Бул жалбырак күзгү жаратылыштын жомоктой бир бөлүгү.Кочкул кызыл жана алтын сары түстөрү бири-бирине жуурулушуп,жалбырактын ар бир венасы көзгө урунат. Четтериндеги назик, учтуу формалары жалбыракка өзгөчө бир сулуулук кошуп,ар бир түс жылуу күздүн акыркы нурундай, өзгөчө бир табигый көркөмдүктү чагылдырып тургансыйт.Күздүн кооздугу дал ушундай жалбырактардан көрүнөт го деп ойлойм.

Родители обманывают своих детей, чтобы скрыть от них вещи, к которым дети, по их мнению ещё не готовы. Так же точно и дети, подрастая, скрывают от своих родителей то, что считают недоступным родительскому пониманию.

Пол Экман «Психология лжи»

Бүгүн өзгөчө бир жагымдуу күн болду. Шаарды айлана басып бара жатып, кичинекей гүлдөр өскөн жерде учуп-конгон түркүн түстүү көпөлөктөргө көзүм түштү. Алар бири-бири менен ойногонсуп, кооз канаттарын желпилдетип, ар кандай гүлдөрдүн үстүндө күүлдөшүп жатышты. Алардын сулуулугун көрүп, түз эле өтүп кете алган жокмун, жарым сааттай ошол көпөлөктөргө суктанып, жылмайып карап турдум. Бир тараптан видеого тарткым келип, бирок жандарына жакын бара албай, чочутуп аламбы деп ойлодум.

Жолумду улай баратып, бир маалда, айлан көчөк жемпиримде жайбаракат жылып бара жатканын байкадым. Өзүнүн жаркыраган түсү менен көңүлүмдү бурду. Дал ошол жерден айлан көчөкө “Кызгылтым” деген ат коюп, Кызгылтымдын фону менин жемпиримде ансайын анын кооздугун ого бетер ачып турду.

Акыры бара турган жериме жеттим. Салтанаттуу кече башталды, ал жакта мамамды “Жылдын мыкты мектеби” деп урматтап, кызыл лента жана Ардак баракчасы менен сыйлашты. Бул чоң кубанычтан соң, концерттик программа башталып. Кеченин көркүн кыздар кыргыз бийи менен ачышты. Узун этек көйнөктөрү желбиреп, ар бир кыймылы назиктик менен чеберчиликке толо эле. Колдору менен жасаган ар бир ишарасы, шамалдай жеңил. Кыздар бирдей кыймылдап, ар бир кадамдарынын тактыгы менен байкалып, жумшактык, назиктик алардын бийине кошулуп турду. Ар бир кыймылдары менен кыргыздын маданиятын, тарыхын жана жаратылышка болгон сүйүүнү чагылдырып жатышкандай.

Өзүмдү жалгыз табията бийчилерге суктанып карап отургандай сезиндим.

“Кызгылтым”🐞