#shunchaki

Ular sevgim kabi shaffof, beta'ma,
Yuzga solmas olis gunohlarimni.
Bog'imga begona xazon, deb yana
Supurib yubormang nigohlarimni...

Behzod Fazliddin

@nigora_muhammadd

#shunchakimas

Ezilgan, yig'lagan, chorasizdek qolgan paytlarim bo'ldi. Qaysidir o'rinda muvaffaqiyat, qaysidir o'rinda dars, yana qaysidir o'rinda tajriba orttirishga urundim(umuman olganda). Muhimi, shunchaki ketmading. Sen hayotimdagi eng quvonchli onlarni tuhfa etding. Senda yashadim. Bir qadar ulg'aydim ham. Qarashlarim o'zgarib, teranlik ortdi. O'zimni ham yaqindan tanib bordim. Hayot yo'llarimning muhim qismi bo'lib muhrlanganing senga muborak.
Avval ham aytganimdek, aslida sen emas, men ketyabman.
Yangi sahifa ostonasiga qadam qo'yish ixtiyori bilan turibman.
Bergan va bermaganlaring uchun rahmat.
Xush qol...
Ortimdan xush kuzatib qol...

Yangi yıl muborak!!!😊

@nigora_muhammadd

#nimadir

...keyin hech narsa gapirging kelmay qoladi. Bir nuqtaga tikilgancha o‘tiraverasan.

O‘zingga ko‘miliiib...

@nigora_muhammadd

Necha bor qalbingda tikladim qasr,
Ayriliq bo‘roni buzdi muttasil.
Nechun yana qattiq qish kelayotir,
Bahor emasmidi biz kutgan fasl?!

Sahroyi sevgimiz ko‘kargan dashtim,
Sog‘inch o‘rdasida muncha savashtim?
Nahot adashtirdim, nahot adashdim,
Bahor emasmidi biz kutgan fasl?!

Azizim, asalga evrilsin zahr:
Sevgida saxiy bo‘l, nafratda — baxil,
Bahorga aylantir qishni ham, axir,
Bahor emasmidi biz kutgan fasl?!

- Mansur Jumayev

@nigora_muhammadd

Qo‘mita tomonidan ishlab chiqilgan, Vazirlar Maxkamasining 2024 yil 1- noyabr kuni 731-son "Zulfiya nomidagi Davlat mukofotiga talabgorlarni tanlash va ularning xujjatlarini taqdim etish tartibi to‘g‘risidagi Nizomni tasdiqlash haqida"gi qarori qabul qilindi.

@nigora_muhammadd

Chustiy ✅

Tun yarimda soyiri gulzor eding kimlar bilan?
Bulbul uygʻonguncha sen bedor eding kimlar bilan?

Lolaga may toʻldirib, gulshanda soqiy muntazir,
Mast eding kimlar bilan, hushyor eding kimlar bilan?

Bogʻda rayhon bargi bilran oʻynashar erkin sabo.
Suvdagi gul ichra sen ham bor eding kimlar bilan?

Oshigʻing gul bogʻladi jon rishtasiga sen uchun,
Qaysi gulni hidlading sen, yor eding kimlar bilan?

Garchi ushshoq ahliga yoʻqdur ajal, rashk oʻldirur,
Chustiyga ayt, sevgida hamkor eding kimlar bilan?

@nigora_muhammadd