Питер Хюистра: "Қизил карточка ўйинни ўзгартириб юборди"

"Пахтакор" ёрдамчи мураббийи Питер Хюистра чорак финал баҳсидан кейин матбуот анжуманида қатнашди.

- Ўйинни яхши бошладик. Ҳаммаси биз кутгандек кетаётганди, бироқ кутилмаганда футболчимиз қизил карточка олиб режаларимиз ўзгариб кетди. Бир киши кам бўлиб қолишимизга қарамай охиригача курашдик ва бунинг учун йигитларга раҳмат айтаман. Ўйлайманки, Осиё Чемпионлар Лигасида ўзимизни кўрсата олдик. Афсус, чорак финалда мусобақа билан хайрлашяпмиз, лекин жамоа келажакда кўп нарсага қодир дея оламан.

Мен қизил карточка берилган вазиятни тўлиқ кўра олмадим. Лекин VAR ёрдамида ҳакам қарор чиқариб "сариқ"ни "қизил"га ўзгартирди ва футболчимизни четлатди. Фақат шуни айтишим мумкин, холос.

Жалол жуда хафа. Ниҳоятда тушкун кайфиятда ва жамоага ёрдам бера олмаганидан афсусда. Албатта, Машарипов четлатилишини ҳеч ким кутмаганди. Лекин мен бир жиҳатга эътиборингизни қаратмоқчиман, биздан олдин шу стадионда "Ал Насср" - "Ал Аҳли" учрашуви ўтказилди ва унда ҳам VAR кўриб чиқса бўладиган худди шундай даражадаги қўполлик кузатилди. Лекин негадир ҳеч ким индамади. Аммо бизнинг футболчимиз шундай қўполлик қилганида дарҳол ўйинни тўхтатиб VARга мурожаат қилишди. Натижада VARдан фойдаланиш бизда икки хил таассурот уйғотди. ОФКдан ҳакамлар савиясини оширишни сўраб қолган бўлардим.

Биз Ҳожиматни анчадан бери биламиз. Уни бекорга ижарадан қайтариб олмадик. Биз бу футболчига ишонамиз. Иккинчи таймда уни майдонга туширдик ва ўзидан кутилган ўйинни намойиш этди. Бу ўйиндаги ёқимли жиҳатлардан бири бўлди.

Biz hali qaytamiz !!!
Murabbiylarga va Futbolchilarimizga o'yin uchun katta raxmat aytamiz !!! Osiyo Chempionlar Ligasi kubogi ham albatta bir kun kelib Paxtakor tomonidan zabt etiladi In Shaa Alloh !!!

Ўйин тугади.
Чемпионлар Лигаси, чорак финал
"Персеполис" - "Пахтакор" 2:0

Ҳакамлар: Адҳам Муҳаммад Маҳадмеҳ, Аҳмад Моаннес Нади Алроалле, Муҳаммад Мустафо Ҳассан Ал Калаф (уччаласи Иордания), Али Сабаҳ Аддай Ал Қайси (Ироқ).
Назоратчи: Ҳоқон Аназ (Австралия).

Захира: Божидар Радошевич, Омид Алишаҳ, Саид Жалол Ҳуссайни, Меҳди Абди, Меҳди Шири, Амир Рустойи, Али Шожайи, Саид Ҳуссайнипур, Арман Рамазони, Милад Сарлак.

"Персеполис": Ҳамед Лак, Шожаи Халилзода, Башар Ресан, Ҳуссайн Канани, Аҳмад Нуроллоҳи, Камолиддин Камябиниа, Эҳсон Паҳлавон, Воҳид Амири, Иса Алкасир, Саид Оғайи, Сиамак Неъмати.

Захира: Қувватов, Комилов, Салимов, Абдуллаев, Сергеев, Эркинов, Аброр Исмоилов, Аъзамов, Холматов, Козак.

"Пахтакор": Суюнов, Алижонов, Анзур Исмоилов, Кримец (С), Сайфиев, Ҳамробеков, Собирхўжаев, Ҳамдамов, Черан, Машарипов, Дердийок.

Жамоалар таркиби маълум