Сўнг давлатимиз раҳбари қурилиш ва лойиҳалаштириш соҳасида фаолият юритаётган корхоналар раҳбарлари билан мулоқот қилди.

Сўзга чиққанлар қурилиш объекти ҳудудида ишчиларнинг вақтинча яшаши учун шароит яратиш, қурилиш ишларига қўшимча ишчи кучини жалб қилиш жараёнини соддалаштириш, лойиҳалаш ташкилотлари рейтингини ҳисоблашда хизматлар экспортини ҳам инобатга олиш ва бошқа таклифларни илгари сурди.

Давлатимиз раҳбари мутасаддиларга айтилган ташаббусларни чуқур ўрганиб, жорий этиш бўйича таклиф киритишни топширди.

Йиғилиш давомида тармоқлар ва ҳудудларнинг ҳисоботлари тингланди.

Facebook|Instagram|X

Ҳозирда қурилиш корхоналарида 300 мингга яқин одам меҳнат қилмоқда.

Уларнинг малакасини ошириш, ўқитиш масаласи долзарб бўлиб турибди. Шу муносабат билан соҳадаги ишчилар малакасини баҳолайдиган тизим жорий қилиш зарурлиги таъкидланди.

Бунда ишчи-касбларга малака даражаси ва иш ўринларига аниқ талаблар белгиланади, бу даражани олиш учун ишчилар профтаълим муассасаларида ўқитилади.

Ишни мустақил ёки шогирд сифатида ўрганганларга сертификат олиш учун малака имтиҳонидан ўтиши кифоя қилади

Сертификати бор ишчилари сонига қараб, рейтинг тизимида пудратчиларга 15 баллгача қўшимча балл берилади. Худди шу тизим лойиҳа ташкилотлари учун ҳам бўлади.

Facebook|Instagram|X

Уй-жой қуриб беришни ваъда қилган қурувчи ва бунга пул тиккан аҳоли ўртасида низолар кўпайиб бораётгани қайд этилди. Бундай ноинсоф қурувчиларга алданиб, одамлар ҳам уйсиз, ҳам пулсиз қолмоқда.

Шу боис Президент топшириғига асосан қурилиш вазири бошчилигидаги ишчи гуруҳи хорижий тажрибани ўрганди.

Эндиликда уй-жой сотиб олиш бўйича кафолатли эскроу тизими жорий қилинади.

Бунда девелоперлар ўзлари қураётган уйлар сотувини ташкил қилиш бўйича банклар билан шартнома тузади, бу уйларни олмоқчи бўлган одамлар пулини қурувчига эмас, тўғридан-тўғри банкка топширади.

Банклар эса йиғилган пулни қурувчига ресурс сифатида беради. Шунда банклар қурувчи ва харидор ўртасида кўприк бўлиб, уй-жойни ўз вақтида ва сифатли қуриб, эгасига топширишга кафил бўлади.

Янги тизим Самарқанд шаҳри, Янгиҳаёт ва Сергели туманларида бир йил давомида тажрибадан ўтказилиши белгиланди.

Facebook|Instagram|X

#Маънавий_маърифий_тадбир Пўлат Мажидович Солиевнинг хотирасини абадийлаштириш мақсадида хотира лавҳаси ўрнатилди
Бугун туманимизнинг "Бешёғоч" маҳалласида Чилонзор тумани ҳокимлиги, туман Маънавият бўлинмаси, туман Маданият бўлими ҳамкорлигида маънавий-маърифий тадбир ўтказилди.

Айни маҳалладаги 18-сонли кўпқаватли уйни кўпчилик яхши билади, чунки бу уйда кўплаб машҳур зиёли боболаримиз яшаб ўтган. Айни шундай зиёли аждодларимиздан бири бўлган Пўлат Мажидович Солиев ҳам мана шу манзилда истиқомат қилган.

Шу боис, мазкур уйнинг пештоқига Ўзбекистон тарихчилари мактабининг асосчиси, биринчи профессор, жадид, сиёсий қатағонлар қурбони бўлган Пўлат Солиевнинг хотирасини абадийлаштириш мақсадида хотира лавҳаси ўрнатилди.

Тадбирда сўзга чиққан Пўлат Солиевнинг издошлари зиёлилар, олимлар жадид бобокалонимизнинг ёрқин ҳаёт йўли, халқимиз учун қилган хизматларини батафсил сўзлаб берди.

Шунингдек, маърузачилар Ўзбекистон Республикаси Президентининг "Қатағон қурбонларининг меросини янада чуқур ўрганиш ва улар хотирасини абадийлаштиришга доир қўшимча чора-тадбирлар тўғрисида"ги Фармойишига асосан «Қатағон қурбонлари» хотира китоблари асосида қатағон қурбонларининг номлари, жумладан, Пўлат Солиевнинг номи ҳам Тошкент шаҳридаги «Шаҳидлар хотираси» ёдгорлик мажмуасида барпо этилган рамзий китоб саҳифаларига киритилганлигини фахр ва мамнуният билан таъкидлаб ўтди.

??? Лавҳамизда тадбир жараёнлари

*? @Сhilonzor_tumani_hokimligi*

Президент Шавкат Мирзиёевнинг Терроризм ва экстремизмга қарши курашиш бўйича халқаро конференция иштирокчиларига мурожаати
—
Послание Президента Шавката Мирзиёева участникам Международной конференции по борьбе с терроризмом и экстремизмом

Prezident.uz|Facebook|Instagram|YouTube|X