Баай Байанай ыйын көрсө, Тараҕай нэһилиэгин Көтөт Күөлүгэр И.М. Романов аатынан Төхтүр, Майаттан Ф.Г. Охлопков, В.П. Ларионов аатынан орто оскуолалар, И.Г. Тимофеев аатынан лицей, Аллараа Бэстээх 2-ис нүөмэрдээх уонна М.Е. Попов аатынан орто оскуола үөрэнээччилэрин кытта улуустааҕы Аҕа Сүбэтин көҕүлээһининэн муҥхаҕа муһуннубут.

Саха омуга былыр-былыргыттан айылҕаны кытта алтыһан, ситиммитин быспакка үйэлэри уҥуордаан, тыйыс айылҕалаах дойдубутугар баччаҕа дылы айан-тутан, тапталлаах дойдубутун сылаас тыыннаан
олох олорон кэллэхпит.

Бүгүҥҥү тэрээһин сүрүн соругунан кэнчээри ыччаппыт төрүт үгэстэрбитигэр, өбүгэбит мындыр сатабылларыгар оҕолорбутун уһуйуу, онно олоҕуран олоххо бэлэмнээһин буолар.

Уолаттарбыт үлэттэн туора турбакка, күргүөмүнэн үлэлээн бэрт үчүгэй умнуллубат күнү бэлэхтээтилэр.
Ыччаттарбытыгар маннык тэрээһиннэри дьыл хаамыытыгар, үгэстэрбитигэр сөп түбэһиннэрэн ыыта туруохпут.

Күөх Боллох оҕонньор бука барыбытын көмүс хатырыктааҕынан күндүлээн дьиэбитигэр илии тутуурдаах, өттүк харалаах тарҕастыбыт.
Тараҕай нэһилиэгин үлэһит дьонугар, үтүө түөлбэтигэр махтанабыт!

@dmitriytikhon0v