أجمل مرحلة ممكن تمر فيها بحياتك
هي مرحلة "العادي"
مرحلة الأكتفاء
إنو يارب لك الحمد على كل شيء
مرحلة تساوي الأشياء بعقلك وقلبك
يارب لك الحمد إنو مانجحت باللحظة الي كان لازم انجح فيها
يارب لك الحمد ما استجبتلي للشي الي ترجيتك فيه لأنو انتبهت بعدين شو الي كنت عم حاول تفرجيني يا وانا ماكنت شايفتو بلحظة رجائي
وإنو عادي جداً بدك تفوز بنقاشي؟!
يا سيدي انت الفايز وانت الصح وعادي جداً
الله لايفرق بيناتنا مشان جِدال عقيم مافي فائدة منو....أنت الصح

وإنو عادي جداً إنو غيري يوصل بكبسة زر لشي أنا عم حاول واجتهد وعافر مشان اوصلو ويمكن ما اوصلو
ولعل ما أُؤجر عليه من َسعي يكون أعظم عند اللّه من أجر الوصول لذلك الشيء.
وأنّ الضّغط على النفس لتغير شيء لم يحن تَغيِره ما هو إلّا مهلكة للنفس وجهد مهدور.
وإنو يارب لك الحمد
وإنو واللّه عادي..!
عادي يارب......?

رجاءً.. خليك واضح مع حالك ..
بتقدر تخبي عكل الناس بس عحالك مارح تقدر ..
لما الشيطان يبدا يعطيك أعذار لتراجعك
وتبدا برمي اللوم عالناس ..
افتح على سورة القيامة الآية 14-15
(بَلِ الْأِنْسَانُ عَلَى نَفْسِهِ بَصِيرَةٌ وَلَوْ أَلْقَى مَعَاذِيرَهُ)
كان في اقتباس رائع يقول..
لابدَّ للواقع أن ينتقمَ منكَ في آخرِ المطاف
قد ماحاولت تحط أعذار
رح تفيق عحالك بيوم ..
وتندم عكل شي ..
لذلك اغسل مرآة قلبك بالاستغفار
وشيل الأعذار على جنب ..
لإنك لما تبدأ بتغيير نفسك ..
ربك رح ياخد بإيدك فوراً ويطالعك من اللي انت فيه ..
اللهُ تعالى يقولُ في آيةٍ من أروع الآيات..
قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِن رَّحْمَةِ اللَّهِ ۚ
إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ ..?

صباح الخير، قوم وقاوم، الدنيا محتاجة ليك وإنتَ محتاج لنفسك. ?

بمر وبسرعة بصير اليوم مبارح
بقلولك إنّ لم تقطعه قطعك
بخبروك أنه متل السيف
وبينسو يقلولك انه هو قاطعك قاطعك
وبحياتك مارح تقطعو
الوقت!!
بمر وما بيستنى حدا أبداً
كلنا بدنا وقت أكتر
وقت لتروح الجروح
وقت لتنجح
وقت لتصير
وقت لتعرف
وقت لتمشي
الوقت بصير تاريخ
بمر..
بطير.
بأغلب الأحيان بمر بدون سبب
منتمنى بلحظات أنه يرجع فينا
ومننسى إنو هلق في وقت عم يمر
ورح يجي يوم نتمنى يرجع..!

"هذا الوقت سَيمضي"?

اليوم هو عيد ميلادي ،كل الي قراب مني بيعرفو انو انا بكره الاعياد ميلاد وخصوصا عيد ميلادي
وبتحول بهاليوم من شخص بيضحك دايما لشخص كئيب جدا
ولحد الآن ما بعرف لي هيك بصير..

لحد الآن ما وصلت للاشيا العظيمة الي انا بطمحلا..
يمكن ما حققتا ،بس فعلا من سنة لهلأ بعتبر حالي صرت اوعى وأنضج بكتير من شخصيتي الي كانت قبل....

تعرفت ع ناس يمكن ماتتكرر بحياتي من كتر ما هنن مناح
وبنفس الوقت تعرفت ع ناس بتمنى انو ما يتكررو بحياتي ولا حتى ارجع شوفن صدفة ..
لانو هدول الناس استنزفو طاقتي النفسية كلا .
مابعرف لي عم حس الايام عم تمرق بسرعة!!..اوقات بيخطر ع بالي موقف معين وبلحظة إدراك بكتشف انو الو اكتر من تلت سنين ..
برجع ع لحظة معينة كنت كئيبة ومضغوطة فيا وكنت معتبرة انو هون انا انتهيت..ولما اتذكر هيك شي بضحك ع حالي كتير ..
تعلمت شي إنو نحنا لما نمرق بشي صعب فهو بكون حق علينا..
اغلب الاشخاص الناجحين هنن اكتر أشخاص عانو بحياتن من كل النواحي وخصوصا النفسية ...

يمكن 18سنة تكون بالنسبة لغيري هي لحد الان فترة طفولة
بس صدقا في ناس استهلكو من تفكيري وطاقتي كتير ..
وهاد الي خلاني اعتبر حالي نضجت قبل آواني يمكن..

الشي الي بتمناه من هون لميلادي الجاي هو انو كون حققت اكتر شي بطمحلو وهو اني جيب معدل عالي
وادخل الفرع الي بحبو وهو (الصيدلة)
كون حدا اوعى وانضج واحسن بكتيير
271شخص هون بالقناة
صدقا انا مابهمني العدد يكون كبير
عقد مابهمني انو يكونو حقيقين وداخلين ع قناة لانو ساندي
شخص واحد بالنسبة الي حقيقي وبحبني رغم انو مابيعرفني بالنسبة الي اعظم من مليون هنن داخلين ع قناة وما بيعرفو هنن لي داخلين.

هذا الوقت سيمضي على ايا حال
لهيك بتمنى كل حدا يسعى لحتى يأنجز بحياتو ويحاول دايما يكون النسخة الأفضل منو

بمتل هاد اليوم السنة الجاي ح ارجع لهي الرسالة وشوف ياترى حققت اكتر شي بتمناه وهو ادخل الفرع الي بحبو

بس بغض النظر انا شو مدخلت فرع فأنا ح كون راضية الرضا التام لانو متيقتة إنو الله دايما حيخترلي الفرع الاحسن الي لاني عم اسعى والباقي عليه
ومش الفرع الي يخليني عظيمة.. بأي مجال ح فوتو انا بسعيي واجتهادي انا الي بصنعو مو هو الي بيصنعي

ح كون حدا بيترك أثر طيب إذا مش هلأ يوماً ما....

مّذكرات فِ٢٨/مارس??

- خلّي نيّتك تكون من الأوائل بمجالك
بما أنتَ فيه الآن
طالب طب هندسة معهد ثالث ثانوي
حتى ان شالله بالعمل اللي تعملو
لو ايش ماكان مصلّح سيّارات
- بدي رجعها أحسن من قبل
بيّاع في سوبر ماركت
- بدي اتعلم التسويق
رسول الله صلى الله عليه وسلم يقول
وإذا سَأَلتُمُ اللهَ فاسألوهُ الفِردَوس
وهي أفضل منطقة في الجنة
ولو كان عملك ربما مايخليك تدخل الجنة إلا شحط..

لانك بهالنية مارح تعرف شيء اسمو ( فقدان شغف )
رح تبحث عن الإتقان في عملك مهما كان
مارح تعيش حياة رتيبة مملة
رح تشعر بالرضى عن نفسك ..
وانك مامجرد رقم على وجه الأرض..

في سورة الكهف آية عظيمه بتقول:
{ وَكَيْفَ تَصْبِرُ عَلَىٰ مَا لَمْ تُحِطْ بِهِ خُبْرًا }
وهيي من أقرب الآيات للقلب ..
وتخيل انها موجهة لنبي ..! مش لإنسان عادي متلنا ..
بالفعل مرات بيصعب عالإنسان بنظرته المحدودة
انه يفهم كل اللي عم يصير حواليه ..
أو يفهم الحكمة المخفية وراء الإبتلاء ..
فيارب..
يارب ..
ألهمنا الصبر على مالم نُحِط بهِ خُبرا..
يارب رضّنا بقضائك حتّى تُظهِرَ حكمتَكَ في كُلِّ شيء..?

في الأصباح البعيدة ..
وبعد ليالي السهر..
عبارة وحدة كنت اكتبها كتير مرات!!
لا شيء يذكر!!
شارع كئيب...
بيدفعك حتى إنك تهرب من الذكريات الحلوة
ومابيبقى عندك رغبة
غير إنك ترجع على بيتك!!
وتكتب هي لعبارة القديمة
لا شيء يذكر!!...

_الندم

ليس الجميع يستحق مواساتك
فهناك من يستنزف الطاقة الكامنة فيك،ثم يطفئك ويذهب