Ես այնքան եմ հոգնել բաժանումներից,
որ մյուս անգամ ցտեսության փոխարեն կասեմ՝
հավանաբար մյուս անգամ
կամ մի ուրիշ կյանքում.

| Սելինա |

մարդը գալիս ա
չգիտես որտեղից
մարդը գնում ա
չգիտես ուր
իսկ արանքում էս կյանքն ա
երբեմն ուրախ
ավելի շատ տխուր
իսկ արանքում մարդիկ են
հազար հազար
միլիոն միլիոն
դու իրանց հարցեր մի տուր
իրանք պատասխան չունեն
իրանք քո նման
եկել են չգիտես որտեղից
իրանք քո նման
գնում են չգիտես ուր
ու եթե դու
հենց նոր կորցրիր
իրանք գուցե
երբեք չեն ունեցել
էն մեկին ու էն միակին
որի հետ կյանքը
ավելի շատ ուրախ ա
քան թե տխուր

| Մարինե Պետրոսյան |

Երբեմն երբ ուղղակի հիշում էի, որ նա ինձ սիրում էր(երբեմն),
ես Աստծուն ավելի մոտ էի.

| Լյոնյա |

...իսկ հիմա...
Նա ոչինչ չի սիրում,
ոչ մեկի չի սիրում
չի սպասում էլ ոչինչ արևից,
Եվ նրա աչքերին
արցունքներ են նիրհում
ու թափվում հասարակ բարևից․

| Ծով alizé |

Մեղք իմ.

Այս բոլոր օրերի մեջ մեկը չեղավ, որ քեզնով չլուսանա,
իսկ դու ոչ մի անգամ չհայտնվեցիր.

| Էդգար Կոստանդյան |

...որտե՞ղ կարող եմ ապրել առանց քեզ հիշելու,
և որտե՞ղ հիշել այնպես, որ չցավեմ.

| Բորխես |

...մենակ մնամ երևի.

Քո ներսը տեսանելի է միայն քո ներսիններին...

| Պետրոս Հոկտանյան |

Հարց չկա, ավարտենք այս ամենը, բայց եթե ինչ-որ բան զգաս մի օր, իմացիր`

ես չափազանց քաղաքավարի եմ սիրո մեջ․ եթե ինձ չեն հիշում,
մոռանում եմ․

| Ծով alizé |