر.. لحتى نشعر بإنسانيتنا لازم ننعزل شوي عن العالم المجنون الي عم يفتحلنا ياه الإنترنت.. وناخد نفس عميق.. ونحاول نكتشف نحنا بداخلنا شو؟ و قدراتنا شو؟.. ننسى شوي كلام الناس والأهل وغيرهن ونخلي عقلنا يكون على طبيعته.. بمنطقية وعقلانية..

العواطف بعمرها ماعمّرت بيوت.. بس مافي للقرار المنطقي أي شبكة أمان بغياب الشعور الي بيخلقه.. والمعنى الي وراه..

ودُمتم بخير، وحُبّ..??

بوست طويل قادم بعد شوي.. حوالي ساعة او ماشابه.. حاولوا تقرأوه وتعبروا عن آرائكم.. فقط لا غير..

دع حياتك تتمحور حول رسالة، وليس أهداف..
الهدف يأتيك وينتهي وتنتهي منه، الرسالة تحملها للأبد..

"إني أؤمن أنه يجب أن نتحمل نتائج أعمالنا، فلا نكتفي فقط بالاعتراف بالنجاحات وإنما يجب علينا أن نعترف بالهزائم"

- غازي القصيبي

https://t.me/Shuffle_All_Songs/376

معلش تفعلوا الإشعارات؟
شكراً..??❤️

أعزائي طلاب طب الأسنان الي دخلوا السنوات السريرية وبدهن كروت?

كرمال تكون مميز بين رفقاتك مستخدمي البيكس ارت والي جايبين كروتهن من سوق الجمعة?

متوفر تصاميم كروت عصرية ورائعة جداً بأسعار مختلفة بتناسب الكل وليست من المريخ?

ابعت طلبك هون واضمن إعجاب المرضى والقرايبين?
https://t.me/commun_ication_bot