Доlа дарца а, гечдар дехарца а И цхьаъ вар важиб ма-хиллара, болх Цунна тlебилларца И (АллахӀ) цхьаъ вар а ду хьуна и важиб.

Iадлан Харачо.

АЛЛАХӀАН ГЕРГА ВАХА ДАН ДЕЗАРГ, ИШТТА, АЛЛАХӀАН ХЬО ДУКХА ВЕЗИЙТА ДАН ДЕЗАРГ А...

АллахӀа боху къудс хьадисехь: «Лай суна герга хира ма вац цхьана хӀуманца, Суна и чӀогӀа дукха дезаш, йа цулла дукха дезаш кхин дерг даъ доцуш, Аса цуьна фарз динчул...»
Цуьнан маьӀана, АллахӀа Шена уггаре чӀогӀа дукха дезаш долу хӀума, хьуна Ша фарз дина долу хӀума, и ахьа кхочуш дар ду боху.
Хьо АллахӀа герга, АллахӀа тӀе диллина долу фарз кхочуш деш доцуш, хиллуша вац хьуна. Хьо АллахӀа герга хила гӀерташ валахь, уггар чӀогӀа хьо АллахӀа герга вуьгур дерга, уггар чӀогӀа хьо АллахӀа герга ваха, АллахӀа дезаш дерга, иза хьайна тӀера ахьа фарз кхочуш дар ду.
Фарз хӀун ду, ламаз, марха, закат, хьажа, иштта зудчун шен духар, хьиджаб, боьрша стага шен маж лелор, иштта кхи мел ду уьш, рузбане вахар, иштта кхин дӀа а, муьлха АллахӀа фарз дина хьуна тӀе диллинарг ду ахьа АллахӀа герга ваха лело дезаш. Уггар хьалха фарз кхочуш дан дезаш ду, цулла хьалха хӀумма дан дац.
Цул тӀаьхьа боху цу хьадисехь АллахӀа, къудс хьадисехь : ...Сан лай соцура ма вац, суна герга хуьлучер, суннаташца, Суна иза дукха веза валлалц»
Сурт хотта де, АллахӀа дечу къамеле, хьуна АллахӀа дукха везарам иза цхьа ша хӀума дара, амма АллахӀан хьо дукха веза боху хӀума, иза инзаре хӀума ду. АллахӀан хьо дукха веза валийта ахьа кхочуш дан дезар, фарзаш кхочуш деш волуш, оцу суннаташкахь хьо сов вийлар.
АллахӀан хьо дукха везачу дарже хьо кхочуш вац хьуна, хьо деккъа фарзаш кхочуш деш мел ву, хьо цу суннаташкахь сов вуьйлуш вацахь, хьайна мел доьвзуш долу суннат кхочуш деш, ца доьвзарг довза гӀерташ, хьо оцу суннаташкахь сов валахь, тӀаккха кхочу хьо оцу дарже, АллахӀа хьо дукха веза дарже.»

- Пайхамара (саллаллахӀу ӀалайхӀи ва саллам) ма-дарра суннатехь Ӏумрат дар довзуьйтуш яздина Шайх Халид ЖухӀанин «Кайфа таӀтамиру камаӀтамаран-набиййу» цӀе йолу жайна

©Ӏадлан Харачо
https://t.me/san_beshar

Хӏара вайн вешин агӏо ю, пайда эца!

https://t.me/abdussalam_beno

Довхо даима шен хӀуманна тӀера ара а иккхина, дехьа хӀуманна тӀе лелхар уггар хьалхара далил ду, иза эшна хилар, цуьнан дало хӀума цахилар, цуьнан дийца Ӏилма цахилар. Дийца Ӏилма шен ца хилча тӀаккха волуш ву иза дехьа верг сакхте ван. Дехьа волчунна хӀума ала тӀаккха волалуш ву и. Шен Ӏилманан агӀора дийца хӀума чекхдаьлча, кхин шен дало хӀума ца хилча, ша дуьйцуш долчуьнца нах шех тешалур баций ша кхетча, тӀаккха шен довхочуьнан хӀуманна тӀекхийда волало иза, цуьнан сий тӀекхийда волало иза, и бехван волало иза, нах цунах къахкорхьама, цунах къаьхкина нах тӀаккха шена схьабогӀур бу, шега ладугӀур ду цара, ша бохучу некъа тӀе бевр бу уьш олий. Иза - уггар эшна хиларан хьалхара тоьшалла ду.

Ӏадлан Харачо

Вайна башхалла яц Ибн Таймиййат хилча а, я Iабдул-ВаххIаб хилча а, я кхин милла а хилча а. Вайн некъахь кху Ӏеламстага аьлла аьлла тӀаьхьахӀуттуш Ӏеламстаг вац. Кху Ӏеламстага аьллехь чекхдаьлла иза аьлла хьалхаваьккхина Ӏеламстаг вац вайн! Вайн некъан низам а дац иштта! Муьлхха а кхийолу тобанан: муӀтазилийн тоба, ашӀарийн тоба, матуридийн тоба, жахӀмитийн тоба, шиӀийн тоба, хаварижийн тоба, муржиӀийн тоба - муьлхха а кхарах схьалаьцча церан коьртехь цхьаъ караво-кх хьуна, цхьанна тӀера схьадоладелла аьлла. Ткъа вайн некъан - цхьаллиг-цхьаъ вац! Ахь валаве цхьаъ! И валош верг а нах къахкорхьама, харцонца валош ву. Ӏабдул-ВаххӀаб а ву, Ибн Таймиййат а ву. Ӏабдул-ВаххӀаба а, Ибн Таймиййата аьллера аьлла царна тӀетевжина дац вай, цу шиннах Дела а, я Пайхамар вина а дац вай! Я дац вай, тахана дийна волу Шайх и велахь а, цо аьлла долчу хӀуманна тӀехь, кхо хӀара аьлла, кху Шайхо боху, кху жайнахь бахахь чекхдаьлла иза бохуш юьхьарлаьцнарг вац вайн! Вай юьхьарлаьцнарг цхьа Къуръан ду, хьадис ду. Далил дуй? И хьамма бахахь а вай и къобалдеш ду! Даций далил, и хьамма бахахь а вай иза юхатухуш ду!

Ӏадлан Харачо
https://t.me/vay_nohchiy