Бугун, Ватанимизнинг, биз ўзбекларнинг жон қўшнимиз, қардошимиз, жондошимиз, энг яқин дўстимиз бўлган қозоқ халқининг, Қозоғистон Республикасининг Мустақиллиги куни экан, шу муносабат билан қўшни халқимизни, дўстларимизни ва Қўш қанотимиз директори бизнинг қадрдонимиз ўз боламиз Элдоржон Татиевни ҳам бу улуғ байрам билан табриклайман. Давлатингиз мустақиллиги барқарор ва абадий бўлсин. Икки халқ ўртасидаги ҳар томонлама ҳамкорлик ва дўстлик алоқалари янада мустаҳкам ва мангу бўлсин. Бизга шундай имкониятларни яратиб берган юртбошларимиз омон бўлсин.
Элдоржонга ҳам соғлик, саломатлик узоқ умр ижодларига юксаклик, улуғ мартабалар тилайман. Олдига қўйган улуғ, буюк мақсадларига етиб юрсин. Аллоҳ қўлласин. Амин. 🤲🤲🤲🌷🌷🌷

Ватанимиз майдони ~ 2 млн 724 минг кв. км.
Ҳозир 17 вилояти, 3 республика миқёсида аҳамиятли шаҳарлари бор. ~ Астана, Алмати, Чимкент.
Аҳолиси ~ 18 миллион, 130дан ортиқ миллат ва элат аҳил яшайди. Уларнинг бирдамлиги намунаси бўлган,
дунёда ягона ташкилот~ Қозоғистон Халқи ассамблеяси 2025 йилда
30 ёшга тўлади.

ЎТТИЗ УЧ ЙИЛ
(16-декабрь Қозоғистон Республикаси Мустақиллик куни)

Сано айтсам тасбеҳдайин, ўттиз уч йил ҳурлигингдан,
Ўттиз уч йил нуринг тушар, қалбим узра нурлигингдан.
Буғдойларнинг башоғидай, арпаларнинг бошидайин,
Сенга таъзим десам арзир, дурдонаи- дурлигингдан.

Қачон сенга нома ёзсам, ичимдаги қат- қат чиқар,
Юрагимга ёзганларим тўйларингда тўйхат чиқар.
Мустақиллик дея айтсам, музлар эрир чўққиларда,
Сен бор сўзни айтаверсам, болам учун ҳикмат чиқар.

Кимки қўлда ялов тутса, эркинг кўриб эр бўлгайдир,
Элнинг марди бирлашсалар чўғда куймас эл бўлгайдир.
Ханжарини қинга солиб қайтиб олмас даврон келгай,
Ёдга тушса бобом умри кўз ёшларим сел бўлгайдир.

Менинг шундай диёрим бор, тотувликнинг ўтовидир,
Юрагимда ёниб турган муҳаббатнинг оловидир.
Менинг момом олиб келиб, сўнг қизимга тутқазгани-
Ҳурлик деган ҳаловатнинг ҳаворангли яловидир.

Ҳақиқатдан ҳаво рангли, само рангли байроғим бор,
Тилгинамнинг тагида бир булбулдайин сайроғим бор.
Ўттиз уч йил экканларим, униб чиқди бағрингда шод,
Ҳурлик иси анқиб турган, гул ундирган тупроғим бор.

Ўттиз уч йил сано айтсам,самоларга етиб боргай...

Eldorbekday el oʻgʻlonini dunyoga keltirib, oq yuvib, oq tarab ulgʻaytirgan Onajonimizning tavallud ayyomi muborak boʻlsin!
Umringiz ziyoda boʻlsin! Farzandlar baxt-u kamolini koʻrib, yuz bilan yuzlashib yuring!
Bisyor boʻlsa agar bol ham beqadr,
Takror aytilganda rangsizdir kalom.
Bu yorugʻ olamda VATAN bittadir,
Bittadir dunyoda ONA degan nom!
(A.Oripov)
? Cheksiz hurmat va ehtirom ila
Mirzohid Shavkat
Qoʻshrabot tuman "Dilmunchoq" ijodiy klubi rahbari.

Бу ерга жойлаб ҳам улгуролмадим

Азиз дўстлар, қадрдонлар мен ва онажоним учун йўллган табрикларингиз, истакларингиз учун ташаккурларим!

ЎТИНЧИМ

Ҳув, осмонга сира қўл етмас,
Минг ялинсанг ер ташлаб кетмас.
Юз йилдан сўнг биров ёд этмас,
Яна нима талашасан дўст?!

Миниб кетар тулпоринг қайси?
Илиб кетар қаноринг қайси?
Юлиб кетар аноринг қайси?
Яна нима талашасан дўст?!

Кийганимиз бўз бўлса яна,
Истасанг қил, балки тантана.
Йўл керакми, бўшатдим, ана!
Яна нима талашасан дўст?!

Борар жой ҳам тупроқ кападир,
Майса ўсса қуёш ўпадир.
Шу тепалик, мангу тепадир,
Яна нима талашасан дўст?!

Мен боримни бўлиб берганман,
Хазонимни йиғиб терганман.
Йўғига ҳам кўниб келганман,
Яна нима талашасан дўст?!

Элдорбек Татиев

ЎЗИМГА

Чиқса чақир тиконлар босиб ўтдим мардона,
Кўзларим атрофида киприкларим парвона.
Муборакдир ҳар қадам, сенга нурли остона,
Куришишда енгилмас, курагингни асрагин.

Қанотлардан пар ёстиқ, булутлардан момиқдир,
Руҳим ёққан чироқлар мангуликка ёниқдир.
Ҳар томирда оққан қон, муҳаббатга қониқдир,
Юртни севиб ўтмоққа, юрагингни асрагин.

Насли тоза миллатсан, само билан сирлашган,
Асли тоза миллатсан, ҳумо билан туташган.
Фасли тоза миллатсан, ишқ кўксига ўрнашган,
Елкалари тоғ мисол, суягингни асрагин.

Ҳаққа буккан тиззангни нодонларга букмассан,
Ушлагичи номусдан туғни лойга тикмассан.
Ҳосиллари садафдай, донинг чўлга экмассан,
Ҳалол ишда толиқмас, билагингни асрагин.

Қушлар уя қургандай, сен ҳам уя қургайсан,
Деворига жонингдан тўрттасини ургайсан.
Қирқта жонинг қайрилмай, қиличдайин тургайсан,
Том ёпарсан албатта, терагингни асрагин.

Элдор дерлар отингни, эл-улусга ёр дея,
Ёринг ором олгайдир, менинг ёрим бор дея.
Бешикларда мўлтирар, тоғ виқорим бор дея,
Меҳр бирла қараб ётган, гўдагингни асрагин.
Юртни севиб ўтмоққа, юрагингни асрагин.

Элдорбек Татиев

ЎЗБЕКИСТОНГА ЭҲТИРОМ
( олипиада туркумидан)

Довруғингни билган эди, жаҳон минг йил илгари,
Бу тупроқда жўмардларинг чопиб ўтган кўпкари.
Бизга байрам, қондошларим, равнақ топгани сари.
Ўзбегимга ўнта олтин, ўнта зафар муборак!

Дўстинг чиқса чўққиларга сенга ҳам қўл чўзгайдир,
Бирлашганлар неча тўпдан, ҳатто кўпдан ўзгайдир.
Кимки қадрин билмас эрса, тоғ бўлса ҳам тўзгайдир,
Ўзбегимга ўнта олтин, ўнта зафар муборак!

Сенинг шонинг кўтарганлар Темурийнинг посбони,
Юлдузларга тўлиб кетди Тошкентнинг ҳам осмони.
Тўмариснинг қизлари ҳам, дунё тилда достони,
Ўзбегимга ўнта олтин, ўнта зафар муборак!

Ҳар соҳада аввал қадам, аввал карвон ўзингсан,
Тинчлик деган иморатга қўйган нарвон ўзингсан.
Дўстинг ким деб сўрасалар, айтар макон ўзингсан,
Ўзбегимга ўнта олтин, ўнта зафар муборак!

Алпомишлар юрган издан боз юрмоқлик истагай,
Ғолибликнинг чўққисида ғоз турмоқлик истагай.
Боболарнинг минорига ганж урмоқлик истагай.
Ўзбегимга ўнта олтин, ўнта зафар муборак!

Париж кўзин очиб юмса, байроғингни кўргайдир,
Байроғингда ҳар юлдуздан иқболингни сўргайдир.
Кимки сенга ҳавас қилса, сенингдайин бўлгайдир,
Ўзбегимга ўнта олтин, ўнта зафар муборак!

Аёлларинг берган оқ сут, қонига шон бўлибди,
Менсимаслар ҳайрону-лол, янги бўстон бўлибди.
Барча бирдек қўл ушлашиб Ўзбекистон бўлибди,
Ўзбегимга ўнта олтин, ўнта зафар муборак!

Бешикларда улғаймоқда Кунтуғмишлар, ботирлар,
Атрофида ҳамма ботир, бехавотир ётирлар.
Бугун ёшлар ҳар соҳада буюкликка қодирлар,
Ўзбегимга ўнта олтин, ўнта зафар муборак!

Бошингдаги дўппингни дунё тож деб кийгайдир,
Улар энди бу диёрни баҳодир юрт билгайдир.
Қайда номинг эшитса гар, шу дам қуллуқ қилгайдир,
Ўзбегимга ўнта олтин, ўнта зафар муборак!

Савлат кериб тургин энди, ярашгайдир энди ҳам,
Ўғил-қизинг байроғингни то кўкларга илган дам.
Олавергин ярашгайдир, қанча олсанг, шунча кам,
Ўзбегимга ўнта олтин, ўнта зафар муборак!
Ўзбекистон диёрига байрам, тўйлар муборак!

Элдорбек Татиев

Ассалому алайкум! Диндошлар, қондошлар, қариндошлар барчангизга бугунги Қурбон ҳайити муборак бўлсин! Йилдан йилга яна кўп йиллар шундай бахтлар, байрамлар насиб қилсин!