Бугуннинг кўп кирдикорлари,
Дил ғашликка чўкар бидъатдан.
Илм аҳли қолиб, ғарлари
Дарс беради маънавиятдан.

Кўч-кўронин кўтарди уят,
Андишанинг боши эгилди.
Ҳақни айтиб қўймоқ - жиноят,
Бир авлод-ки - мажруҳ туғилди.

Вужуд - тўқдай, руҳ - оч, эзилган,
Туйғулар ҳам яланғоч, совуқ.
Мувозанат чархи бузилган,
Юракларда бир туман оғриқ.

Сўқир кўздек пайпасланди ор,
Қўлларидан тутди шарманда.
Бир нажотдек кўринади дор,
Бир нажот бор у ҳам армонда.

Ўхшаб қолар балки эртамиз,
Вақтли ётиб, уйғонсак вақтли.
Биз ухлар чоғ битта бетамиз,
Эгалласа нетамиз вақтни?

Битта имдод керак Тангридан,
Балки шу йўл бахтга элтажак.
Йўлсизликда шунча изғиган,
Кутармикан халқни келажак?!

27.05.2024

t.me/Komil_Majid_Turon

"Жиззах овози" жамоасидан янги йил совғаси.
Ижодкорларга ташаккур!

t.me/Komil_Majid_Turon

Қумда қўрғондек умр,
Зумда изим ювилар.
Келган баҳорим қадр,
Топмай кузим кўринар.

Умрим йўли олдинда,
Гўё узун туюлар.
Аммо боқсам ортимга,
Бунча ҳузун кўринар.

Дайдиган елдек ҳаёт,
Бир кун сокин қуюлар.
Интилсам токим нажот
Топар роҳим кўринар.

Тоатга қилмай тоқат
Ўткан вақтинг сўралар.
Ўшал дамда бир фақат
Тақво - нақтинг кўринар!

31.12.2024 21:46

t.me/Komil_Majid_Turon

Дунё - кўзимга тор, кўнглимга кенгдир.
Алам – бошимга дор, кўнглимга емдир.
Ғамдан улғайдим мен, шодликдан чўксам,
Шундан қуримайди, кўнглимда намдир.

t.me/Komil_Majid_Turon

Жорж МакЛорин 1948 йилда Оклахома Университетига ўқишга кирган биринчи қора танли эркак. У оқ танли ҳамкурсларидан узоқроқда алоҳида бурчакда ўтиришга мажбур эди.
Бироқ унинг номи университетнинг энг яхши уч студенти сифатида фахрий рўйхатдан жой олиб турибди. Мана унинг сўзлари: «Айрим курсдошларим менга маҳлуққа қарагандай қарашарди, ҳеч ким менга бир оғиз ҳам гапирмасди, ўқитувчилар учун мен гўё йўқдек эдим, улар мен сўраган саволларга эътибор ҳам қилмай, жавобсиз қолдиришарди. Бунга қарамай, мен ўзимни ўқишга шу қадар бағишладимки, охир оқибатда улар ўзларида пайдо бўлган саволларга тушунча олиш ёки аниқлик киритиш учун мени қидиришадиган бўлди».

Хулоса: ўзингизни одамлар томонидан қабул қилишга мажбурлаш- вақтни зое кетказишдир. Шунчаки ўз қадрингизни оширишга эътибор қаратинг, шунда одамларнинг ўзлари ёрдам сўраб келишади...

t.me/Komil_Majid_Turon

Катта бизнес

t.me/Komil_Majid_Turon