نعي للسيدة زينب عليها السلام

يامالك الروح .. جرح الگلب ملچوم  يامالك الروح
شوف الجره وياي ..اختك سبيه تروح  شوف الجره وياي
اركب على النوگ.. عگب الجفيل اليوم  اركب على النوگ
مااشكيي الحال..غير الأخوي حسين  مااشكيي الحال
طبتنه للشام...حمل الجبل فوگاي طبتنه للشام

خادم رقية عليها السلام
الشاعر مهند الدريساوي

لحن قصيدة تغربت مرتين ☝️☝️

**قصيدة استشهاد السيدة زينب عليها السلام
(تغربت مرتين )


غريبه تغربت مرتين
من مات العزيز حسين
مره بغربة أهل الشام
ومره بهايه هل ايام

ضمير اليابس العدهم
كون تسلمه الحطاب
كل الصار بأهل البيت
كله براس ابن خطاب
شجره امتدت من أعوام
صحابه وموصحابه اذياب
بقيتي الوحدج والسوط
نفسه بحضرتج ينجاب

يايمه الوگت وداج
يم وادم ولاتهواج
وادم ماتعرف اسلام
ومره بهايه هل ايام

ينعاد الزمن ويزيد
نفسه اتسمه جولاني
نفس الشله مال اوغاد
حاكم بيهه سفياني
كتبوا عنج ترحلين
وين الاصله شيطاني
وچن زينب تصيح بصوت
دهري لوين وداني

وحيده بالغرب وحدي
لا اهلي ولا جدي
ماادري بزماني شظام
ومره بهايه هل ايام

اعذرينه السنه ننعاج
من يم والدج حيدر
نعشچ بالنجف ينشال
يزينب واحنه نتعذر
احنه نعوفچ تموتين
وحدج يمه مانگدر
بس الواقع المشووم
خلانه احنه نتأخر

وحدج بالغرب تبقين
مكتوبه بسبي اتظلين
ويم أهل التحرگ اخيام
ومره بهايه هل ايام

تلهب بالگلب نيران
صار المرقد شُبعده
اريد من البواچي عليج
 اخلي عيوني بس رمده
عگب ذيچ المواكب صار
خالي ومرقدچ وحده
واتسلط عليه ملعون
يفتحه بكيفه ويسده

ملعون ويسد الباب
بغربه وماكو اي احباب
وممنوع اللطم وإعلام
ومره بهايه هل ايام

كون اجروحج التندار
يزينب منج العدنه
نشيل المرقد من الشام
نبني مرقدچ يمنه
واحنه شعدنه وي الشام
بس انتي وغلات امنه
كونج بالعراق اهناء
هذا ابسط حلمنه احنه

يم اخوانج تباتين
يمنه مدلله تصيرين
ونحرس گبرج ومن نام
ومره بهايه هل ايام#خادم-رقية-عليها-السلام#الشاعر-مهند-الدريساوي
جديد ١٣ رجب**

لحن قصيدة الشام بويه الشام

العنوان/ #الشام_بويه_الشام الشام بويه الشام
كبرتني ميت عام
لابيهم شريف انخاه
لاعباس اموت وياه
الشام بويه الشام
ه::::::::::::::::::::::::::::::::::::::

بعدهي اثار ركب النوگ هل بيه
اطب الشام ويصيحون مسبيه
بعدني اتخيل المگطوعه ترجيه
وبعدني اتخيل المذبوح يومية

اجروح فوگ جروح
من شوفت المذبوح
لايمي حسين الگاه
لأعباس اموت وياه
الشام بويه الشام
ه:::::::::::::::::::::::::::::::::::::

اجيت بمحمل المشيوله بيه الروس
وعفت خلفي الحسين مگطع ومديوس
وعفت ليل بوحشته وميت الفانوس
وعفت صدر الكفيل إسهام بس متروس

قصة تشيب الرأس
شجره وگطعهه الفاس
لاشوفن علي وارجاه
لاعباس اموت وياه
الشام بويه الشام
ه::::::::::::::::::::::::::::::::::::::

اجيت مدلله وعباس يمشي وياي
واكثر حرمه اني مشبعيني فياي
هسه بمحملي يمشي الشمر حداي
ودخلت الشام آه الشام بيد اعداي

وحدي واجاني الموت
وامالي بس تابوت
ودعته چنت اهواه
لاعباس اموت وياه
الشام بويه الشام

ه:::::::::::::::::::::::::::::::::::::::

عگب لمت الحنان ولمت الخوه
عكب ذيج الوجوه الشبعت مروه
عليله وبس اخوتي همه الي دوه
راحت وانتهت والفرگة موحلوه


وداع بويه وداع
مدفونه جوه الگاع
يابويه فلا أنساه
لاعباس اموت وياه
الشام بويه الشام
ه::::::::::::::::::::::::::::::::::::::

منو مثلي يشوف جروحه مطاره
ومنو بگدي تفشخ من الحجاره
آنه المادخلت الشام خطاره
اجيت مگيده وبحبال كفاره

غربه وحزن وهموم
والشامت المسموم
كلشي بالحجي سواه
لاعباس اموت وياه
الشام بويه الشام
ه::::::::::::::::::::::::::::::::::::::

اموت الوحدي ومن غير دفانه
شله بروحه البشر لوماتت اخوانه
آنه زينب يوادم غربتي هنانه
المضيعنه بالطف وين يلگانه

بالغربه ماكو اخوان
وحدي ولا وليان
لاكافل لكيت لواه
لاعباس اموت وياه
الشام بويه الشام#خادم_رقية_عليها_السلام#الشاعر_مهند_الدريساوي

عشكتك والعشك بالعين لوحيظ
بخت دربي المشيتة وياك لوحيظ
خطواتي اعلة دربك نور
ياخبزة بحلك تنور
يالمضوك اليتامى احساس
يالمعدل يبوالعباس
اشتم من ضميرك ياس
واسمك بالكلب خطيت
احلف ع اليضدك هاذ
شرط امة موبت بيت
لوبن زانية ومعروف لوحيظ
ماتقبل غلط والهاشمية

**مولد الامام علي عليه السلام

معشوقي محبوبي والينه.... علي

علي الوالي علي الغالي يدلالي........ علي
علي بروحي علي عيوني علي بالي.. علي
علي دربي علي بيتي علي أحوالي ..علي
ياهله بدلال روحي وياهله بامالي
خل كله تروح عني وتبقه انته الغالي
معشوقي محبوبي والينه ...علي

علي الاول علي الأوسط علي الاخر....علي
علي القائد علي الزاهد علي القاهر....علي
علي الگعبة علي القبلة علي الناصر....علي
انته اول ياعلينه  وانته كلك شاطر
وانته سيفك حاد يذبح من يشوف الكافر
معشوقي محبوبي والينه ...علي

علي كلي علي خلي علي عمري......علي
علي اهلي علي نفسي علي صبري...علي
علي رزقي علي بيتي علي فخري.....علي
انته يومي ياحبيبي عمري كله ودهري
انته ابياتي العزيزه والقصيدة وشعري
معشوقي محبوبي والينه .......علي

علي هيبه علي ولاية  علي راية .....علي
علي كلمة علي موقف علي حجاية...علي
علي انسي علي ونسي علي الثاية...علي
امي ربتني اعشگك ياحبيبي هوايه
اني من زغري وعليه تقره بيك قراية
معشوقي محبوبي والينة ....علي

علي الطاعن علي القائم علي الراكع...علي
علي الساجد علي العابد علي البارع..علي
علي اول منو يگلك علي الرابع ......علي
تشهد بخيبر چفوفه هو بيده القالع
حتارت الدنيا علينه بزغره شنهي راضع
معشوقي محبوبي والينة....علي


خادم رقية عليها السلام
الشاعر مهند الدريساوي**

قريباً سيتم نشر قصائد استشهاد السيدة زينب عليها السلام