⚡️⚡️⚡️

SHARQ XALQLARI TILLARI VA ADABIYOTI INSTITUTI fan tanlovi haftasi dars jadvali

➡️@sharq_xabar

#Tabrik_Kendriya_Hindi_Sansthan

Ayni damda Hindistonnning Agra shahridagi Markaziy hindiy tili universitetida hindiy tilini oʻrganayotgan TDShU talabalaridan Oʻzbekistonimiz mustaqilligining 33 yilligiga bagʻishlangan maxsus tabrik!

✅ JJShOT kafedrasi telegram
kanalini kuzatishda davom eting!!!

https://t.me/Department_of_SSEAL_of_TSUOS

⚡️⚡️⚡️

? KECHKI TAFAKKUR ?

Ойдинларимиз - жадид боболаримиз хотираси обод бўлсин!

ГЎЗАЛ

Қоронғу кечада кўкка кўз тикиб,
Энг ёруғ юлдуздан сени сўраймен.
Ул юлдуз уялиб, бошини букиб,
Айтадир: мен уни тушда кўрамен.
Тушимда кўрамен – шунчалар гўзал,
Биздан-да гўзалдир, ойдан-да гўзал!

Кўзимни оламан ой чиққан ёққа,
Бошлайман ойдан-да сени сўрмоққа.
Ул-да айтадир: бир қизил яноққа
Учрадим тушимда, кўмилган оққа.
Оққа кўмилганда шунчалар гўзал,
Мендан-да гўзалдир, кундан-да гўзал!

Эрта тонг шамоли сочларин ёйиб,
Ёнимдан ўтганда сўраб кўрамен.
Айтадир: бир кўриб, йўлимдан озиб,
Тоғ ва тошлар ичра истаб юрамен!
Бир кўрдим мен уни – шунчалар гўзал,
Ойдан-да гўзалдир, кундан-да гўзал!

Ул кетгач, кун чиқар ёруғлик сочиб,
Ундан-да сўраймен сенинг тўғрингда.
Ул-да ўз ўтидан бекиниб, қочиб
Айтадир: бир кўрдим, тушдамас, ўнгда.
Мен ўнгда кўрганда шунчалар гўзал,
Ойдан-да гўзалдир, кундан-да гўзал!

Мен йўқсил на бўлиб уни суйибмен,
Унинг-чун ёнибмен, ёниб-куйибмен,
Бошимни зўр ишга бериб қўйибмен,
Мен суйиб… мен суйиб кимни суйибмен?
Мен суйган суюкли шунчалар гўзал,
Ойдан-да гўзалдир, кундан-да гўзал!

©Абдулҳамид Чўлпон

➡️@sharq_xabar

⚡️⚡️⚡️

? KECHKI TAFAKKUR ?

Устозининг пурмаъно жавоби

Форс подшоҳларидан бири ўғлига таълим-тарбия бериш учун доно ва тадбирли бир зотни устоз тайинлади. Унинг саъй-ҳаракати туфайли шаҳзода илму одобда камол топди. Бир куни устози уни сабабсиз қаттиқ урди. Бола катта бўлгунича бу иши учун устозидан ранжиб, унга нисбатан ич-ичидан кек сақлаб юрди. Хаёлидан ўша сабабсиз урилган калтак сира нари кетмасди.
Орадан анча йиллар ўтди, кексайган подшоҳ вафот этди. Сўнг тахтга шаҳзода ўтирди. Янги подшоҳнинг илк қилган иши устозини ҳузурига чорлаш бўлди. Уни саволга тутди:
– Устоз, фалон йили, фалон куни ҳеч бир сабабсиз, қаттиқ урган эдингиз. Нима сабабдан бундай қилгандингиз?
– Эй подшоҳ, илму одобда камолга етганингизни кўргач, тушундимки, сиз отангиздан сўнг тахтга ўтирасиз. Шунда келажакда бирор кимсага зулм қилмаслигингиз учун сизга калтак оғриғини, зулм аламини тоттирган эдим.Подшоҳ устозининг бу пурмаъно жавобидан мамнун бўлиб: «Аллоҳ меҳнатларингизнинг ажрини мукаммал қилиб берсин», деб устозини совға-саломлар билан кузатди.

➡️@sharq_xabar

⚡️⚡️⚡️

? КЕЧКИ ТАФАККУР ?

Oltindan soʻrdilar: " Yomon yonding-a,
Seni yoqqanlarga nafrating bordur?"
Oltin javob berdi: "Tushsa yodima,
Oʻzgacha muhabbat koʻnglimga yordir:

Bilasizku meni sal oldin damlar
Tuproqqa qorishiq yalloligimni,
Yondirmasa edi bugun odamlar,
Oʻzim ham bilmasdim tilloligimni.

Bugun mehmon boʻldim ulugʻ zargarga
Odamlar poyimda koʻz yosh toʻkurlar.
Tashakkurlar meni yondirganlarga,
Yongan kunlarimga behad shukrlar!"

Ey koʻnglim, yigʻlama, chekaverma gʻam,
Quyosh kulib qolar qaro damlarga.
Oltinga aylansang bir kuni sen ham,
Tashakkurlar deysan yondirganlarga!

➡️@sharq_xabar