يا جماعة اتممنا 4 ساعات ??

شكرا لكل من كان هنا

??????

نلتقي في مساء إن شاء الله

رسالة من طالب حر ❤️*❤️***

?كيفاش نظمت وقتك ؟
كنت نقرا صباح كي نوض مادة تاع حفظ لمدة 3 ساعات (شريعة ولا اجتماعيات ولا فلسفة)
تلحق التسعة نريح ساعة بالضبط
تلحق العشرة نبدا نقرا مادة اساسية لمدة خمس ساعات(نحي منها وقت الفطور + وقت الصلاة الظهر )بطريقة برومودو
كي تلحق ال3 تاع عشية نريح زوج ساعات
نرتاح مليح
تلحق الخمسة نقرا يا عربية يا فرنسية او انجليزية لمدة ساعتين ونص حسب الرغبة
هكا نحبس ونكون كملت اليوم تاعي
?كنت نقرا الجامعة والباك ؟
الباك تاع 2022 قريت لافاك والباك وندمت عاودت عامي+ ديت معدل 12.85 لي هو اقل من الباك الاول
العام الثالث لي هو هذا العام قريت غير 3 شهور فالجامعة ثم في ديسمبر ابوندونيت لافاك وعاودت الباك عادي
?وقتاش بديت ؟
بديت في 15 ديسبمر بالضبط آخر يوم للتسجيل للأحرار سجلت وقررت مانزيدش نروح لافاك وبديت نقرا للباك
?اساتذة لي تبعت ؟
✅رياضيات: BACMATHIMATICA استاذ بوسيف + استاذ نور دين بصح هذا تبعتو غير فالتمارين فقط (خاصة سلسلة المراجعة النهائية لي بداها في رمضان هذا العام)
✅فيزياء : هذي المادة كل واحد وش يساعدو تبعت استاذ مولاي عمر استاذ طيايبية
مات وفيزيك حليت تمارين الاستاذ عقبة بن نافع
ادخلو لقناتو في التيليغرام تلقاو سلاسل التمارين لكل الوحدات
✅علوم قريت من بزاف اساتذة
قريت عند الاستاذ احمد الجزائري عندو صفحة في الفايس
قريت عند استاذة خيرة فليتي + استاذة كتفي
ومفتش التربية عزوز نور الدين في اليوتوب
بالنسبة التمارين نفس الشي مواضيع عقبة بن نافع فالعلوم هايلين بزاف + كان عندي كتاب سلسلة فضية بزاف مليح + مجلات استاذ مصطفى بن خريف انستغرام + كنت نروح للنظاميين نافيڨي مواضيع تاع الفصول تاعهم بزاف هايلين
✅عربية
هذي المادة انا كنت بزاف ضعيف فيها
تبعت استاذ بحري هواري في اليوتوب
استاذ الياس مالك زاد ثبتلي المعلومات
(هذو زوج اساتذة فاليوتوب)
تعلمت الاعراب البلاغة ... لي قريتهم بكري ونسيتهم من واحد القناة مصرية فاليوتوب يسموها (بسطتهالك) فيديوات طوال بصح
تبعت ايضا قناة اقتدار فاليوتوب واستاذ بوتزرت في الانستغرام كنت نشةف ريلز تاعو صح فيديوهات قصار بصح فيهم معلومات شابين
زيد شريت كتاب يسموه هكا : سلسلة الخباش توقعات الادب العربي لشعبة العلوم والرياضيات والتقني والتسيير
كتاب هذا فيه 20 موضوع في الادب العربي
10 شعر و 10 نثر معمرين بالافكار
نصوص جديدة كلش فيهم جديد هايلين عجبوني
حليتهم كامل وتعلمت بزاف حاجات
بالنسبة للموضوع لي خيرتو خيرت النثر ماخيرتش الشعر مع العلم لي باك لي فاتو لي جوزتهم في زوج خيرت شعر
?فرنسية
ماديتش فيها مليح للاسف لكن اذا تحبو نصيحة صغيرة
تبعو قناة professeur Boughedada فاليوتوب
قناة جديدة المسؤول عليها هي استاذة فرنسية رئيسية عندها خبرة في التعليم وتعرف تقري سما ماتخافش كامل وتمدلك كلش
وشوفو تاني مراجعات تاع أستاذة سالي فاليوتوب
?انجليزية
عندك بزاف بزاف مصادر لي يساعدك اقرا منو
عندك استاذ جيار من قناة olivine dz
روح لليوتوب اكتب هذي القناة ثم روح لل Playlist ولا بالعربية قوائم التشغيل
حوس على الانجليزيه وتبع
ولا كاين استاذة خلاف يسموها استاذ خيار هذي بزاف مليحة جربوها
كاين مصدر آخر ferni anglais تعطيكم كمية كبيرة من vocabulary في كل الوحدات
زيدو شوفو ملخصات المتفوقين في كل الوحدات وحاولو ديرو ملخص تاعكم
حلو لي باك
هذي المادة الوحيدة لي حليت فيها ليباك باسكو معمرين بالافكار
بالنسة للوضعية بالاكو حذاري تحفظ وضعية راك تضيع فالوقت
الوضعية وحدك ديرها تتعلمها وحدك
اشرو كتاب ملخص الانجليزيه تاع كور ديزاد للاستاذ منصوري يعلمكم كيفاش تكتبو فقرة ممتازة بالمنهجية بكلش
ماتضيعيوش الوقت فاليوتوب مع الفقرات
اتعلم منهجية برك
احفظ شوية ادوات ربط
روح عند ليباك ابدا تطبق
حاول وحدك دير فقرة
اذا عندك استاذ يصححلك مليحة بزاف ليك
خير ماتضيع الوقت وتحفظ فقرات
راك تضيع فالوقت هكا
?فيلو
اشرو كتاب الهدى فيه بزاف افكار
ماتحفظش مقالة تعلم المنهجية برك
الباقي حاول تبدع
حاول تكتب مقالة مبدعة
انا مقريتهاش هذي المادة مليح و التركيب والخاتمة درتهم صغار بزاف ماكنتش نعرفهم مليح
راحولي بزاف نقاط
? اجتماعيات
خير بين استاذ بورنان ولا استاذ عبدوش ولا amine school لي يساعدك اقرا عليه
حذاري المنهجية اتعلموها مليح مليح
المصطلحات سيي تفهمهم مشي شرط تحفظهم
كاين مصطلحات والله مايستاهلو تحفظهم
كيما الثورة الجزائرية الاسهم البورصات اتفاقية ايفيان حرب التحرير...
هذو ثقافة عامة تقدر تجاوب

@baaac2025

الراحة 2

هجوووووووم ????

^.^:
?صباح ورد وياسمين لاحلى مجتهدين ?

?اصبحنا واصبح الملك للله ?

تحدي مازال مستمر ???ارسلوا صور مهامكم يومية ??

هيا اااااااااااااااااااا ????

من معي جلسة دراسة لمدة 4ساعات

8:30__13:00

كلما طهر القلب رق فاذا رق راق واذا راق ذاق واذا ذاق فاق واذا فاق اشتاق واذا اشتاق اجتهد واذا اجتهد هبت عليه نسائم الجنة فيفرح بالطاعة ومن ذاق عرف ومن عرف اغترف ومن اغترف نال الشرف
اللهم اجعنا ممن راقوا وذاقوا وفاقوا واشتاقوا واجتهدوا بطاعتك
اللهم ارزقنا علما نافعا وعملا متقبلا ورزقا طيبا

استقبلو اول يوم من الاشهر الحرم بصيام لمن يستطيع
وقومو الليل ولو قليلا ?
يا اخوتي
لعلكم ترجون ويعطي الله من فضله الواسع في هذه الليلة ??

صومو غدا ?

الله يفتح عليك ابواب الخير والسعادة والبركة حيث كانت ??

تعانو من مشكلة نسيان الافكار تاع الدرس في العلوم ⬇️ ؟

?- غالبا ماراكمش تسجلو الافكار تاع كل درس ، بمعنى ماراكمش تديرو خلاصة للدرس لي قريتوه ، لذلك حاولو تديرو خلاصة لكل درس قريتوه .

?- ماركش تراجع من الملخص لي كتبته ، مافائدة الملخص لوكان ماتقراش منه و تراجع الافكار المكتوبة ، لازم مرة على مرة تطل على ملخصك باش ترسّخ المعلومات في راسك .

?- راك تحل التمارين بطريقة خاطئة ، مثلا في التمرين الثاني او الثالث ، تحل جزء اليوم ، و الجزء الآخر غدوا ، هكذا راك تروي روحك و رح تتخلطلك المعلومات .

?- ماتركزش مع الاستاذ اثناء الشرح ، مثلا تحط الفيديو في اليوتيوب يمشي و انت تفكر في حاجة خلاف .

هذو حاجات بسيطة حبيتكم تنتبهو ليها ، و نتمنى تاخدوهم بعين الاعتبار ، باش تتجنبو مقولة : " راني نقرا بصح نحس روحي مش عارف اي حاجة "