Убаастабыллаах Герой Егоров, Партизан Заболоцкай, Дүпсүн совхозтарга араас кэмнэргэ үлэлээбит үтүөкэннээх үлэһит дьоммут, бүгүн совхозтар 50сыллаах үбүлүөйгүт күнүн бэлиэтиир дьоһун мааны тэрээһининэн Уус-Алдан улууһун дьаһалтатын, тус бэйэм ааппыттан итиитик-истиҥник э5эрдэлиибин! Ба5арыам этэ бука барыгытыгар чэгиэн доруобуйаны, кырдьары киэр кыйдаан уһун дьоллоох оло5у!!! Эһиги оччотоо5у кэмҥэ таһаарыылаах үлэни ыыппыт улууспут аатын элбэхтэ ааттаппыт туруу үлэһит дьон буола5ыт! Өссө төгүл үөрүүлээх үбүлүөйгүт күнүнэн!!! Э5эрдэни кытта Уус-Алдан улууһун дьаһалтатын баһылыга Баһылай Омуоһап

Күндү Уус-Алдан улууһун быыбардааччылара! Бу ыытыллыбыт, дойдубут салайааччытын талар быыбарга, олус тэрээһиннээхтик кыттан, хаһан да буолбатах үрдүк көрдөрүүнү биэрдигит!!! Ол курдук, Владимир Владимирович Путин туһугар 91,93% куоластаабыккыт иһин Уус-Алдан улууһун дьаһалтатын, улуус быыбарын штабын, тус бэйэм ааппыттан дириҥ махталбын тиэрдэбин!!! Хас биирдии нэһилиэк дьоно дириҥник бэйэтин эппиэтинэһин өйдөөн, дойдубут инники оло5ун ким салайыахтаа5ын итэ5эйэн куоластаабыккытыгар бар5а Махталбын тиэрдэбин !!!
Куруук маннык сомоҕолоһуулаах, түмсүүлээх, көхтөөх-тэрээһиннээх буолуохха!!! Дойдубут чэчирии сайдарын туһугар үлэлиэххэйиҥ-хамсыаххайыҥ, айыаххайыҥ-тутуоххайыҥ! Бука барыгытыгар чэгиэн доруобуйаны, олоххо ситиһиини, дьолу-соргуну баҕарабын! Барыгытыгар өссө төгүл Бар5а Махтал буоллун !!!
Эрэли кытта В.Аммосов

Сардаана сибэккилии сандаарыҥ, күн бытархайыныы күндээриҥ, күлэн-үөрэн мичилийиҥ!
Таптааҥ-таптатыҥ! Кэнчээри ыччаккыт кэхтибэт кэскилин, төлкөлөөх түөрэҕин түстээҥ!

Истиҥ эҕэрдэни кытта
Уус Алдан улууһун аҕа баһылыга В.И.Аммосов

Күндү Уус Алдан улууһун кэрэ Куолара,
Далбар Хотуттара!

Эһигини тус бэйэм уонна “Уус Алдан улууһа” муниципальнай оройуон дьаһалтатын аатыттан маҥнайгы сааскы бырааһынньыгынан - Аан дойду дьахталларын күнүнэн ис сурэхпиттэн эҕэрдэлиибин!
Бу олус чаҕылхай, сырдык бырааһынньык сандал саас саҕаланыытын, күн уһуурун, айылҕа уһуктуутун кытта сөп түбэһэринэн ураты суолталаах.
Сир үрдүгэр таптал, кэрэ иэйии дьахтары кытта дьүөрэлии. Ийэ, кэргэн, эбээ, балыс, эдьиий – киһиэхэ саамай күндү, тапталлаах дьоммут. Эһиги дьиэ-кэргэн туллар тутаахтара, сырдык сылаас эйгэтэ буолаҕыт. Эһигини оҕо төрөөн, улаатар ньээкэ уйатын, эр киһи кута-сүрэ тохтуур отуутун араҥаччыларынан билиниэбит уонна сыаналыыбыт.
Дьахтар тулуура-дьулуура орто дойдуга или-эйэни, үтүөнү-кэрэни сайар, дьиэ-кэргэни түмэр, ситимниир.
Күндү кэрэ аҥаардарбыт, алаһа дьиэҕит иһигэр нус-хас, сарсыҥҥыга эрэллээх олох олохсуйдун.
Эркин курдук эрэллээх эр дьоҥҥут күөнүгэр дьахтар быһыытынан толору дьоллонуҥ!

*👍 *Аҕа сылын бэлиэтин оҥоруу кыайыылааҕа билиннэ

Быйыл улууспутугар Аҕа сыла биллэриллэн турар. Ол бэлиэтин оҥорууга куонкурус биллэриллэрин туһунан улуус баһылыга Василий Аммосов тохсунньу 11 күнүгэр дьаһал таһааран, үлэлэри дьүүллүүр анал хамыыһыйа тэриллибитэ. Куонкурус ыытыллар кэмэ төһө да кылгас буоллар кыттааччылар үлэлэрин балачча киллэрбиттэрэ.

Көрүү түмүгүнэн кыайыылааҕынан Бээрийэ оскуолатын дириэктэрин хаһаайыстыбаннай чааска солбуйааччы Евгений Сивцев кыайыылааҕынан тахсан, бүгүн улууска Аҕа сылын бэлиэтиир тэрээһиҥҥэ Евгений куонкуруска кыайбытын туоһулуур диплому уонна харчынан сертификаты улуус баһылыгыттан Василий Аммосовтан тутта.

Cиһилии мюрюгазета.рф*✅*@uamurusahargata@ulusmedia