مكثف الباثو للفرصة الثانية دفعة 49
كان تحدي كبير جدا اني نعطيهم المنهج في 10 ايام فقط

والحمدلله غطيت اكثر من 70% منا في هذه المدة القصيرة ، وباقي عطيتهن فويسات صغار ع تيلي

وامس كانت نتيجة مفرحة جدا جدا

ولله الفضل والمنة ، عطاني القدرة نكمل منهج كامل بالتفصيل ، ومنهج مكثف ومنهج ملخص
ونقدر نكمل ونحجم اي مادة نبيها 🙏

وهنا يُطبق المثل القائل
"الواعرة نجوها بدري والساهلة لها ناس واجدة"

#مهند_ناجي

الصباح الذي يبدأ بخبر نجاح طلبتك
هو صباح الخير 💖🤝

سنة رابعة بشري مادة القايني ( نساء و ولادة)
جامعة اجدابيا

نجاح طلبتي هو نجاحٌ لي
ذلك من فضل الله علينا 💙☝️

#مهند_ناجي

السلام عليكم
?الخطة متاعنا كالتالي :
وفيها اخبار ممتازة و مُفرحة ?

منهج obstetric ان شاءالله يكمل في نهاية شهر 9

ملاحظة مهمة ((( بعض المواضيع صغيرة حنعطيهن في وقت الفاينل ، مش توا ،ممكن المواضيع هذينا ياخذن من 2 الى 4 محاضرات بالكثير ))))

-باهي هل المواضيع هذينا يسألوا فيهن في الجزئي ؟
الجواب : لا

باهي شنو اهم المواضيع اللي نخشوا بيهن الجزئي والفاينل ؟؟؟

الجواب : حنزلهن في بوست بروحة

هكي نكونوا كملنا كورس obstetric بالتفصيل
الفترة الجاية(( في روتات الاخرى )) حتلقوني انزل مكثف وملخص في كل موضوع

ان شاءالله هدفي مايجي الفاينل الا obstetric مشروح ثلاث مرات او على اقل مرتين
مرة بالشرح العادي ومرة بالمكثف او ملخص على حسب الوضع

-طبعا المواضيع المهمة فقط المتعلقة بالكلينك هى اللي حنشرحها بأكثر من طريقة
اما لمش مهمة في كلينك فحنعطيها مرة واحدة فقط ?

*بالنسبة لل gynecology هو نازل كمكثف وفيه كل شئ انت تبيه بعون الله،  بس السنة هذي حنشرحه بنظام العادي واختار لتبيه

مع اني نفضل المكثف بعدين في فاينل عشان ماعندكش وقت ، بس اهو خليتك تختار
يعني مثلا زي MC مش مهمة واجد وعليها سؤال واحد ، عليش نعطيها في محاضرات واجد ؟?‍♂️

-يعني بعدين لما تشوفني انزل في شهر 12 ولا 1 تقول حى عليا امتى حيكمل وشنو مواضيع جديدة ؟!?

لا هن نفسهن بس مشروحات في اقل وقت
ولو فيه موضوع نزلته الجامعة وشفت ان مهم
حنعطيه ، خاطيها مش حنضيع فيه وقت

-بالنسبة للمعهد : حيكون فيه تدريب كل اسبوع
هستوري واكزامنيشن
ونعطي بعض ملاحظات المهمة ان شاءالله

-هكي نحن ماشيين بخطوات ثابتة وممتازة ومنظمة
اقروا وتعالوا ادربوا في معهد ونقوللكم على ثغراتكم

-راهو انتم واخذين قايني اكثر من دفعات السابقة بواجد بكل ، ودفعات السابقة قروا اقل منكم وتدريب اقل منكم ونجحوا بممتاز ماشاء الله
يبال انتم ، بعون الله خطوة بخطوة وناجحين كلنا ان شاء الله

نحن علينا السعي والتوفيق من الله سبحانه وتعالى ?
والسلام عليكم
#مهند_ناجي

ارجوا من الجميع المشاركة