Germaniyaga borishni istovchilar uchun ,chunki bu suhbatga tayyorgarlik koʻrishni örgativchi kitob mahsus sizlar uchun .

Yaqinlaringizga ham ulashing

👉https://t.me/nemistili_oson

Bu yerda siz 100 ga yaqin eng ko'p qo'llaniladigan fe'llarni ko'rishingiz mumkin va o'ylaymanki juda ham foydali bo'ladi. Osonroq bo'lishi uchun o'zbekcha tarjimasi bilan berildi. Va agar siz boshqacharoq shaklda, misol uchun tarjimasiz yoki yana ham murakkabroq holatni hohlasangiz comment da fikr bildiring biz aynan sizga maqul keladigan materiallarni ulashishga xarakat qilamiz

Omon bo'ling

Dr.Zinc

Shoshilish hissi

O’zbekistonda 25 yoshgacha bo’lgan aholi soni: 14,2 million

Norvegiya, Finlyandiya, Estoniya, Latviya. Bu 4 ta davlat jami aholisi 14,2 million

Siz 20-25 yoshdasiz: raqobatni his qilyapsizmi?

Kelajagingiz haqida qayg’urish vaqti allaqachon kelgan

Shoshilish zarur!

Iqtisodiy raqobatda yutib chiqishning sinalgan va eng samarali usuli bu bilim olish orqali.

Jamiyat uchun kerakli bilimlar o’rganish uchun birinchi qadam bu til o’rganish.

Faqat o’zbek tilidagi ma’lumotlar bilan raqobatda ishtirok etish qiyin, azizlar!

Til o’rganish bu safarning boshi, manzil emas.

Bek Olimjon
06.12.24
Oslo, Norvegiya

#iqtibos #duo Ko’pchiligimiz Allohdan duo qilib so’raymiz. Turli narsa-buyumlar, daromad, mashina va hokazo. Lekin shu hammasiga yetkazadigan, so’rayotganimizdan ortig’iga ham yetishtira oladigan ilmni so’ramaymiz. Biz doim mayda maqsadlar bilan o’ralashib…

#iqtibos

#duo

Ko’pchiligimiz Allohdan duo qilib so’raymiz. Turli narsa-buyumlar, daromad, mashina va hokazo. Lekin shu hammasiga yetkazadigan, so’rayotganimizdan ortig’iga ham yetishtira oladigan ilmni so’ramaymiz. Biz doim mayda maqsadlar bilan o’ralashib qolganmiz. Natijada butun millatimiz mayda millatga aylanib bo’ldi.

Duo ortidan birdan katta imkoniyat kelmaydi. Ayniqsa, ilm so’rayotganlar tayyor turing, kuchli qiyinchiliklar sizni kutyapti. Aynan, shu qiyinchiliklar sizni kuchli, tajribali va oqil qiladi. Lekin unutmaylik, faqat duoni o’zi bilan spontan tajribali bo’lib qolmaymiz. Hatto Jabroil kelib quchoqlasa ham tajriba, tarbiya va bilim olishda og’riq, qiyinchilik his qilamiz. Demak, duoni o’zi bilan ham aqlli yoki tajribali bo’lib qolmaymiz ekan.

#tarbiya

Tarbiyaning ahamiyati hayotda juda ham katta. Uni eng boshlanishi ota-onadan boshlanadi. Lekin unutmaylik, ularning tarbiya qila olish chegarasi bor. Qolgan muhim tarbiyani atrofdan, qiyinchiliklardan, yangi o’zimiz o’rnatgan qoidalardan olamiz.

Bu gapimdan keyin ko’pchilik ota-ona tarbiyasini yerga uryapsanmi?,- deyishlari mumkin. Lekin tarbiya va odob bo’yicha barchaga o’rnak bo’ladigan inson Payg’ambarimiz solallohu a’layhi vasallam timsoliga boqing. Ular otasiz yetim holida tug’ildi, go’daklik vaqtidayoq chin yetimga aylandi. Amakilari va atrofdagi insonlardan, hayotdagi turli qiyinchiliklardan tajriba va tarbiya oldilar. Demak, tarbiya, aql va tajribada faqat ota-onani ta’limi bilan cheklanib qolish ham noto’g’ri ekan.

#ustoz

Bizdan oldingi olimlar shogirdi o’zidan ma’lum yuqori darajaga chiqqandan so’ng, o’zidan kuchliroq ustozga yuborganlar. Chunki u borini berib bo’ldi. Demak, ustozlarning ham tarbiya bera olish chegarasi bor ekan.

#musofirlik

Musofirlik bu yangi challengelar va qiyinchiliklar degani. Bu sizni yanada kuchli va tajriba qila oladigan hayotingizdagi muhim jarayon. Aniqroq aytadigan bo’lsak, sizni mustaqil hayotga tayyor qiladigan eng muhim bosqichlardandir. Undan tashqari, siz aslida qiymatli, sizni ko’zingizga doim bir xilda xuddiki qadrsizdek ko’rinayotgan ne’matlarni qadr-qimmatini sizga ko’rsatuvchi eslatmadir(ota-ona, oila, yaqinlar va ular bilan 10 daqiqalik suhbatning qadri). Demak, musofirlikni ham tarbiya, tajriba va aql uchun katta ahamiyati bor ekan.
Ayrim insonlar bu hayotiy tarbiya va qiyinchiliklardan ham to’g’ri xulosa olmaydilar. Bu qiyinchiliklarda kimlarnidir ayblaydi yoki bu davr mobaynida kerakli xulosani olmaydi. Bunga sabab uning miyasidagi mediatorlar(xulq-atvorimizni belgilashda muhim ahamiyatga ega moddalar) ta’siridir. Ammo inson tanasi bir xil holatda qoladigan muqim qilib yaratilmagan. U juda ham o’zgaruvchan va moslashuvchan. Vaziyatga qarab miyadagi mediatorlar miqdorini yoki retseptorlarni ham qayta tartiblay oladi. Demak, tarbiyada psixogenetikani ham ayblay olmas ekanmiz. Lekin uni ham qanchadir o’rni ta’siri qoladi. Quvnoq insonni ming tarbiyalamang, odobli quvnoq insonga aylanadi.

#maktab #oliygoh
Bu maskanlar ham hayotimizda qanchadir ahamiyatga ega. U yerdan ham biz ko’plab tajribalar va bilimlar olamiz. Lekin ba’zida bu maskanda ham bizni dunyoqarashimiz, aqliy salohiyatimiz, o’rganish usulimizga, imijimizga mos keladigan ustoz chiqmasligi mumkin. Chunki O’zbekistonda hozir katta o’tish davri ketyapti. Sovet tarbiyasi va zumerlar dunyoqarashi orasida katta konflikt bor. Ustozlarimizda aynan shu zumerlar uchun mos bo’lgan ta’lim, tarbiya metodikasini topishimiz biroz qiyinroq. Aytgancha, bu dargohlardan hech narsa olmay ikki xil insonlar yetishyapti: 1. Tajribasiz kadr. Chunki u mustaqil hech qayerdan ta’lim olmagan. 2. Tajribali kadr. U ustozlarga qarab o’tirmasdan mustaqil manbalar orqali ta’lim olishni tanlagan. Va unga endi hech kimning keragi yo’q. Demak, qaysidir dargohdan umid qilib, ulardan buni talab qilib o’tirsak ham vaqt masalasida yutqazamiz. Chunki bitta bilimli kadr uchun 15-16 yil vaqt ketadi.

Xulosa, harakatni to’xtatmang. Kimdandir kutib ko’p vaqt sarflamang. Mustaqil bo’ling, produtsent bo’ling, taslim bo’lmang, doim qayta-qayta urunib ko’ring.🏂

Dovudbek Tursunov

ILM MAGNATLARI — "ILON MASK" #ilonmask #ilonmusk
https://youtube.com/watch?v=NYk_52ELSEY&si=B7DZyI4ercG2iSdf

#tavakkal_qilishdan_qorqma

Biz ongsiz, hech narsani tushunmaydigan, qo’polroq jumla ishlatamiz ishtonimizni xo’llab qo’yadigan darajada turganimizda hozirgidan tavakkalchi bo’lganmiz.

Chunki biz ikki kishini o’limiga sabab bo’lishi mumkin yo’lni bosib o’tganmiz. Bu yerda gap tug’ruq haqida ketmoqda. Eslab ko’r, sen onang va o’zingni o’limingga sabab bo’ladigan yo’lni qo’rqmay bosib o’ta olding.

Hozir esa quvvatlisan, aqllisan, ota-onang qaramog’idasan, yetarli tajribaga egasan, lekin harakat qilishdan, urunib ko’rishdan qo’rqyapsan.

Bu instikt edi, unga onam ham yordam bergan, to’g’ri hozirchi! Oldingidan kuchliroq qo’llov ostidasan, chunki otang va yaqinlaring ham bor.

Natijani o’lchovlarga qo’yma. Bu ha deb har tarafini o’ylab o’tirishing kerak emasligini anglatadi. Qisqa o’ylsa, shu yo’lda tajribali, kerakli insonlardan maslahat ol va yugur.

Bu yerda men o’zimga qarata yozyapman. Shuning sen jumlasini ishlatyapman. Barchaga omad!

Dovudbek Tursunov

#umr

O’tayotgan har soniya sening umringdir.

Hayot shunaqangi qisqaki, shu postni agar telegram tarmog’i saqlanib tursa, 10 yildan keyin pin qilaman. Va bu vaqt bizga 1 kundek o’tib ketganini birgalikda his qilamiz.

Biz hech qachon vaqt bilan jangda yutqazmasligimiz kerak. Aniqrog’i biz bunga majburmiz. Biz adolatsiz dunyoda yashayapmiz. Muammolarimiz ko’pligi uchun ularni yechimini topishdan ko’ra, ularni o’ylab o’tirishga, bu muammolar uchun kimnidir har kuni ayblashga va barcha narsadan, shu qatori bu ishni bizga kimdir qilib bermaganidan shikoyat qilishga sarflab yuboryapmiz.

Bu tabiiy jarayon. Bunga turli iqtisodiy, siyosiy va mafkuraviy omillar ta’sir etadi. Lekin hamisha yo’l bor va topiladi.

Biz bizdan oldingi 70-100 yillikdagi ajdodlarimiz xatolarini takrorlamasligimiz kerak. Biz tezroq iqtisodiy, siyosiy, mafkuraviy rivojlanib, qayta qaysidir davlatga mustamlaka bo’lishdan saqlanishimiz kerak.

Bu o’rinda esa seni umring, seni vaqting hamma uchun kerak. Umringni behuda narsalar bilan o’tkazib yuborma. Har kuni sozlamalar bo’limidan telefon ekrani uchun sarflagan vaqtingni kuzatib bor. Qancha vaqting behuda ketayotganini raqamlarda ko’r. Bu biroz senga ruhiy zarba bo’ladi. Vaqtingni qadrlay boshlaysan.

Ba’zi bir insonlar shunaqa ulkan maqsadlar qo’yadiki, u maqsadlarga 2-3 ta umr yetmaydi. Sen ham shunday maqsadlar qo’y.

“ Agar hozir Qiyomat qoyim boshlansa, qo’lingdagi daraxt ko’chatini ekib qo’ygin “
Tafakkur qilamiz, bizdagi qiyinchiliklar oxiri zamondagi daxshat va qo’rquv oldida qanchalik zarracha ekanligini ko’ryapsizmi! Shu holatda ham o’zingni qo’lga ol, qo’rqma, vahimaga tushma, dadil bo’l, qilayotgan yoki qilmoqchi bo’lgan yaxshi ishingni yakunlab qo’ygin. Bu qanday umrni bir nafas olgulik lahzasidan ham samarali foydalanishga undovchi hadis.

Boshqalarning umrni qanday o’tkazayotganiga e’tibor berma. Hammani o’zini umri bor, o’zining biologik soati(sirkada sikli) bor. Ularning ayrimlari senga quloq tutadi, ularga bitta ogohlantirish yetarli, ayrimlariga butun umrlik tanbeh ham yetmaydi. Sen o’zingni shaxsiy soatlaring bilan mashg’ul bo’l, natijalaring ko’rinishi bilan hamma seni aytganingni qila boshlaydi. Chunki sen ular kutmagan ishlarni qilib bo’lding.

Unutmaylik do’stlar, dunyodagi eng qimmatbaho narsa vaqt. Pul bilan ham, qurbonlar bilan ham buni qaytara olmaysiz. Qanchadan qancha dunyo hukmronlari ham oramizda hozir yo’q.

ILTIMOS, DO’STIM VAQTING HAMMA UCHUN KERAK. UNI BEHUDAGA SARFLAMA, UNI QADRLA, MOASHINGNI SARHISOB QILGANDEK UNI HAM HISOB KITOB QILIB YUR.

Nimadandir foydalansak va yakunida undan qanday foydalanganlik hisobini topshiradigan bo’lsak, albatta o’sha narsadan tartibli, e’tiborli, unumli foydalanamiz. DO’STIM HISOB-KITOB VAQTI YAQIN.

Vaqt ichidan vaqt top. Qachon senda nimadir qilishga vaqt bor?
1. Yo’lda ketayotganda mumkin: podcast eshitish, audiokitob eshitish, juda tartibsiz harakatlanadigan mashina bo’lmasa, kitob o’qish mumkin. Bilaman, sen ham men qatori bu vaqtni telefon o’ynash, ijtimoiy tarmoqlarga sarflayapsan.

1. Ertaroq turish(iqtidor va imkoniyatingga qarab) va kechroq(23:00) uxlash mumkin. Ertalabki uyqu shunaqa shirinki, undan hech ham voz kechging kelmaydi. Sababi oddiy, tanamiz kam foyda keltiradigan yoki zararli narsalar doim bizga yoqadi. Uxlab o’tkazib yuborayotgan vaqting ham seni umring.

2. Aylanish, foydasiz yig’ilishlar, keraksiz tadbirlarda judayam ko’p qatnashish. Ularni ham aniq tartib va o’lchovi bo’lgani yaxshi. Chunki, vaqtingni tejash uchun o’ylab qadam bosishing kerak.

Qolgani o’zingga bog’lik. Yo harakat qilib nimalardir qilasan, yoki shunchaki hammani ayblab, nolib shu yotog’ingda yotaverasan.

Zamon shunaqa tez harakatlanyaptiki, seni harakatingni sekinligi ham orqada qolib ketishing uchun yetarli.

Unutma do’stim, o’tayotgan vaqt sening umring!

Dovudbek Tursunov

Ҳорасан, толасан, ҳаммасига қўл силтамоқчи бўласан, шу вақт сенга суяниб турганларга қарайсан… Йиқлишга, чекинишга ҳаққинг йўқлигини англайсан. Уларнинг суянгани қадар кучли, сабр-бардошли бўлишга ҳаракат қиласан.
Чунки сен — эркаксан!

@IkromSharif

Shu mavzuni o'qib chiqaman. Boshqa manbalarni ham ko'raman. Bu haqida alohida suhbat qilamiz. Muddati hozircha noma'lum, lekin manfiy hissiyotlar tanamizni qay holatga keltirishini bilishim kerak. Tanam bunaqa negativ dasturda qanday holatda ishlayapti, bu menimcha hamma qiziq.

Shuning uchun hadislarda aytilgan bo'lsa kerak " Qilmasangiz ham yaxshi niyat qiling, shu niyatga ham bitta ajr bor".

Suhbatni kutamizmi? Reaksiyalar orqali ishtiyoqingizni bilib olaman.🏂