درجات السلم نحو الحب الحقيقي في الزواج إيه ؟

ج/ (1) العلاقة الخاصة المنتظمة المتفاهمة.

(2) تبادل ألفاظ الحب والتقدير والثناء والفخر.

(3) تبادل تقديم الخدمات والتعاون المشترك في تحمل ما يمكن تحمله من مسؤوليات كل طرف.

(4) تبادل العطاء والهدايا.

(5) التخطيط الواعي والتنفيذ المنتظم لما يؤدي إلى وجود أوقات ممتعة خاصة بينكما غير العلاقة الخاصة، جلسات يومية، رحلات خاصة، فسح.

(6) تجويد القدرة على إدارة الخلافات وإتقان فن الاعتذار.

(7) إتقان فن الحدود والحقوق ومهارة التنازل الواعي عن بعضها، واحترام هذا التنازل وتقديم مثيله عند الحاجة من الطرف الآخر.

الشيخ أحمد سالم

س : طالع عيني ف الشغل وزوجتي بتقولي إنت مش بتهتم بيا ولا بتسأل عليا طول ما إنت ف الشغل ؟
هو أنا رايح أشتغل ولا رايح أهتم بيها هناك 😂 ؟!

ج : الإتنين يا عماد👌
هو ايه المانع لما تتصل بيها ف وسط اليوم تقولها
أنا حسيت إني تعبان من الشغل فقولت أكلم القلب يضخلي شوية دم عشان أقدر أكمل اليوم 😍❤️😂
وأنا مش بهزر يا حبيبتي إنتي فعلاً قلبي وسندي وأنا عايش بيكي 🤗
مكالمه ف دقيقه بس هتغير مودها وبسيطه صح 😂😍
دي فيها تلات أيام من غير نكد دي يا عماد 😂👋

وخد المفيد بقا : أجمل حاجه تحسس الزوجة بالإهتمام والحب إنك تهتم بيها ف عز انشغالك👌

#زواج_سعيد ❤️
محمد جمال خفاجي

يا شيخى هو فعلا الزوج مش واجب عليه ينفق على علاج زوجته ؟ 🤨

ج)
يعالجها ويداويها ويسهر تحت رجليها ..
وتخدمه وتطبخله وتراعي عياله وبيته وتحافظ على ماله ..
ويحبها .. وتحبه ..
ولو محصلش حب ..
تحترمه ويحترمها .. وتتودد له ويرحمها ..
والدنيا جميلة وبسيطة وزي الفل.
د محمد عطية

زوجتي الله يهديها بنبقى قاعدين تقولي هو ممكن تتزوج عليّ أقولها لا مستحيل يا حبيبتي، تقولي إيه يضمنلي وبعد كده تسرح مع نفسها وتتخيل إني تزوجت عليها خلاص وتروح قايمة متخانقة فيّ علشان أنا في خيالها تزوجت عليها، والله لو أعرف أطلع من خيالها لفعلت، ماذا أفعل؟

ج/ تعلم تطلع من خيالها : ))

هذه غيرة خارجة، فراعها وتلطف بها واستوصِ خيرًا.

الشيخ سالار حَسّو

من حق الفتاة أن تنظر _ في الرؤية الشرعية_ إلى ما يدعوها إلى قبول المتقدم لخطبتها كما يحق ذلك له كما هو متعارف عليه
دي نقطة بدهية جدا كنت فاكر إن مافيش داعي لذكرها أصلا
.
من شوية قرأت رد لأحد الأخوة على فتاة تسأله عما تفعل في الرؤية الشرعية , فرد عليها بأن تنظر إلى الأرض وتستحي من الحديث مع المتقدم , لأن الحياء أهم من الزواج ;D
وأن تترك أمر التقييم والتقرير لأبوها ولا حول ولا قوة إلا بالله
.
بصي يا بنتي
الزواج ده هو نقطة فاصلة في حياتك , بتختاري فيها شخص من المفترض إنه هاتعيشي معاه ويشاركك كل حياتك
واحد هاتشوفيه كل يوم وهاتتقاسمي معاه كل التفاصيل
فلما يجي شخص يتقدم ليكي فلازم تكوني متقبلاه من جميع الجوانب
.
أولا لازم تتقبلي شكله حسب معاييرك الشخصية , ولأن موضوع القبول الشكلي بتختلف من شخص لأخر فماينفعش حد غيرك _ حتى لو والدك_ يفرض عليكي وجهة نظره هو في ده
لأنك انتي إللي هاتعيشي معاه مش هو , ولو تزوجتي واحد من متقبلة شكلة من الأصل , فده باب فتنة بتفتحيه على نفسك , وتنغيص لحياتك بعد الزواج , لأنك دايما هاتشوفيه أقل من تطلعاتك ,,, وهاتظلمي نفسك وهاتظلميه
.
ثانيا لازم تقبلي دينه
ودي نقطة بدهية تانية , لأن المفرط في دينه مش هايكون ليه رادع من نفسه أو وازع ديني يمنعه عن ظلمك أو إهانتك بعد الزواج
.
ثالثا خلقه
طيب مش المتدين ده أكيد خلقه كويس ؟
لأ والله مش لازم
وحالات كتير شوفناها كلنا لأشخاص ظاهريا متدينين جدا , واكتشفنا بعد كدة إنهم أسوأ الناس مع زوجاتهم , وحالات طلاق لا تعد ولا تحصى حصلت من زوجاتهم
والألعن إن البنت إللى بتتزوج شخص من دول حسب تدينه الظاهر فقط وبتشوف الويل منه بعد الزواج , ممكن تفتن في دينها نفسه
ومن الحالات إللي شوفتها _أكتر من مرة_ لامرأة أحال زوجها حياتها إلى جحيم , بحجة الدين _كما زعم_ لحد ما حالاتها النفسية تدمرت تماما ودخلت مستشفى أمراض نفسية
والكلام في الأمر ده يطول جدا
فبإختصار , الدين والإخلاق لازم يتم التدقيق فيهما ولا تأخذي بالشكل الظاهر للحكم على أخلاقه
.
رابعا مستواه الفكري والعقلي
ما تبقيش إنسانة مثقفة متطلعة وتاخدي شخص سطحي قليل الاطلاع
مايبقاش طموحك في شخص يرتقي بيكي وتفتخري بيه , وتاخدي واحد أقل منك في طريقة التفكير
لأن الزواج في أصله مشاركة , وعلشان الشراكة تبقى ناجحة فلازم يكون الشريكان على قدر متقارب من مستوى التفكير , وإلا فسدت الشراكة وفسد الزواج نفسه
فعلى الأقل لازم يكون على نفس قدرك من التفكير أو أعلى
.
خامسا المستوى الاجتماعي لأهله
صحيح إنك هاتتزوجي الشخص مش أهله , بس الزواج برضه التقاء لعائلتين
فلو الإختلاف بين مستوى عائلتك وعائلته كبير , ده ممكن يؤدي لنفور ومشاكل كبيرة أثناء الخطبة وبعد الزواج
ومدى وطريقة تفكير عائلته وطريقتهم في الكلام والحوار مهمة جدا , لأنهم لو على غير خلق جيد , لاقدر الله بعد الزواج لو حصل مشاكل بينك وبينه , مش هتلاقي حد كويس يقدر ينصفك وترجعيله من أهله
وهاتبقى بين خيارين
إما الإكمال معاه على الوضع السيء ده مادام مافيش حد يقدر يحكم بالعدل , أو تنصرفي للطلاق لا قدر الله
.
سادسا صلاة الاستخارة
بعد ما تاخدي كل الخطوات دي , صلى استخارة وتوجهي لله واطلبي منه توجيهك وتيسير الزواج إن كان فيه الخير لكي , أو صرفه عنكي
.
لما حد يتقدملك , اقعدي اتكلمي معاه
شوفي طريقة كلامه وتفكيره , طريقة ردوده وشكله
ده حقك ودي حياتك , وإللي يقلك غير كدة بيضحك عليكي
لأنك لما تتزوجي الشخص الغلط , بعد الزواج مافيش حد من أهلك هايقولك غير جملة واحدة محفوظة
" استحملي يا بنتي وعيشي زي ما غيرك عايش "
فاختاري إللي يناسبك من الأول , علشان تعيشي باقي حياتك صح

#تنمية_زوجية

يا شيخنا يعني إيه شخص حنين عليك؟
بص الحنيّة في العلاقات بتتلخص إن شريك حياتك مايندمش ثانية على اختياره ليك حتى في عز الخناق ..

إنك تكون مُدرك لكل تصرف بيضايقه وتحاول على قد ما تقدر تتفاداه لأنك ماتحبش تشوفه زعلان ..

إن الشخص اللي معاك يكون عايش في أمان طول الوقت، مش خايف ولا قلقان يكون له بديل في يوم من الأيام ..

وإنه يكون متأكد إن عمرك ما هتيجي عليه ولا تسلب منه حقوقه وهتكون أول إيد تطبطب عليه وأول كتف يسنده ..

الحنيّة بتتلخص إنك تكون الملجأ الآمِن والصاحب الوفي والحبيب المخلص للإنسان اللي اختارك من بين كل الناس..

لو هجلس مع شخص في الرؤية الشرعية اسأله في ايه؟

ج/ والله سؤال بس جاي على بالي

هو انتم واخذين الموضوع على أنّه جلسة استجواب أصلا ليه؟

لازم تسألوا يعني

مش ممكن مثلا تقولوا جمل إنشائيّة أو خبريّة ليست هي استفهاما

مثل: يا لروعة القطط .. ما احلى طقس الخريف ... أنا أحبّ الجمبري ... ليت الشّباب يعود يوما ... الخ

الشيخ كمال المرزوقي

طب هو لازم رؤيه ولا حلم عشان تعرف نتيجة صلاة الاستخاره ؟!!!!
ازاي تعرف نتيجة صلاة الاستخارة ؟!!!!
وازاي اصلي صلاة الاستخاره صح اصلا ؟!
اسئله محيره ناس كتير !!

ناس كتير فاكره انه لازم يشوف رؤيه او حلم يقوله الموضوع دا خير او شر مع ان الكلام خاطيء جدا ودا فقط احد الرسائل الربانيه الا ان نتايج الاستخاره خمس نتايج او رسايل لازم تكون فاهمها العلماء حصروها ف الاتي : -

1 - انشراح الصدر، وهو ان الإنسان يميل ويرتاح للأمر اللي استخار ربنا فيه، فلو لقيت كدا توكل على الله وكمل ف الامر وان شاء الله خير (ومش علامة الاذن التيسير زي ما بيقولوا لان ممكن يكون خير ليك بس مش ميسر اوي يعني)

2 - انقباض الصدر، وهو انك تشعر بالضيق والنفور من الموضوع اللي بتستخير ربنا فيه، فتلاقي سبحان الله حتى ولو قلبك متعلق بالوضوع فجأه مبقتش مرتاح ولازم بس تفرق بين حاجتين النفور والقلق لان القلق دا طبيعي لكن النفور انك مش عايز الموضوع خالص لكن القلق دا ممكن يكون قلق تجربه جديده عليك ففرق كويس وراجع نفسك

3 - بقا هي حصول الرؤيا في المنام، وهي مش شرط بعد الاستخارة على فكره ، ولكن ممكن تجيلك بعد الاستخاره برضوا ، فلما يحصلك حاجه زي كدا اسأل أهل العلم عن تأويلها ولازم يكونوا ناس ثقه

4 - انك تجيلك حالة جهالة بالحال، لا فيه انشراح للصدر ولا انقباض ليه ولا فاهم انت حاسس ايه بالظبط وفي الحاله دي لااااازم تكرر الاستخاره تاني وتالت لحد ما تحس احساس مختلف

5 - أنك تفضل ف حالة الجهاله بالحال دي حتى بعد إعادة استخارتك وقتها يُفضّل أنك تروح لأهل العلم والخبرة وأصحاب العقول الراجحة، لسؤالهم عن امرك دا واستشارتهم فيه، قيل (ما خاب من استخار، وما ندم من استشار).

الحياة مليانه بالتقلّبات والمستجدات والأمور المحيّرة، وانت ممكن تشتبه عليك امور واختيارات بجد محيره في زماننا والاستخارة سنة عن رسول الله -صلّى الله عليه وسلم وامرنا بيها ف ابسط امورنا حتى قال "استخيروا ولو في شعث نعلكم"

طيب "كيفية صلاة الاستخارة"

قبل اي حاجه وانت داخل صلاة الاستخاره استشعر معنى الدعاء وانك فعلا فعلا متبريء من حولك وقوتك وعقلك وتفكير لحول الله وقوته وعلمه وحكمته ومسلم ليه الامر وبتستخيره بقلبك قبل لسانك ف كل كلمه ف الدعاء

خطواتها
1 - الوضوء، ثمّ استحضار النية لأداء صلاة الاستخارة.
2 - صلاة ركعتين من غير الفريضة، ويُسنّ أن يقرأ بالركعة الأولى بعد الفاتحة سورة الكافرون، وفي الركعة الثانية بعد الفاتحة سورة الإخلاص، ثمّ التسليم من الصلاة.

3 - الدعاء بعد الانتهاء من الصلاة، وذلك برفع العبد يديه لله تعالى، مستحضراً الخشوع، ومستشعراً قدرة الله تعالى، وعظمته.

4 - استهلال الدعاء بحمد الله والثناء عليه، ثمّ الصلاة على رسول الله صلّى الله عليه وسلّم، ثمّ البدء بقراءة دعاء الاستخارة الوارد في حديث النبي صلّى الله عليه وسلّم، حيث قال: (اللهمّ إني أَستخيرُك بعِلمِك، وأستقدِرُك بقُدرتِك، وأسألُك من فضلِك، فإنك تَقدِرُ ولا أقدِرُ، وتَعلَمُ ولا أَعلَمُ، وأنت علَّامُ الغُيوبِ، اللهم فإن كنتَُ تَعلَمُ هذا الأمرَ -ثمّ تُسمِّيه بعينِه- خيراً لي في عاجلِ أمري وآجلِه -قال: أو في دِيني ومَعاشي وعاقبةِ أمري- فاقدُرْه لي ويسِّرْه لي، ثمّ بارِكْ لي فيه، اللهمّ وإن كنتَُ تَعلَمُ أنه شرٌّ لي في دِيني ومَعاشي وعاقبةِ أمري -أو قال: في عاجلِ أمري وآجلِه- فاصرِفْني عنه، واقدُرْ ليَ الخيرَ حيثُ كان، ثمّ رَضِّني به).[٤]

تسمية الأمر وتحديده عند الوصول في الدعاء إلى قول: (اللهمّ فإن كنتَُ تَعلَمُ هذا الأمرَ)، ثم إكمال الدعاء إلى آخره، ثمّ ختم الدعاء بالصلاة على النبي صلّى الله عليه وسلّم، كما هو الأمر في بدايته?
????

?

صلُّوا عليه وسلِّموا تسليمًا ?

يقول ابن الجوزي رحمه الله :

واعلموا أنه ما مِن عبد مسلم أكثر الصلاة على محمد عليه الصلاة والسلام، إلا نوَّر الله قلبه، وغفر ذنبه، وشرح صدره، ويسَّر أمره، فأكثروا من الصلاة؛ لعل الله يجعلكم من أهل مِلَّته، ويستعملكم بسُنته، ويجعله رفيقنا جميعًا في جنته، فهو المتفضل علينا برحمته .

لو لقيت عندك استعداد تقف أمام الدنيا كلها من أجلها .. وتضحي بالغالي مقابل قربها .. وتعمى عن النساء؛ فأنت لا ترى امرأة غيرها = فهذا هو الحب في أنصع صوره !

لو لقيت عندك استعداد تعيشي معاه عالحلوة والمرّة .. ويوم ما يزعلك هتفتكري إنه فرحك مَرّة .. وقربه يعني لك نعيم الدنيا والطمع في الآخرة .. وأنت له الأم بشفقة الأخت ودلال البنت، عينك تعده "ما تخافش من بكرة" = فهذا هو الحب في أنصع صوره !

لا شك أن كل هذا يندر وجوده تاما في الدنيا، وإنما الناس يتفاوتون .. وعلى قدر الزيادة والنقصان = تتراوح المشاعر بين الحب والإعجاب .. نقية كالسحاب، أو ملتصقة بالتراب.