ҮЙЭ АҤАРА БИИРГЭ ОЛОРБУТ ЫТЫК-МААНЫ ДЬОММУТ

Улууспут биир ытыктанар дьиэ кэргэнэ Татьяна Сидоровна уонна Василий Титович Окороковтар"Мэҥэ Хаҥалас улууһун ытык ыала" бочуоттаах анал бэлиэнэн наҕараадаланар үөрүүлээх түгэннэринэн улууспут үлэһит дьонун аатыттан эҕэрдэлээтим.

Татьяна Сидоровна уонна Василий Титович сарын сарыннарыттан өйөнсөн ыал буолан эйэ дэмнээхтик олорбуттара муус устар 6 күнүгэр үбүлүөйдээх 50 сыллара, уоллаах кыыс оҕолоохтор, үс сиэн эйэҕэс эбэтэ, эһэтэ буолаллар.

Саҥаһым Татьяна Сидоровна өр сылларга РайПо, "Сельхозтехника" тэрилтэлэргэ үлэлээн кэлбитэ. Кини - Коммунистическай Үлэ удаарынньыга, "Арассыыйа потребкооперациятыгар үтүө суобастаах үлэтин иһин" бэлиэлээх үлэ бэтэрээнэ. Куруук минньигэс астаах, ыраас сырдык, сылаас алаһа дьиэлээх, холобур буолар хаһаайка.

Таайым Василий Титович уһун сылларга "Сельхозтехникаҕа" бэриниилээхтик үлэлээбитэ, мандар уус, байанайдаах булчут, балыксыт, сатабыллаах хаһаайын, чөл олоҕу тутуһан ыччакка үтүө холобур буолар. От охсуутугар, улуустааҕы, өрөспүүбүлүкэтээҕи күүлэйдэргэ инники күөнтэн түспэтэ, элбэх ыччаты, бырааттарын биһигини өбүгэбит үтүө үгэһигэр, үлэҕэ уһуйбутугар махталбыт муҥура суох.
Өр сыллаах, таһаарыылаах үлэтин иһин улуус, Майа сэлиэнньэтин, Моорук нэһилиэгин бочуоттаах олохтооҕо.

Ытык-мааны үтүөкэн дьоммут!
Бу үөрүүлээх бэлиэ күнүнэн эҕэрдэлээн туран, өссө даҕаны сүүс сүүскүтүттэн өйөнсөн, уһуннук, дьоллоохтук олоруҥ, чэгиэн-чэбдик буолуҥ, чугас дьоҥҥут куруутун Эһигини үөрдэ-көтүтэ, дьоллуу турдуннар! Үлэҕитинэн-хамнаскытынан, дьоһун олоххутунан, сүбэҕитинэн-амаҕатынан ыччаттаргытыгар, үүнэр көлүөнэҕэ үтүө холобур буола туруҥ!

Дьоһун олох туругурдун!

@dmitriytikhon0v