#yangi_ijod

TAVALLUDGA

Bu olam shodlikka burkandi go‘yo,
Ishq kuyin chalmoqda bu ochun, dunyo.
Sen o‘zing ko‘z ochib ko‘rganim ro‘yo,
Yaxshiyam sen borsan mening baxtimga.

Ko‘nglimda kemtiklar qolmadi chog‘i,
Bo‘y cho‘zdi sadoqat va ishonch tog‘i.
Sen o‘zing nafosat, muhabbat bog‘i,
Yaxshiyam sen borsan mening baxtimga.

O‘tmoqda umrimning totli lahzasi,
Sen mangu qalbimning ilhomi, sasi.
Alloh siylab bergan taqdir tuhfasi,
Yaxshiyam sen borsan mening baxtimga.

Men bilan har nafas, har bir onimda,
Qismat sinovlarda turib yonimda.
Istagim bir umr bo‘lgin yonimda,
Yaxshiyam sen borsan mening baxtimga.

Bo‘l desang bo‘lajak illo hammasi,
So‘z bo‘lib yog‘ilsin dillar shodasi.
Muhammadsolihimning onasi,
Yaxshiyam sen borsan mening baxtimga.

20.08.2024

@Xorun_Muso

#bugungi_kun

Bugungi kitob taqdimotidan so‘ng Shuhrat Matkarim ustozning dasxati qo‘yilgan "Maqar" qissasini qo‘lga kiritdik.

P/s: Taqdimotda ko‘pchilik davradoshlar fikriga qo‘shilgan holda Xorazm adabiy muhitida olamshumul yangilik bilan ushbu asarni dunyoga kelishiga sababchi bo‘lgan ustozni tabriklayman.

@Xorun_Muso

#Ҳамдардмиз Чуқур қайғу билан айтамизки, Ўзбекистонда хизмат кўрсатган маданият ходими, Журналистлар уюшмаси аъзоси, " Эзгу сўз" газетаси муҳаррири, адиб ва носир Қадамбой Солаев вафот этдилар. Устознинг оила аъзоларига, яқинларига бўлим жамоаси ва…

#Ҳамдардмиз

Чуқур қайғу билан айтамизки, Ўзбекистонда хизмат кўрсатган маданият ходими, Журналистлар уюшмаси аъзоси, " Эзгу сўз" газетаси муҳаррири, адиб ва носир Қадамбой Солаев вафот этдилар.
Устознинг оила аъзоларига, яқинларига бўлим жамоаси ва ижодкорлар номидан ҳамдардлик билдирамиз.
Жаноза бугун соат 15.00. да Хонқа туманидагиги хонадонида ўқилади.

Устозни Аллоҳ раҳматига олсин, жойлари жаннатда бўлсин.
Инна лиллаҳи ва инна илайҳи рожиъун.

“MUTOLAA” nigohida “QO’RQMA” romani.

Yozuvchi Javlon Joyliyevning asari haqidagi hujjatli film. Tez kunda.

Loyiha Alisher Sa’dullyev g‘oyasi asosida, “Yoshlar ishlari agentligi” va “Xalq banki” homiyligida tashkil qilindi.

Kitobga, kitobxonlikka jamoaviy da’vatimiz bu. Loyihaning har bir sonida siz o’qishingiz uchun eng yaxshi asarlarni taqdim etamiz. Xayri bo’lsin barchamizga!

Unutmaylik, bugun kitob o’qiyotgan millat ertaga dunyoni boshqaradi!